這個一個不常見的個案。女主角和男朋友分手了，但她覺得男朋友的哥哥不錯，對方也好像有意思發展，這樣可以發展嗎?

這涉及一些道德問題，正好比較少這一類型的個案，我分享一下。

有時候，愛情就是這樣：錯的人在一起，自己認為對的人又因為道德問題而卻步；整篇文章的討論重點是，和男朋友分手了，但男朋友的哥哥好像對自己有意思，這樣開始其實可以嗎？

讓我們來看看來信，然後加上我的看法。

網友來信

龍師傅，你好！我係你嘅讀者嚟，一直以嚟都鍾意睇你分享嘅感情技巧，覺得理性實用而且合邏輯。講返今次來信嘅目的先啦，就係有啲比較難決定嘅感情個案想同師傅分享下。

（龍師傅註：謝謝你的來信，我的網誌理論簡單而實用，全乎邏輯，如果你肯用心看，必有得著。）

交代背景先，早三個月前，一個拍拖一年嘅前度同我分手，佢對我做咗好過份嘅事，就係同佢酒店慶生完，佢生日飯照食，禮物照收，然後過兩日之後同我講分手。

（龍師傅註：一起一年而分手，當中必然有很多問題；既然他是這樣，也沒有辦法。）

對於佢依種又食又拎嘅行為好反感完全無留戀，對方細我兩年，加上記得龍師傅講過男方細過自己，女方處於不利狀態，完全係揍仔模式大家sync唔到，圈子又唔同，佢讀緊大學，我已經工作緊。

（龍師傅註：何時也說，如果男方年紀比自己少，一開始時就處於劣勢；如果感情不是太深，分手也是一個好的決定。

很多時候要感情順利，就要在一開始時找對的人；對方是否對，將來的事情發展怎樣我們也不知道，但有很多事情其實在未開始之前我們也可以看到的，例如年紀就是一個問題。）

重點嚟啦，我鍾意前度大我6年嘅哥哥。同前度拍咗一個月拖嘅時候佢帶我返屋企食做冬飯，見哂全家，因為前度同兩個哥哥係分開住的，一個結咗婚，一個離咗婚，我係鍾意離咗婚果個。果個哥哥第一次見面都會不斷傾計， 而且我覺得佢吸引我 ，但果陣同前度一齊緊，大家都要避忌。

之後每逢大時大節都會同前度全家食飯，見多佢哥哥幾次，佢好鍾意同我傾計，一見到我就會叫我中文名後面兩隻字，然後分享佢自己嘅事，叫我介紹女仔俾佢識，最好同我一樣年紀，我24歲。我唔確定佢係咪都鍾意我，但透個傾計眼神交流，一定有好感，眼神好易觀察到。

（龍師傅註：你說的，都是對方對你好的事情，反過來想，每個人都應該先做好自己，我常說的桃花萬人迷就是這樣：主動記得對方名字，主動和對方傾計，這有何難？但我有很多客人都是停留在不主動談話，人家問自己問題還只是回答 Yes No 階段，我覺得很沒趣。

所以，從這件事上面，大家都要學習，就是要留意一些最簡單的，毫無困難可以做的，而會讓人舒服之事。

不過，他這樣主動和你談話，記得你名字，其實也未必對你有好感的，只是他做著每個人都可以做的正面主動之事而已，所以你要很留意。)

佢有主動加我Facebook ，經常like我啲post。直到佢知我同細佬分咗手就無再like，但有睇的story，我同哥哥一直都無私下聯絡，只有見面時先會傾計。

（龍師傅註：我想雙方也有避忌，因為你和他弟弟拍拖，即使分手了，即使他很喜歡你，也很難拍拖的，你要知道這個事實。）

我想Flirt佢，同佢發展。

因為佢大我6年，依個差距我鍾意，而且有穩定工作，外形唔錯，同埋佢係想搵個對象穩定發展。

（龍師傅註：我不知道你的價值觀如何，但一般情況下，這樣發展似乎不太健康，也不知道你前度如何想。）

我今年就25歲，我都係想搵長遠發展然係結婚，好怕佢細佬果種，好唔穩定隨時同我講分手嘅感覺；我完全唔港女 ，師傅講嘅所有感情地雷位我一個都無中過，係對方有問題，你做得幾好佢都會分手。

我知哥哥就嚟生日，Facebook 有顯示，我諗住inbox佢同佢講Happy Birthday ，開過話題，睇佢有咩回應；佢都成30歲人，正常唔會 get 唔到，咁就睇佢識唔識接波，有回應我繼續傾落去睇下約唔約到出嚟，唔應就唔洗多講啦。

（龍師傅註：在這部份好像你感性思維多一點，有點自作多情；對方主動記得你名字必然不是代表喜歡你，只是你喜歡他而將很序東西對號入座而已；我怕你到時主動了，而結果不像你預期的，你會失望。

這等於我有客人暗戀男同事五年整天都覺得對方也有意只要自己開口就會成事，但到最後開口了對方表明真的差不多連她名字也記不到她才如夢初醒，非常難過。

我其實看不到他有甚麼東西做了而讓你覺得他喜歡你，正如我去酒店 check in 那位接待員對著我笑我也不會覺得她對我有意思一樣，這只是個人的正面溝通風格而已，你一定要清楚。)

我有問過朋友好唔好咁樣Flirt佢哥哥，我十五十六咗好耐，我覺得無問題，因為我唔係一腳搭兩船，而且係佢細佬對我唔住又唔係我嘅錯，但佢哋兩兄弟感情好好，加上日後會產生好多尷尬問題，同埋唔知ex哥哥會點睇我，所以我有所卻步。我亦有係交友app認識對象，朋友亦有介紹對象俾我，但我覺得唔啱，同埋我真係鍾意ex哥哥，如果唔試我一定會後悔。

（龍師傅註：其實如果是這樣的話就有點主動得難看了，再者到最後也未必如你所想般發展，極有可能因為他弟弟問題而不會和你有任何進一步的交往，而我也看不到他如何主動對你有意思；即使他對你有意思你也要想清楚；所以，這情況下我不建議有任何發展。）

成件事描述都係理性具體表達出嚟，並無任何九唔搭八嘅個人感性情緒係入面，好希望龍師傅可以幫我分析下成件事，我應該要點處理好，謝謝！

（龍師傅註：好的，只不過問題是因為前度男朋友的關係，而且也看不到對方真的對你有意思，我只看到你對他很有意思而已，這是你的思維陷阱，你要小心。

希望透過這個個案，大家可以學到感情技巧。)