上樓舖風水技巧 - 最緊要搶財搶運

3 月 15, 2008

今天為多年好客張小姐看風水,地點為銅鑼灣大廈的上樓舖。

其實銅鑼灣都有好多上樓舖,規格不一,有的殘過殘廢,而呢間就企理到暈。

計我話,如果做生意做上樓舖,最好有埋裝修,因為舖頭係租既,自己無理由揼一大筆本錢落去裝修,最好企企理理,租完即刻可以搬入去,呢個舖位就係一例。

先講大門,建議大門旁要放植物,而隔離既鏡亦要拆去,因為鏡為反光之物,放的位置不對是會影響風水的。

另一個問題,洗手間對正大門,而財位又在洗手間,即是說財氣從大門而入,去到洗手間,然後沖走;對於做生意的張小姐來說,當然要催財,所以建議要將洗手間門長關,然後在洗手間內一杯水,內置八粒白粒石頭,這樣就會達到催財效果:

窗簾外的景物一般,因不是面對街,所以建議窗簾要常關:

另有一邊橫樑,我們常怕橫樑壓頂,所以建議老闆及員工都不要坐在橫樑下,而且橫樑下為二五位,常坐更對健康有問題;只要在劃職設計時,不要將坐椅放在橫樑下,再加五個銅錢,就可以化解了。

順帶一提,放銅錢既作用係化二五位,並非化橫樑壓頂之用,因為橫樑壓頂係因為氣流直沖下來影響風水,所以放乜都無用,最好封頂,如不可以,不坐那裏也可以。

再來就是廚房,不要覺得奇怪,在銅鑼灣的上樓舖有很多都會有廚房的,正是商住兩用。

廚房為橫財位,建議在廚房劃六合彩,以及放一杯水,再加六粒石頭催旺橫財。

由於是樓上舖的關係,也建議張小姐 marketing 一定要做足,因為上了樓就是上了樓,雖然租金是便宜了一點,但人流一定不會那樣旺。

人流是做到了,因為銅鑼灣是旺區,而且大門隔離是壽司店,長期有人排隊,所以應 focus 在宣傳方面,樓下放易拉架是一個不錯的做法。

同張小姐睇風水,佢個妹好鬼好笑,成日問我既風水問題我係無諗過既。我反而好鐘意,因為佢問得越多,越激發起一D我從無諗過既問題,連我自己幫自己寫字樓擺風水都無諗過。

例如:

"招牌要放左面定右面?"
"招牌係咪要高D?"
"招牌係正大門口好定係側邊好?"

咁我都要諗下,然後先答佢,因為真係無客人問過。

在此亦要多謝張小姐個妹,都係張小姐,我下次遇到客人問同樣既問題我就識答了,風水都係一個思考過程黎既,佢問好多問題古書都無講。

​關於作者

龍震天課程

龍震天,玄學家,作家,出版書籍三十本,題材包括男女感情心理學,語言技巧,潛意識,改思改運,解碼術,感情個案分析等。


龍震天設有一對一咨詢服務,網上課程,運程詳批,風水,結婚擇日服務,詳細服務範圍可以按以下連結了解:


http://lungcourse.com/service

四天戀愛溝通術


​原價 HKD2,680,現時 ​免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>