溫故知新 – 搵食男,黑心男手影

最近收到一位忠實女客人來信,她很有心的為大家分享了她過去在網上交友的經驗,當中包括了搵食男,黑心男,而且她思維也很清,說了很多共通點。
我常說,只看事實。你在看過 H 這篇分析之後,你必然獲益不少。
也當作是溫故知新,一次過將我所說過的重點一次過重溫,極有參巧價值。
H 的分享:搵食男及黑心男的共通點
龍師及女神你好好久沒給你來信了
從你的網誌文章及podcast 看到了很多的網上交友的案例由於是真人真事很多都是發展成整個故事的可能到了很後期姊妹們才能識破那些搵食男寶藥黨黑心男的真面目浪費了不少時間
我在網上平台交友已有兩年的經驗亦曾成功搵到兩普通職業的男朋友拍拖  (拍拖日子長但不是衰因年紀/價值觀差異而分手)所以想將我的經驗精要地分享給大家在我身上發生的是在網上或平時朋友圈都有point form 濃縮成雞精更易記如有不妥當的也請師傳糾正一下亦歡迎刊登出來分享給讀者
(龍師傅註:這很正常,交到正常的男生也未必一定能夠穏定,只要自己有本錢,打扮好外表,也注重內心想法,性格的培養,機會自然一直來。
馬上來到重點了,請留意。)
 
男生既對話 = 搵食男手影
• 扮認真話自己無時間慢慢玩要一拍即合搵個伴
  (試過三個已判為搵食男咁同我講,最後我忍唔住回答只係傾左一日既第三個搵食男無時間你聽日死啦咩個個玩家都咁講架啦激死佢即刻block 左我)
• 識幾日甚至第一日不停問你鐘唔鐘意佢
• 好關心你係咪一個人住知道後會加劇攻煲你
• 知道你識煮餸但見都未見過就成日話要試你手勢 (連第一次約出街食飯都唔會既男人100% 小家兼搵藉口上你屋企)
• 送你返屋企藉詞要借廁所入你屋
• 要你俾全身相佢睇更甚要求泳衣照等
• 唔直接放自己張相既多數係己婚有女朋友 (要睇年紀年輕的多數會放30—40幾唔放多數有野想隱)
• 睇交談時間晚上及週即刻少訊息甚至失踪唔搵既 (有老婆/同居女友一般office work 作參考)
• 只俾wechat唔俾電話 (就算見過面都唔攞電話)
• 出去飲野不停要你試cocktail (少飲酒既人其實飲cocktail 好易因為溝左酒, champagne  好romantic 亦十分易醉)
• 講唔夠10句即問攞 contact, whatsappwechat, Line 等 
  (呢點想師傳幫手解下碼呢類男仔比起之前多左好多大部份都30歳樓下的年輕人故意approach 年龄35以上既女人我懷sales呃美容plan 果種或者保險
(龍師傅註:真聰明,絕對是。請你何時也要記著,每個人做的每一樣東西,都必然有其目的,而九成的人都不會直接告訴你。
Sales 會是其中一樣,如給 WeChat 或 Line,沒有自己電話號碼會比較好。
另外,未見過的男生也必然不能讓對方知道自己在那裏住,更不能讓對方上自己家,太危險。
搵食也不出奇的,所以,正常如果想在網上交友,必然是往上看,例如 35 歲可以找 40 歲的,而不是找 30 歲或以下的。)
佢地會造好多嘈音例如好少上呢個app,用 whatsapp 傾好啲你話唔俾佢就話想交真心朋友先要contact”又有另一個我唔俾就話 交個朋友啫又唔係搵女朋友咩理論交朋友就可以隨便俾電話你呢個網友唔好以為佢要交女朋友咁有介心呀
(龍師傅註:對,這種似是而非的理論,可以不理。)
 
