今天去吃日本菜, 我發覺每個星期原來我最少都有一次吃日本菜.
今次揀了一間在銅鑼灣二樓的壽司店 – 千両, 不知道店的名字有甚麼意思呢?
價錢比一般板前, 羽, 峰都貴, 連板長都平過佢:
三文魚壽司都要十四元! 一般壽司店都係九蚊之麻!
除了餐牌上的壽司之外, 你還可以選擇當天的 "是日精選"!
他們的茶是用綠茶粉的:
先來三文魚, 新鮮, 味道香甜, 不過就是切薄了一點!
魷魚鬚, 做得好靚, 亦美味!
特登攤開一隻尤魚俾大家睇, 都好大隻!
三文魚我食得多, 棘三文魚我好少食, 於是叫左一碟. 又幾好味喎!
咦, 點解有碟醬油既?
原來是用作點鰻魚的! 好好的安排!
炸軟殼蟹係我既至愛, 好味呀!
用粉唔多, 蟹好香, 好脆, 味道一流, 都係四十蚊咋!
火灸三文魚係龍嫂既至愛, 當然也要叫一碟:
燒得剛剛好, 火喉拿得很準, 一啖咬下去, 味甘香, 而且內藏的魚油一次過完全充滿你口腔, 十八蚊好抵食!
還有一個更抵食及必叫的, 就是蒸蛋:
用料十足, 味香, 質地也很滑, 也是賣十八元而已.
內裏的蝦也很大隻, 抵食!
然後來一個甜蝦, 好好味, 蝦也很新鮮! 一碟兩件, 有四隻蝦咁多!
螺片壽司也值得一提, 好爽口, 味鮮甜, 也是必叫之選!
帶子則削了一點, Size 比板前及羽小了一點! 而味道則很好:
油甘魚反而無乜特別, 都可以入口:
還有這個花卷, 做得好有心機, 入口也香甜, 但三十元三小件係咪抵食, 你自己諗過了.
埋單兩個人 288 元, 好意頭, 但比其它的中價壽司店貴了一點, 食物可以, 環境也可以, 不過以物值計算只是一般.
千両
地址：銅鑼灣恆隆中心二樓
必食推介：火灸三文魚, 甜蝦, 螺片壽司
平均消費：一百五十元
食物質素：
環境質素：
服務質素：
物值 ：
總評 ： （可以一去）
（分數指南：以六個太極最好，無太極最差。）
無太極：一生不去
一個太極：被迫才去
兩個太極：免費才去
三個太極：可以一去
四個太極：一定要去
五個太極：特登都去
六個太極：一生必去
