8 4 月, 2021

(估計閱讀時間:  分鐘)

黑心男個案,取之不盡。而我常說,到我這裏,看我的網誌,你就可以看到大量真實個案,而當中有很多個案都是將我的理論不斷重覆及呈現,好像黑心男。

我常說,女生找男生,有幾類型的人要不得:黑心男,搵食男,小費男,Sales 男。

這些人全部都不會讓你的人生有幸福,而這種男人也不斷會用不同的理由去讓你跌入陷阱,所以一定要小心檢視。

不過,光有理論是沒有用的,很多時候我們都會想像不到,唯有不停有實質例子,讓你不停重看,務求讓你一看到這些人,腦海之中會自動彈出我的理論,讓你警覺性馬上提高到百分之一千萬,才會有用。

所以,不停看我的網誌,不停看不同的個案但有著同一個共通點,你就會在感情思維上成長。

我們先看個案,然後再看看我的想法。

網友來信

龍師傅你好!之前都有因為一啲私人事情請教過師傅嘅意見,好多謝師傅用心嘅回覆!令我敢於踏出comfort zone,認識新對象,真心多謝師傅!

(龍師傅註:那就好,最重要是幫到你。)

網上交友真係好方便,容易識人,pool又大。

不過自己都有段時間冇接觸呢個圈子(前度同前前度都係上網識嘅),一開始嗰陣都會太上心,即係人地唔覆、唔再傾就已經會唔開心。

跟住即刻搵返師傅嘅文章睇睇,見到師傅都有講,網上交友好處就係人夠多,唔岩就next,唔需要覺得可惜,呢個都係網上交友嘅要訣嚟。

(龍師傅註:對,我剛和客人談過,網上交友好處有很多:免費,機會多。

當然,網上交友也會有它的不好處:太雜亂,很多都是混吉。

不過,還是那句,你只要有一千對三的想法,以及不停去試,你就何時都有機會;這總好過在現實當中上班等下班,放假呆在家卻不停想有男人上門按自己門鈴追求自己好得多了。

這不是緣份的問題,而是機會的問題;感性人最喜歡將愛情推給緣份,一句「只要有緣,即使我如何不主動都會有男仔上門」就推得一乾二淨,結果卻要自己承受孤獨終老的惡果,自己卻又接受不到。

到後來,唯有圍爐取暖,找幾個沒有男人要的女性友人,不停將男人的不好處放大,不停去說「男人無個好人」就完美解釋自己沒有拍拖是正確的歪曲邏輯。

她們大概是故意不去想,那些有家庭觀念又對妻子好又生小朋友的男人,其實在這個社會上還有很多。

所以,我真心不希望大家是那種執著偏激的人,而是桃花滿滿,不停讓自己有選擇的人。)

簡單交代吓我背景先,我26歲,拍拖經驗四次,外表客觀嚟講應該算ok(出街都時不時會有人問我拎電話),平時鍾意煮野食,親戚朋友都話煮得好味。

我都覺得女仔識煮野食係可以加到分,俗語有話:「要留住男人先要留住佢個胃」嘛,哈哈。

本身做市場推廣工作,不過新年前因為工作唔愉快所以離職,到依家又因疫情問題而難以搵工,好彩本身都有儲啲錢,所以生活暫時不成問題。

(龍師傅註:拍拖四次外表著實不錯,這在事實當中可以看到;而你機會多,也年青,必然會有很多機會的。)

網上交友咗兩個星期到,有識到唔少對象,不過唯獨一個令我印象深刻,因為我好懷疑佢係黑心男,但又唔肯定,所以想請教吓師傅,不過我寫得比較詳細,希望師傅唔好嫌我寫得太長氣就好XD。

(龍師傅註:不會,越詳細越好,而我的網誌最大好處是,全部都是實質事情,全部都不是我作出來的,所以你寫得越詳細,越實質,越有可信性,而不是說了半天只有情緒及感覺,我最怕。)

對方32歲,做商場維修,月入大概兩萬多,平時鍾意行山、打拳。

只拍過一次拖,初戀發生喺31歲,戀情維持咗一年就被分手,原因係對方厭佢悶。

佢自己都話之前拍拖都多數留屋企,就算女友講明想去某啲地方拍拖,佢都會拖吓拖吓冇咗件事,同埋佢話佢覺得吃喝玩樂想慳啲(因為想買樓),但女友有事要佢借錢,佢就義不容辭馬上過數,甚至分手後都冇再追還。

佢話經歷咗呢次戀情,佢覺得自己真係需要改變。

而事實上,我同佢傾落偈,的確發現佢真係好唔識講野同埋好似冇咩同理心。

同佢溝通會幾辛苦,話題終結者,一問一答似返工,好多時候會講到唔知應該點覆佢,所以我諗佢單身咁耐都係有原因,但佢嘅缺點都係佢嘅優點,正因為佢悶,所以相信會比較專一,為人都老實。

(龍師傅註:和這種男生交往比較沒有樂趣,因為一問一答根本就沒有意思,也不是恰當的男女關係對答,這也是我常說的只答 Yes No,並不會讓你透過對話而了解對方。)

不過我想列出幾件我比較難忘嘅事,想師傅幫手分析吓佢到底係唔係黑心男?

