這次我收到一位感性網友的來信，她清楚說明自己的感情如何失敗，而她也當然不知道自己的問題。

但在我看來卻清楚無比，感性女人都是這樣談情的，而共同特點就是每當去到穩定期的時候，都一定會不停吵架，務求讓對方分手為止。

好了，去到分手的時候，自己又很後悔了，很想挽回感情，但行動上卻會做著「我真的不是好人，你真的不要和我認真」的事情，結果當然是分手了。

那些我一直說不要做的事情，她差不多全部都對著做齊了；讓我們看一看她到底有甚麼問題。

我常說，一定要多熟讀我的網誌，你才能變得理性，去應該感情世界的複雜問題；何時也要記著，感性的人，感情注定一生失敗，而她們卻永遠都不知道為甚麼，因為她們根本沒有想過等價交換，自私，沒有同理心，只想到自己要甚麼，卻從來沒有半點心肝去想對方。

我們先看個案，然後再加上我的看法。

網友來信

龍師父你好！啱啱同男友分手了兩個星期，咁啱係網上面認識到你個blog；好希望你可以幫我分析一下能否挽回，來信比較長，都希望會得到師父回覆啦！

如果啱用，師父都可以分享一下。

（龍師傅註：好的，如果題材適合，我樂意分享，因為大家都能夠從中學習。）

我31歲，男友29歲，我地都係公司一齊做野識既，當時我都有個拍拖十幾年既男友未散，所以係公司我同佢都唔係有好多交流，而且公司都同時有好幾個人追緊我，所以當時我唔知原來佢對我都有興趣。

（龍師傅註：男方年紀比自己年輕兩歲是一個問題，你要想想對方是否有足夠的成熟度去照顧自己；如果你對感情是認真的話，你要考慮的是未來數十年的穩定生活，而不是男方是否口甜舌滑去哄自己。）

識左佢兩個月到，佢就離職，但間唔中我地都有 whatsapp 傾下計，仲曾經出黎飲野，當時佢話覺得同我相處既感覺好舒服；之後我地都係keep住耐唔耐傾計，到今年年頭，佢返黎公司幫手，我地就一齊左。

（龍師傅註：當時是同事就已經有了解，過了一段時間之後一起，這很正常。）

一齊左之後，因為經濟問題，我同前度繼續同居左5個月，好多時我地都會因為呢個問題嘈；最後經朋友介紹，終於搵到間屋，我地就一齊搬出去住了。

（龍師傅註：這當然會引起男朋友不滿了，而你也好像將愛情放得很大，這是一個很嚴重的問題，讓我告訴你兩個事實：

1. 感性人會將愛情放得很大，她們不停沒有安全感，不停要身邊有一個男人；這樣只會讓自己選擇變少，也未必會在一起前想清楚對象是否合適。
2. 感性人都充滿被愛情緒，這樣只會讓自己在感情上一直處於被動的位置；被愛是不會幫助自己找到愛自己的人的，因為被愛只看表面，對方肯開車門，肯給自己喝駡就可以了；到不合時對方要分手，自己根本無計可施，因為自己根本在一段關係之中有任何付出。

