這種人其實是很多餘的，邏輯很簡單，這些豬人你自己也不認識也不深交，但吃飯送禮物又預你一份，到你生日的時候他們會否和你慶祝及送禮物？

如果沒有，那真的不用出來這些聚會了，擺到明不出席也可以。

網友來信

龍師傅你好，睇左你嘅文章多年，每一篇我都有睇，真係獲益良多，非常感謝師傅無私嘅分享。最近有一問題想請教師傅，希望師傅能夠解答。如適合，歡迎分享。

（龍師傅註：好的，題材很適合，真是看到火都黎埋，而且我也比較少看到這類型的個案，但我又知道大家都會有興趣，所以我樂意分享。）

我同男朋友一齊左三年，由拍拖初期開始已經常出席佢朋友嘅聚會，每個月最少一次，通常更多，大時大節都會一齊過，但除左某一兩個女仔，私底下我同佢其他朋友都唔熟，唔會聯絡，所以我心底裡覺得佢地並唔係我嘅朋友，如果將來我同男朋友分手，根本唔會再見佢地。

男朋友同佢啲朋友有送禮物嘅習慣，每逢有人生日，我都要夾錢請食飯，送禮物。其中有幾個朋友生bb，又會送禮物，bb 100日又會封利是。試過有生日飯食左每位近千元，禮物通常夾幾百，利是五百，有時並唔係心甘情願俾，因為金額唔細又覺得佢地都唔係我嘅朋友，不過我從來冇表示不滿，照夾錢就算，同自己講算啦佢地係男朋友嘅close friends。請問師傅，我應該努力調整自己嘅心態，定其實呢個情況係唔正常，唔應該我俾？

（龍師傅註：這些嚴格來說根本不是你的朋友，在你男朋友也不算是，只是酒肉朋友，因為根本不熟。

另外一樣，他們興送禮物夾錢吃飯，不代表你也要興這些的；如果大家有來有往尚算勉强可以，如果沒有你根本無須出席這些被人搵笨的活動。

還是那句，有人要自己贏哂或搵你笨當然你不能控制，但你可以控制你自己是否被人搵笨。

另外你男朋友過生日他們會夾錢嗎？不過即使有夾，也不關你事，因為你平日有份夾，在情在理他們也要幫你做生日才對。

如果他們覺得無須要和你做生日，那為甚麼他們生日又要你夾？你沒有父母生嗎？

另外生日飯每日吃一千元，這些根本不是少數目，真的不用充大頭鬼的，因為這些人根本對你沒有任何幫助。

對你沒有任何幫助的，又要搵你笨的，根本不是你的朋友。）

令我最煩惱嘅係，最近聚會嘅時候佢地講起另一個男仔黎緊生日傾買咩禮物，但呢個男仔係我男朋友今年先認識，並唔係佢嘅close friend，我更加只見過佢幾次，對佢好感不大（男朋友都覺得佢性格麻麻），我真係極度唔想夾錢買禮物俾佢（預計要五百），請問師傅我應唔應該同男朋友講我嘅諗法？定為左social／俾面／免卻麻煩尷尬，忍氣吞聲夾錢就算？

希望師傅可以幫我解惑。祝師傅身體健康，生意蒸蒸日上！謝謝。

（龍師傅註：另外我也覺得奇怪，這些朋友不是你男朋友的朋友嗎？如果你男朋友想你出席，他應該要付你那份才對，為甚麼他又不幫你付？

這些人是不用俾面的，有來有往，你對我好，我對你更好，問題在於如果這些人根本對你不好，又要你夾錢出沖，而你生日他們也不會和你慶祝，你真的不用出席的。

你應該要好好和你男朋友說清楚，這些人是他的朋友，他要充大頭鬼是他自己的事情，他應該要幫你付錢的。）

K小姐上