  1. 享用義診服務 隨心捐款但嫌人貴?

事緣佢一次打拳整親,去咗某某中醫嘅義診,人地有幫佢做足針灸、電針、推拿、敷藥。佢自己都講即使對方係義診,都感受到過程相當認真,事後人地都主張隨心捐款,佢話當時打開銀包見到只有二百蚊,所以就俾咗二百蚊人地。

佢形容對方收到二百蚊時相當開心,覺得為XX中醫賺到錢好開心咁。而佢之後有再去第二次,呢次就俾咗三百蚊。

然後佢話再想去第三次嘅時候,覺得有啲貴,所以唔打算再去了。

佢講自己係有份保險可以claim足物理治療,只係佢唔想要睇醫生寫紙所以當時先揀去XX中醫。

我聽到呢到當然心裡不是味兒,因為我知道兩件事,第一,XX中醫原意義診對象係沒有經濟能力的人士,當然我也知道即使是有經濟能力的人他們也歡迎,但非經濟困難應該俾足市價(甚至更多)去支持,而唔係咁樣濫用。

第二,我自己都光顧過中醫,知道淨係全套絕無可能二百或三百一次。

但我當時冇講出口,記得師傅有講過要「同意不同意」,所以我就答佢「咁如果你有保險,當然係claim保險化算啦!」其他野一笑置之。

(龍師傅註:兩個重點,第一,如果貪平去找義診我覺得也不是很大問題,但不是甚麼大病而長期去而對方義診說明是幫助有需要人士就有點問題了;我也有客人是熱心中醫也有做義診是幫助街邊的流浪漢的,我也很難想像會有經濟能力負擔得到的人去長期光顧,這是貪小便宜的行為。

第二,你做得對,如果自己不同意,就只需要同意你不同意的事情就可以了。)

  1. 一間拳館打足十年 冇俾學費但仍然每星期去

呢樣我就唔知係咪拳館文化定係點,佢話因為佢已經學咗太耐,拳館唔好意思收佢學費,所以佢照去,不過就間中會幫手睇吓啲師弟。

但佢都只係業餘級數,亦都冇出賽經驗。

(龍師傅註:這未必是構成黑心男的原因,因為他也有付出,幫助看師弟。)

  1. 第二次約會想AA

呢樣都係令我最confused,到底佢係咪黑心男!

因為師傅講過,第一次約會AA必然係黑心男,但呢個case我有點傻傻分不清。

第一次佢揀咗間泰國餐廳,氣氛唔錯,埋單接近五百,結帳時我有拎銀包出嚟,佢話唔需要,呢餐佢請,咁我就客氣話「多謝你,揀間咁好嘅餐廳仲請客,下次要到我請㗎啦」當時佢都笑笑口話「好!下餐要食貴啲嘅!」

咁到第二次約會,餐廳佢預先揀好咗,係食越南菜嘅,事後先知埋單大約四百幾,結帳嘅時候我見佢猶豫咗一陣,跟住拎咗張單出去埋,出到餐廳門口我有問返佢,我話「上次講咗我請嘛,岩岩張單幾錢?我俾返你呀?」跟住佢話「你俾返二百蚊我啦」下一秒接住說「定你想我請你?」

我嗰刻有啲唔識點接,load咗兩秒先講「不如唔好將啲錢拎嚟拎去,一陣糖水我請啦」

佢話好,之後都冇再提要拎返二百蚊,但呢到我就有啲疑惑了。

雖然上次我係講咗我請,但最後發展到佢想AA,係咪我錯呢?(錯在上次講請又冇請)

(雙方也有責任,因為你有說過第二餐你請,那他也很自然會想到第二餐會由你主動付款,但你沒有主動付款,所以你有問題的。

而他的問題是,如果是男女約會,女方沒有主動請,那就算了,也不用在女方問的時候說夾回二百元的。)

而對方又有享受和我曖昧,因為食飯嘅時候佢叫個麵嚟到先知係辣,佢話唔食得辣,我見到佢食得咁辛苦,就提出交換麵食,如果對方對我無好感,應該唔會接受食食過嘅食野,甚至唔會有第二次約會吧?

