很久也沒有食粥了，因為粥對我來說好像不是太過飽肚，所以很久才會去吃一次。

今晚一心想食粥，於是便來了心粥館。

心粥館有很多分店，佐敦，灣仔都有，每間的水準都是差不多，我們今天來到，見到餐牌上有套餐：

我心諗，套餐兩個人剛剛好喎，最後選了這個九十八蚊免加一既餐，因為佢有粥食：

ABCD 各選其一，係粥果方面，我地叫左鮑魚滑雞粥：

Ｄ雞比起大圍雞粥差好遠，但也可以入口，味道都算可以。粥就好有粥味，又夠熱，用煲仔上；鮑魚則只有三小片，一般。

然後到白灼鮮牛肉，好好味呀：

牛肉夠軟，彈牙，雖然無乜牛味，但在九十八蚊一個套餐而牛肉又加左咁多次價既情況下，我都收貨。

再來一個竹筒飯，我地揀左章魚雞粒飯：

這個飯完全對板，又唔太軟，雞粒配章魚，好香，好惹味，話咁快已經食完了。竹筒飯我覺得都幾得意的，唔好睇佢細細個，我同龍嫂兩個人都食唔哂呀！

最後選擇糖水，有六款咁多，仲有凍熱揀添！我心諗唔係卦，又唔係滿記，整咁多甜品做乜？一試果然！

我地揀左木瓜雪耳：

我無食到，龍嫂食一啖已經放低；我又領悟出一個人生道理，做人使乜攪咁多野，做野一定要專注，呢樣又做，果樣又做，時間分散哂，到最後週身刀，無張利，數十年過去，樣樣只懂一些。

做人做事一定要專注！投資也是一樣！

心粥館
地址：灣仔，佐教
必食推介：竹筒飯，粥
平均消費：每人五十元
分數：＊　＊　＊

（分數指南：以六粒星最好，無星最差。）

無星：一生不去
一粒星：被迫才去
兩粒星：免費才去
三粒星：可以一去
四粒星：一定要去
五粒星：特登都去
六粒星：一生必去