遊記26 3 月, 2008

最近朋友介紹,說深圳開了一間不錯的酒店,很有日本 feel ,而且周圍都見到戚美珍和苗僑偉做代言人的廣告,心想都應該不錯吧,而且朋友也去過兩次都話正,於是趁著復活節假期,找一天自己放自己假,與朋友到深圳諗住嘆番日,點知。。。。。

衰野遲 d 先講。

佢個 package 是這樣的,HK988元,包一間房,兩人 SPA 兩個鐘(實收個半鐘),三百蚊餐券,兩個免費早餐,好抵,平過係香港玩好多。

東涌酒店也有類似 package,但要成千六蚊,仲要無 SPA,所以有時留意大陸既酒店都係有著數的。

一抵埗,個 feel 都唔錯,大堂裝修雖未至於六星級,但勝在新裝修,乾淨企理。

樓下有間 ILLY 咖啡,係專門店黎,如有興趣都可以試下,不過只係得咖啡,其它食品一律欠奉。

如果有人鐘意用香薰的話,一定認得呢個波,香港剩係個波都要千幾銀,d 香薰要幾舊水一支,佢都好有心思咁,周圍都擺幾個,睇落好似 high d,每層樓都有。

經過兩個鐘頭的糾纏,你無睇錯,我都無打錯,我地足足用左兩個鐘頭先入到房,到最後因為無房,所以 up grade 左到商務樓層,貴左 $250,但我地睇過,其同 up grade 前只係相差左部電腦:

咁我都有 Eee PC 啦,不過算啦,無房都無計的,寬頻唔駛錢,一插即用,超級快!

其實佢d 擺設唔差架,你睇佢兩隻杯幾特別,全部用具都好有心思,值得一讚!

個 pantry 櫃桶拉開,好有特色!

洗手間對我黎講好重要的,呢間房完全符合到我要求,乜都有,又乾淨!仲有兩枝免費水添!

浴缸超大,超深,點浸都得,我最鐘意浸浴缸,因為一浸落去D熱水度,閉上雙眼,真係好似李白咁樣,天生我才,比D你用!乜野都可以諗度!

我仲特登拎左箱根浴鹽(不過係大板買),超香,每包都係幾蚊咋,我兩日浸左三次!

馬桶設計都好有特色,第一,個馬桶係圓形既;第二,個沖水手把好特別!

浴缸隔離有企缸,水力好猛,超舒服!

洗手盆又係好特別,佢係長方形,而且個底係平既,咁有乜問題,咪去唔到水咯,所以自己屋千祈唔好買D平底既洗手盆!

衣櫃有齊浴袍,睡覺衫,浴袍又係我既至愛,因為我懶,沖完涼一著上身就行得,真方便!

張床都唔錯,雖然無屋企果張咁舒服,但都可以了。

我想大家留意下果幅畫,係一個細路仔諗既,然後係一個好出名既設計家畫,名我就唔記得了!

不過,大家要留意,就係如果要住呢間酒店的話,一定要住 upgrade 房,早一日訂位可以免費 upgrade,最緊要有浴缸,因為無浴缸既房相差好遠。如果即日先訂,咪好似我地咁,夾硬俾多二百五十蚊去住一間多左部電腦既房咯!

(未完,待續)

深圳 Zense 昇逸酒店
深圳羅湖區文錦中路 2 號
訂房電話: 86-755-82681888
(一定要先打電話訂房, 這樣可以免費 upgrade 至有浴缸房間, 否則寧可不住)
(現時有套票價人民幣 988 元, 包一間雙人房, 早餐, 免費 upgrade 至有浴缸房間, 雙人 SPA 90 分鐘, 300元飲食餐券在昇逸軒享用)

關於作者

龍震天

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

分享
Facebook LikeFacebookWhatsAppLineEmailSumoMe

四天戀愛溝通術


原價 HKD2,680,現時 免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>