剛由朋友提供的電郵寫了一篇 "笑死你的廣東話", 意猶未盡, 又想起另一個龍師傅的親身體驗, 就和大家分享了.
那次是和朋友去一間酒樓, 一去到, 大家坐低. 服務員走過來, 四十來歲, 女性.
她問: "你地係咪路過?"
我朋友問: "路過? 我地係黎食飯嫁!"
女服務員繼續問: "唔係, 我係問, 你地係咪路過?"
我朋友繼續答: "阿姐, 我都話左咯, 我地係黎食飯既, 你見到我地入到黎已經乖乖地坐係度, 點會係路過?"
阿姐嘆了一聲, 又道: "咁你地係咪蘆薈呀?"
我另一個朋友覺得好好笑, 道: "乜我地似蘆薈咩? 我地邊忽似蘆薈呀?"
真係唔係講笑, 亦唔係玩佢, 我地一行六個人, 真係無個人知佢講乜.
跟住我地你眼望我眼, 數下有幾多人, 一, 二, 三, 四, 五, 六! 突然間, 大家都明白了, 也顧不得儀態, 馬上笑作一團, 笑了兩分鐘之久.
你明唔明? 如你唔明, 就十足十我地當人咁, 係咁問: "我地點會係路過嫁?" 同埋 "乜我地係蘆薈咩?"