上一次說到有一位網友來信，她和男朋友認識十年，拍拖三年，現時感情穩定，也未有結婚打算；只是男朋友因為原生家庭出現問題，她不知道如何幫助他及開解他。

本文分為上下兩集，上一篇說到她男朋友之前的女朋友如何做一個依附品（attachment）依附在她男朋友身上，這一篇文章就開始提及男朋友的原生家庭。

繼續我網友的故事，這次著力分享她的問題，就是如何開解一個原生家庭有問題的男朋友。

網友來信

講左咁耐重點終於嚟啦！我發覺佢唔係好識同屋企人相處/ 溝通, 佢同我Daddy, 朋友, Cousins嘅話題講嚟講去都係圍繞工作, 而因為我本身同佢好多話題, 講下大家返工嘅趣事, 講下新聞, 講下天文地理, etc etc, 所以直到我帶佢去見我屋企人我都未注意到這個問題。

（龍師傅註：聽起來未必是溝通問題，因為他和你溝通是沒有問題的，只是他可能不慣在人多的大場合湧於表現自己，如此而已；也可能和你親人不太相熟。）

雖然我係獨女, 但係由於daddy mami 兩個都好多兄弟姊妹, 所以由細到大就已經係一大棚人之中應酬。

（龍師傅註：這就是他和你的不同之處了。）

可是男朋友由Form 1 開始已經自己住咁滯(當年佢繼父同埋佢媽媽工作太忙唔係成日喺香港, 都係放低生活費比佢自己搞店, 而哥哥大佢8年已經去左美國讀書), 再加上佢始終對於佢親生爹哋在他兩歲時掉低佢哋三母子有介懷。

（龍師傅註：童年被遺棄的感覺必然是不好的，也會讓他對愛情沒有安全感。）

我點解會知道佢介懷係因為有一次講起第時要唔要小朋友, 佢講講吓喊住咁同我講話佢好驚佢好似佢親生老竇咁, 佢冇father figure 比佢做reference, 佢唔識點樣可以做一個好老豆。

（龍師傅註：現時你和他只是拍拖而已，想到這些好像比較遠；而他如果童年有陰影，未必是你說教他就可以明白及改變的，也有可能會否你去遷就他的價值觀，你也不生小朋友，問題就解決了。）

佢媽媽係佢6歲左右嘅時候同左依家嘅繼父一齊, 繼父視佢地兩兄弟為己出, 亦供書教學到兩兄弟去美國讀大學. 就算佢媽媽過左身, 都會一個月左右返香港一次探下佢兩兄弟. 但係就好似始終對於佢嚟講唔係一個"Father" (佢平時叫繼父暱稱, 係人面前就介紹佢為老豆 - 純粹係因為費事解釋咁多)。

（龍師傅註：聽起來雖然生父離他們而去，但繼父對他們好，也是不好之中的好。）

所以佢屋企對佢嘅家庭觀念impact 好大. 但係由於我本身屋企真係一個幸福嘅小康, 我acknowledge 佢嘅concern 但係完全relate 唔到亦唔知道點樣可以開解佢。

（龍師傅註：去到這裏，我其實不知道要開解甚麼，因為一定要 result oriented，你一定要想有甚麼目的，例如結婚，例如生小朋友，我們才可以沿著這個方向再想下去。

如果還未結婚，暫時也沒有甚麼需要開解的。

因為你現時說的開解，是情緒而不是實質問題，所以這比較難處理；例如你說你男朋友現時想要五千元，這就好辦，因為很實質；又或者他想轉到銀行工作，這也好辦，因為這也很實質，努力之後結果可以量度。

但因為他原生家庭問題不開心，他繼父在他心目中不是一個 father，即親生父親，我就不知道怎樣開解，因為這是無法改變的問題，我也想像不到他繼父在他心目中不是一個 father 和他是否想結婚有甚麼關係。

在我的認知裏，我有客人，自小就是孤兒，連親生父親母親是誰也不知道，成長後也可以心智健全，正常溝通，結婚，生小朋友。

所以我想不到兩者的關係如何。

他不開心，也當然正常，我記得我見我客人的時候，我的客人說到這裏也很不開心。

但過去的已經不能改變，最重要是將來如何。

某程度上來說，過去已經沒有了部份愛，在有生之年是否會成就一些事情（例如結婚）而去讓這些失落了的東西又重新完滿呢？也是可以的。）

雖然唔係急住結婚 (我自己已經有物業), 但係都想解開呢個心結, 所以想請教一下龍師父點樣解開呢個心結。

（龍師傅註：心結未必可解，也未必一定要解，最重要是結果。

而這件事情的結果，看起來就是結婚，生小朋友。

而要他願意和你結婚，生小朋友，並不一定要解他這個自少親生父親遺棄了他的心結。）