(龍師傅註:他一定是對你有好感的。)

  1. 知道我獨居,經常想話上嚟幫我執屋但我都婉拒了,只係婉拒完過一排佢又會追問⋯正常女仔一定唔會咁快俾男仔上自己屋企掛,我覺得佢上嚟一定係另有目的,但目前為止嘅四次約會,佢都相當規矩,冇多手多腳。

(龍師傅註:你的做法正確,一開始認識時必然不能讓男方上自己家裏,這很危險。)

  1. 似乎非常在意我失業,對話基本上任何野都係叫我搵工。

(龍師傅註:這就一半半,他想你有工作是很正常的,他也是想你好;不過如果他很在意很在意就有可能他真的很緊張你沒有收入而出來拍拖使費全在他身上。)

呢樣一開頭嗰陣發現唔到,依家可能日日傾,佢搵唔到話題,就成日叫我搵工。

最近一次,我忍唔住講咗句「我個fd琴日先俾人炒埋,其實呢個時勢仲不停叫人搵工都幾離地,加一個無奈微笑emoji」,然後佢答「我唔係叫你搵工呀,我意思你願望係搵到份工就得了」。

(龍師傅註:其實看起來你們也不是很合得來,不過你似乎也很介意他所做的事情;所以在這情況下,早點不聯絡不再發展下去是最好的做法。)

聽完都實在唔明佢講咩,之後我估佢覺得我嬲咗,即刻就話想約我第日喺沙田食飯,順便俾啲佢公司嘅口罩我,我記得自己係初初識佢講過屋企就快冇口罩了,佢嗰時亦有講可以俾公司口罩我,不過公司口罩質素比較差,希望唔好介意。

(龍師傅註:這個男的行為比較孤寒,例如我早前說過的個案,有男生拿免費票請女生看戲之類,不過他也不構成黑心男。

因為要構成黑心男,首要條件是這個男人經濟很好,而且一開始時會表明自己有甚麼物業,務求在開始時震攝你;而這個男人月入二萬多,我看不到有甚麼條件成為黑心男。

當然,經濟條件一般,有些男生也可以很大方的,但這個就不會了。)

而當時講完再見面都冇咗件事,我以為佢唔打算俾,所以都費事追問,呢次約會就係抱住最後一次見佢嘅心態出去見佢,所以就有應約。

呢次約會,我都係好疑惑,到底係我誤會咗佢其實係冇心追我,定係佢係黑心男/小家男?

(龍師傅註:這不是黑心,只是收入不太多,而且性格有點度縮而已。)

呢次去咗食韓燒,埋單都係四百幾,佢主動結帳,之後拎咗一包用密實袋裝住嘅口罩,拎上手覺得有啲薄,估計應該十個不夠。

我收到表現得好開心,我話「多謝你呀,專登拎口罩俾我」,其後我見到佢開始有啲想管我,佢行開咗一陣返嚟見到我撳緊電話,即刻有少少扮惡問「邊個嚟㗎,同緊邊個send msg!」

跟住我笑住話「朋友嚟咋」,佢就冇出聲了。

約會後佢都有繼續msg我,但我琴日開始已讀不回佢,因為我真係滿腦問號,到底值唔值得再同呢個人交往甚至發展關係,我真係好混亂,希望師傅可以指點吓迷津。

多謝師傅睇晒全文,在此祝師傅身體健康,笑口常開,生意蒸蒸日上!

(龍師傅註:看上去就不值得交往,而你也沒有再聯絡他了,這是好事;日後交朋友也要小心一點。)


(你有個案想和大家分享嗎?如果題材合適,你的個案有機會得到龍震天詳細分析!

如有個案,可以來信至 info@masters.com.hk,讀者個案分析逢星期五及星期日刊登。


運氣一直不來嗎?

無論工作,感情,人生,你一定要明白運氣操作原理,你就何時都會交上好運!

十七個重點

讓你成為桃花萬人迷

綜合 6,500 個真實個案,超過 100 個桃花萬人迷,找到她們不告訴你的想法,行為,潛規則,你現時可以免費得到,打開神秘大門!

四天戀愛溝通術

了解男女心理學,用潛意識溝通

控制對方不由自主

做任何你想他做的事情


王姬課程

讓你幸福的十個理由

如何找到幸福人生?在這本精讀筆記當中你會找到答案!


五天看穿男人心

了解男人心理,知道男人想法,對你的感情有莫大益處!


是否還未找到好姻緣?感情路上遇到問題?工作是否一直沒有突破?

其實未必是運不好,而是你不清楚問題的解決方法而已;方法不通,任你有多大努力都沒有用處。

龍震天有以下一對一咨詢服務,可以幫助你突破現時困境,找到出路:

  • 感情咨詢
  • 一生運程詳批
  • 工作咨詢
  • 陽宅風水
  • 改名
  • 婚嫁擇日,搬遷擇日
  • 擇日剖腹生子

了解服務詳情可以按以下連結:


關於作者

龍震天

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

分享
Facebook LikeFacebookWhatsAppLineEmailSumoMe

四天戀愛溝通術


原價 HKD2,680,現時 免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>