其他既毛手毛腳只談論你身體等等就好似師傳所講咁, 在此不再重覆
 
網騙寶藥黨手影
• 放著制服相如美軍機師等100%係騙正常人唔會將自己既專業/職業放上交友網俾人知
(龍師傅註:絕對會,因為男人都知道,有一部份女生,特別對於某種職業會有好感,例如醫生,律師,飛機師,紀律部隊;而搵食男知道此弱點,就放這些東西上去,欺騙女生。
請你相信我,有部份女生真的會對這些有情意結的,而且為數也不少;這類型的女生,感情都會非常失敗,因為她們只會被人欺騙了一次又一次。)
• 美軍騙錢手法係由黑人集團操控親無故,你係結婚對象信任你一怕打仗會死要寄重要物品俾你保管然後海闗扣留要錢
• 專業人士定做生意如龍師傅所講貨品被扣關
        (要識破呢類騙子好容傾談中可藉詞叫佢放一樣物品喺手影張相俾你睇就得例如銀紙輔幣等做唔到因為無stock photo, 黑人既手點扮白人)
(龍師傅註:這真是好方法。另外,有人會問,這類騙錢的人,有人信嗎?我可以肯定的答你,有!剛有一客人她和海外網友素未謀面,就已經可以因為對方一句生意失敗要錢,而了五萬元給他,在我很不客氣的說破了之後,她還是相信真有其人,他不是騙她。
所以,何時也要提防。聰明也好,不聰明也好,只要在何時也不要給錢給對方,就必然不會被騙。)
• 藉詞無帶銀包問你借幾百蚊應急博細數目你唔在意,無介心 (真係有男人網上為左幾百蚊呃啲女人因大部份受害人唔敢講出嚟)
• 話淘寶戶口綁定張卡有問題要你借住過數俾佢
另附上一則最近發生既新聞俾讀者, 呢個案真係比師傅你個客人兩年被騙一百萬更加慘烈, 大家真係要萬分警惕

網戀騙局 女看護失250萬

黑心男手影 (朋友圈發生)
對唔住我係呢方面經驗比較少有男女flirting 意味而約我的我唔會主動問幾多錢只會講多謝如果一路只當朋友式傾談而約出黎,  無其他意思就會AA制. 
  • 經常駕名跑車出席朋友聚會但私下約會時咁啱架車就會攞左去維修下月又咁啱檢查因為唔同路你自己搭地鐡回家吧XXD
  • 吹噓自己有錢但帶你去一些比較低消費的餐廳
(本人經驗有一個中年光頭男士第一次飯聚話自己個哥爾夫球會藉都百幾萬有兩層樓帶去深灣哥爾夫球會食飯每個只係$160-180, 仲話會員福利好抵食走時只係車去地鐡站放低我無打算送過海
第二次約我去睇戲初頭話去港島香港里拉 Oyster bar 食完再睇戲佢想睇755分果場問左我收工收7話可以睇950到佢訂完票就話俾我聽訂左755分果問我可否早點過去金鐘oyster bar 食啲quick bite, 我答唔得
到當日又問我可否7:15到金鐘我答唔得佢話唯有唔食野住入場到戲院入面佢都好gentleman 咁問我肚唔肚餓買熱我食睇完戲再食野睇戲時佢想拖住我手我故意話涷撓埋雙手唔俾佢拖佢幾無瘾
睇完戲我地去食日本野價錢中等食完佢話下次有咩戲想睇就搵佢送我到地鐡口就自己去攞車
我之後只回應佢一兩次就無再見。
呢位男士其實唔算十分黑心不過佢係有點計較同好快想有身體接觸安排上欠缺體諒女方收工時間至於送唔送返屋企呢個問題有心追女方係應該要送
PS: 可能好港女諗法但在年齡/外觀既相對條件上男方應欣勤一點才有功機會 ) 
(龍師傅註:這當然,不過也要看路程,如果男方無車,又長期約會,也很難每次男方都送女方回家的。)
封email 有點長, 帶望唔好介意
讀者H 
(龍師傅註:不會,我很謝謝 H,說了很多手影出來,大家看到,記住,就會成功避開很多陷阱。)
(總共 12,128 瀏覽, 今天 1 瀏覽)