上次網友分享和 A0 男的怪異行為，引來大家熱列討論；今次該女生再度來信，說明之後所發生的事情。

A0 男那篇文章，人人看得咬牙切齒，要再重溫可以到以下連結：

https://bit.ly/3mvNDxm

這次她再度來信，又說了一些故事的後續，好像看小說一樣，我們再看下去，然後再加上我的分析。

網友來信

Hello 龍師傅，我係最新一篇blog同A0男仔拍拖既女主角，想update你最新消息，我已經同個位A0男分左手，好彩既係佢冇纏繞我。

（龍師傅註：那就好，對方不只是 A0 男那樣簡單，而且性格極有問題；你和他一起也不是正常拍拖，也不會有結果，所以早走早著。）

想補充返少少，之前一齊初期，佢連節目都諗唔到去邊，成日問我想去邊，之後send師傅blog教男仔想搵節目，佢問返我：咁我係咪要搵節目呀？咁我答返佢，可以唔搵既，咪唔出黎囉！

（龍師傅註：和這樣的男人拍拖，不要說結婚，就連拍拖的情趣也沒有；如果是這樣，就算有拖拍，你也不會開心。）

同呢個男仔係一星期見兩次面，閒日夜晚食飯，星期六或者日出黎一次，但出黎都冇地方去，開始覺得同佢出街係一種壓力，睇得出佢係勉強搵節目同我出去。

（龍師傅註：兩個人一起，就是要透過拍拖節目大家都開心，而且了解對方，才是真正意義；如果每次出來也沒有地方可去，不停去想地方，又或者沒有甚麼好談，不停要想話題夾硬說，這些都是沒有意義的事情。

男女拍拖，最重要是你和對方一起，對方可以帶你有一些體會，又或者對方說了很多你不知道的東西，你和對方一起有進步，這才叫好；現時這個，沒有地方可去，話題也不多，當然他絕對不會說了一些你不知道的事情，也不會讓你有進步，所以絕對不值得。）

係決定左分手之後，我開始舖軟性分手，佢想約我閒日食飯，原本約左但好彩個個星期黑雨，可以推左佢，我先覺得安心，之後佢想黑雨落左過黎搵我，我話唔好，佢都仲堅持話可能會細雨返，可以見面，我堅持唔去，話費是佢冇車搭，佢先肯應承。

（龍師傅註：你說了一樣很重要的東西，就是軟性分手。

很多人都不明白，既然不合就算了，為甚麼還要軟性分手，當面說明不是更好嗎？

當然不好的，因為你永遠不知道你說了分手之後，對方會做些甚麼事情；所以最好是逐漸減少見面，讓對方知難而退，自動消失最好。）

另外，佢試過我book左gym, 佢見到又想跟住我黎，我話你咁遠過黎做咩，佢話想陪我見面，但我根本唔想佢黎，我想有me time, 就叫佢唔好黎，佢先話想姐，冇book到。

（龍師傅註：這些為見面而見面而毫無意義的事情，真是不見也罷。）

到左gym個日因為打風，gym close左，佢就send個msg黎去唔到佢唔過黎，下一句係好掛住你，成個星期冇見，我睇完真係覺得嘔心無比，之後再冇理佢。

（龍師傅註：其實你潛意識已經有反映了你不愛他了，如果你對他有感覺，你是絕對不會感到嘔心的。）

係第2日（即星期日），佢msg我話不如一陣過黎搵你，我話唔好，之後佢就問咁星期一呢，好想見你，我都係話唔好，佢就開始讓我們好好談一談，問我做咩好似避開佢咁，佢係咪做錯左d咩。

（龍師傅註：最怕就是這些，而感情也不能勉强。

當然，大家可以當成笑話來看，但大家也要同時留意，自己是否這樣的人：男朋友說分手，自己不停要求見面，還在問到底自己做錯了甚麼。）

我話你冇錯，錯既係我，我唔應該應承同你一齊，我同佢一齊好大壓力，好唔開心，佢就問我，點解會咁諗，不如打比我，我話你唔好打比我。

之後佢問我，有冇野佢可以改，定係我想分手。

（龍師傅註：就是這樣，即如小明問芬女有甚麼要改，芬女說他沒有上進心，然後小明就說「我現在有上進心了，我們可以繼續了」這樣天真及無知。）

我答佢唔係改唔改問題，係我地唔岩，我地做返朋友會舒服d(只係一個下台階，其實把心一橫唔會再見面），佢居然係安然接受，話佢要d時間忘記，因為太突然。

我話希望我地仲會係朋友，你要裝備下自己，等下一個女仔出現etc門面野，跟住我都驚驚地，平靜得滯，唔知會唔會突襲我，所以我即block左fb同ig, 唔比佢搵到我。

（龍師傅註：還好，他沒有再對你做甚麼，你真是幸運。）

到夜晚，同朋友食完飯返到屋企，佢見到我unfollow佢，就msg我係咪連朋友都冇得做冇彎轉，今日太突然佢接受唔到。

跟住借機發難，知我一向硬勁決定左既野改變唔到我，佢都冇野講接受分手，但係咪真係要冇朋友做，心諗其實分得手大部份都冇朋友做，我就同佢講，如果仲想有朋友做，請你唔好搵我，比時間大家冷靜下。

佢話：「好，我都唔想搞到冇彎轉，咁我唔搵你，報左既course你唔想我出現就話我知！」

因為我一早已經轉左做online上，所以唔會見到佢，再同佢講我轉左online, 你照上，而家算已經擺脫左佢，好安心。

以上係分手時既補充，如果師傅有時間，都可以公開分享比其他網友，多謝師傅！

（龍師傅註：之後沒有機會再見面就最好，最怕是大家是同事，之後還要日日見就麻煩。

你也要快點自己把握機會，第二個很快就會出現！）