開頭我地都會因生活上既事有磨擦，但好快就冇事，我都見到佢願意去為左屋企改變，唔再做少爺仔(因為佢屋企有錢，向來都係大爺既生活)。

（龍師傅註：這些也是要自己留意的，你也要問自己，自己是否在一段關係上根本沒有任何付出。）

可惜，生活左一個月之後，有次比佢見到前度過黎車我返工，佢就好決絕咁同我朋友講退租，唔返黎了。

（龍師傅註：你自己也要想，你和男朋友分手之後，還不停有聯絡，是否自己的被愛情緒放得太大，來者不拒，也沒有想過和現在男朋友的關係。

你給我的感覺是有越多愛越好，越多人哄自己越好，越多人圍著自己越好。

自己有甚麼想法是沒有問題的，關鍵在第二點，就是這樣的想法是否能夠有資格去談一段認真的感情，然後穩定下來。

如果自己根本心不定，有男生追求自己自己又會改變主意，很想每個男人都對自己好，這樣是無法有好感情的，你明白嗎？）

呢件事我知道錯，我認為分手可以做朋友係無問題，而佢覺得好有問題；佢一路都知我同前度有傾計，但忍，到見到我上佢車，佢真係忍唔到，所以要分手。

佢最後叫我以後唔好再搵佢，但我冇放棄，係果個星期入面日日都會比一兩個信息佢，到第七日，終於氹返佢返黎。

佢返黎之後，我知我地既莊閒位置已經調轉左，而間屋最後我地都係租唔返，月尾就要搬走。

呢段時間入面，有次突然間心血來潮，偷睇左佢電話，發現佢原來同公司講佢一路都係單身，仲有個女仔成日都好主動搵佢，同佢講埋啲曖昧稱呼(豬豬果啲)，但我一路都冇講過，扮唔知。

因為我知係自己唔岩，偷睇。

係淨低呢半個月入面，我地好少嘈；喺臨搬前一日，我地嘈得好勁，佢落左街，但一個鐘返黎之後就無野咁，仲話以前既野我地抹哂佢，重新黎過。

（龍師傅註：好像你們兩個人都很幼稚，根本就不配有一段穩定關係；大家吵架，很快又好，解決的不是實質問題，只是情緒而已；然後過兩天情緒又到，又吵過。

這樣的關係必然不會長久，大家也根本不知道需要甚麼。）

我好開心，之後各自搬返屋企，一路都好好，係耐唔耐嘈一兩次，佢仲會成日話掛住我，之後夜晚就會過黎接我去佢屋企瞓，星期六，日都會陪我；直到兩星期前，有次佢㩒緊電話，我問佢野，見到我一行過去就會好快㩒出主頁，但我已經見到佢係同人 whatsapp 緊，兩次都係咁。

佢見我變左樣，我話冇野，佢話大家要坦誠，叫我講，我講左比佢聽，佢即時既反應係好激動，係咁講對唔住，做錯啲咩，又話我好重要，唔好嬲，又係咁叫我睇佢電話。

我當時死都唔睇，佢就放係我眼前。

當我話「都無你既對話既，你當時打緊字個噃」，佢就開始變樣，話「信任喎，唉！」

（龍師傅註：從這件事情可以看到，你其實想法很幼稚，也不會有心思去解決現實生活當中的問題。

還不簡單，對方硬要你看，你看了之後就裝出沒事，美言幾句，說：「係喎，乜都無喎！對唔住，都係我太敏感！」那就拿滿分。

但你沒有，明明有機會給你解決問題，你卻相反，主動製造問題，主動說他刪除了之前的對話。

你要說這些是沒有問題的，問題在於你的動機。

如果你有動機要起他，又或者要深究，那根本他一開始時叫你看他電話你就應該很趕急地，很主動地搶先看，但你又沒有。

你看，這不是有矛盾嗎？這在一個理性人而言，是絕對不可能發生的。

但在感性人的角度就不同了，因為她們做事沒有邏輯，只是跟著情緒做，所以一時會一樣，讓人無所適從。

如果做每件事情都只是跟著自己情緒，那和你一起的人都會無所適從以及很吃力，很辛苦。

當然，你男朋友也一定有問題，他必然是和一些女生有 flirting 的對話了，但這不是對錯的問題，而是「當下你應該要做甚麼」。）

我當時唔想佢變樣，所以就順佢意叫佢比個電話我睇啦。

睇完之後，佢就話「以後唔洗你信我啦！」即表示分手；仲係咁叫我吾好掂佢，話我踩到佢條底線。

（龍師傅註：這也是感性人的强項，就是表達力的問題。

以上對話，我無法有任何分析，我也確信當時情況並不是這樣，而是你有很多事情沒有說了。

因為我想像不到，如何他主動給你電話，然後他就發脾氣分手；中間必然有一些事情發生了但你沒有說明。）

我話「你明知係自己條底線仲叫我踩？」

佢話係想試我，之後我講咩都冇用，唔聽，仲講：

「你覺得自己有咩本事同能力去留住個男人？」

「個世界唔係圍住你轉！」

「我唔會再認真，做返個玩玩下既人，你想玩既咪過黎囉！」呢啲說話。

（龍師傅註：他也可能說出了重點的，就是感性人都要世界圍著自己團團轉，因為自己自私，沒有同理心，從來不會從對方角度想事情。）

當下我無做任何反駁，只係諗到佢當時火遮眼，情緒激動先會咁；之後佢成晚都背住我，掂佢就推開我。

到第二朝佢約左同事食飯，走果時我都有話不如大家冷靜傾下，煩左佢好耐，佢吾傾，之後特登問佢係咪想我袋住啲優惠券先，佢都答我好（佢原先想買個抽濕機，叫我幫佢袋住啲優惠券）。

（龍師傅註：你去到這裏，犯了第二個錯誤，也是男女感情的大忌，就是「讓我們好好談一談」。

事情永遠不是讓我們好好談一談就能解決的，你明知道對方心情不好，你還要硬來，强行要他好好談一談，他必然很反感了。

我不明白你為甚麼在對方心情不好之下，還故意去煩對方，這也是自私的表現，只想到自己，而從來沒有想過對方。

這樣做，只會讓關係變得越來越差，這也是感性人的强項，就是不停花心思去想讓大家關係變差的事情，然後對著做足。）

走既時候問佢陪唔陪我食野，佢話唔陪；同埋本身我地約左佢食完飯之後過黎搵我，我地第二日返大陸，我都刻意問佢「個抽濕機你諗住幾時買呀？」

佢答我唔知，星期一囉。

我話星期一唔係返大陸咩，佢就話落返黎買囉，仲突然間話陪我食埋野先走；臨走前，我都同佢講我今晚係屋企等佢，佢仲答我好，之後就再搵吾到佢了。

（龍師傅註：你在家等他，是在他的家還是你的家？你也沒有說清楚；如果是在你家，他會去你家找你嗎？如在他家，他可以永遠不回家嗎？

你的表達力很有問題，你的想法也很亂，這是你要想想及改善的問題。）

頭兩日，我都仲有隔一兩個鐘頭發訊息比佢，到第三日就開始無搵佢；而我發現佢每日都有睇我fb。

到上星期日，我收到佢封信，同佢講左睇下佢邊日方便出黎就拎返啦。

佢覆左我ok。

隔左幾個鐘後，佢突然間同我講出面危險小心，呢啲說話。

我都有覆返佢，都係一啲關心問候既野啦。

之後呢幾日佢都有問我有無返工，叫我唔好返，小心呢啲…而我都係好似朋友型式咁隔耐啲先覆佢(以前我係秒回)，但到星期五，又突然唔覆我了。

（龍師傅註：你這裏有兩個問題，第一，他為甚麼叫你不上班？你完全沒有說明，這也是典型感性人的思維：自己明白的，就假設別人明白，但這也是溝通的大忌，表達力不清楚的原因；第二，你明明想挽回感情，為甚麼你又要故意遲些回覆而讓關係變淡？這也是感性人的强項：將想的和做的掉轉來做，明明很想，卻說不想，還要主動推開對方，到對方走時，自己又努力扮奇怪。

這是你要想的事情。老實說，你沒有資格去有一個男人愛你。

到你改善了這些問題的時候，愛你的男人就會出現，而且你也留得住。）

龍師父，我好想挽回呢段感情，睇左你啲文章之後我知道我由唔知幾時開始變左唔理性思考，將重點放哂落佢到，其實我知道錯哂，我而家明白自己要改善啲咩，好希望師父你會回覆我。

謝謝你！

（龍師傅註：看起來你的問題很多，而且也不容易解決，一定需要時間，以及有無比的決心，才可以變回理性思維；不過我覺得仍然值的，因為這是你一生的幸福。

好好留意，待你改變了之後，你的運勢就會跟著改變。

希望可以幫到你！）