很久都沒有和大家分享過第三者的感情博奕。這是一個很重要的課題。

隨著時代不同，由以前的「盲婚啞嫁」到「一對一自由戀愛」到「三角戀」到現時「四角戀也有」，因此，我們也要知道如果做了別人的第三者又或者自己成為第三者時，該如何處理。

咋看起來，說起第三者的事情，總是難為情。因為始終第三者給別人的感覺是「偷偷摸摸」，「不清不楚」的感覺。但我們想深一層，只要自己知道自己想追求甚麼，目的是甚麼，而某一些戀愛狀況，例如第三者能夠滿足到自己的需求時，這也是談戀愛的一個方法。

我有很多客人都是陷於三角戀愛之中，她們不快樂的目的，是因為攪不清楚在一段關係之中要求甚麼。

我的建議是，在何種情況之下，最好都不要談三角戀愛；但如果在無可避免的情況之下，喜歡了一個已經是結了婚，又或者有男朋友或女朋友的交往對象，那就要接受「對方已經有對象」這個事實。

如接受不到，到最後多是分手收場；但如果接受得到，到最後則可能會有機會將整個局勢扭轉過來。

讓我們來看看 Y 小姐的個案，我們再研究第三者的博奕。

Y 小姐的個案

龍師父你好~

真係打擾了,近日發生既事,真係希望得你指點

我同呢個男人糾纏左年半, 之前只有2個朋友知道呢件事, 但可能我真係太蠢&唔理智, 令到我呢段時間都辛苦；後來我知我響朋友再提及關於呢個男人既事, 就如傾倒垃圾&負面情緒, 朋友其實冇怪我, 只係我都覺得我唔可以甘做。

（龍師傅註：所以我一直都不建議由第三者開始也是此理。因為一旦開始，就會很複雜，很多問題需要處理；要有極强的心理素質才可以；而事情不停和朋友說，只會像傾倒垃圾一樣，不贊成。）

真心多謝你既blog & 文章, 真係有幫助, 我差不多隔天就review一下, 只係實行並不容易。

（龍師傅註：對，多看我的網誌，讓大家更為理智，可以更加正確去處理很多事情。）

我找你論命時有輕輕提過, 我地是網上認識, 沒有 common friends, 佢係一個正面的人, 對所有人都好細心，好抵得諗；在我而言，我覺得佢叻, 因為佢算EQ高的人, 佢係一個好深沉既人, 唔開心唔會容易表露, 我總是話佢, 佢既笑容令佢將所有事忍藏得好好~ 好易令人誤會。

（龍師傅註：這才是做人之道。人並不需要將所有東西都暴露於人前，正面的東西不妨多說，沒有建設性的東西則少說，這個男人屬於此類，所以得到我的女客人的喜歡。）

我識呢個男人時, 我知佢有個女朋友己訂婚, 但他只是話他們之間有問題，將會分開之類的說話..

（龍師傅註：這說明一個重點，第一是只看對方所做的事情，如對方未做，無論說成怎樣都好，也不用理會；如果是這樣，那應該想成「男方如果有女朋友，自己會否考慮，如不考慮，就不繼續」。）

那時候沒有等事件settle就急於開始, 我承認真是有問題的。

他與她最複雜既關係在於他們共同經營一間公司, 做設計工作, 業務也不太穩定, 當然收入亦是, 除左呢個公司, 佢自己亦有獨自找/ 接一些freelance工作, 收入只能糊口；我承認佢要靠呢個女人維持生活, 意思並唔係個女人每月比錢佢。

始終一間公司有好多資產, 亦有太多鎖碎事要有人處理；而呢個女人響人事上&經濟上真係可以support佢~ 佢亦坦承佢亦算係負資產。

但都係果d, 佢這邊同你講佢地冇感情, 因為事業, 經濟上太多制肘, 唔可以話分就分, 那邊箱我又看到/找到好多我唔想見到既事。

（龍師傅註：這就是問題。男方和女朋友本身有等價交換，因為女方可以幫助男方經濟上的問題，如果男方獨立經濟上有問題，所以客觀來說，男方不容易和女朋友分開，自己要想清楚。

另一方面，也要想想，如果男方獨力，經濟是否有問題；如果男方經濟有問題，那 Y 小姐要想是否可以和男方生活得到，很多問題需要想的。）

我必須承認當我憤怒過頭既時候, 睇野一定主觀, 總會認為他是全錯, 他唔係愛我, 是佢的問題。

（龍師傅註：這很正常，因為女人常會鬧情緒，這是天生；能做到的，只是外表上怎樣控制而己；又或者…由一開始不參予這件事，那就甚麼問題都沒有了？

所以說，三角戀愛，開始時真要想清楚，很不容易，而且結構複雜。）

我係有比時間佢希望佢settle到佢地既問題, 所以不自覺將自己擺左響一個偏低既位置. 我比佢既唔知係咪信任既同時,又成日懷疑佢, 亦令自己好唔開心, 好矛盾。

（龍師傅註：其實即使給時間，也未必可以解決得到，因為根本性結構有問題，就是男方不能經濟獨立。）

一直以來, 我們也沒有常常出街食飯, 但佢從來唔避忌。從佢口中, 我得知曾經被朋友撞過2次, 而那個女的都知。

客觀來看, 可能他工作性質比較自由, 他和我一起的時候,其實都可以比到時間我, 當然我覺得唔夠, 我認~ 😛

（龍師傅註：那是 Y 小姐自己的想法問題。）

他自己亦唔想靠個女人太多, 想儘量分清楚, 儘快還番一部份錢比佢。

（龍師傅註：這也有一個問題，想不靠女朋友，那怎樣做才可以？如何有錢？大部份人都想著改變將來，但卻做著同樣的事情，結果是時間過去了，而情況沒有改變。

所以在我看來，這些全是噪音。如果男方說「我會做多一份工作，收入每個月會多兩萬元」那比較實際一點。）

呢樣, 我又明白佢, 作為一個男人, 佢唔係果d要女人養既人, 基於男人既自尊, 佢還是覺得有d事係要處理的, 只係未有能力。

（龍師傅註：對，我也明白，這也是大部份人的想法，但「如何改變」才是重要的課題。此即客人找我看一生運程，我能夠從她們的星盤，外貎，思想，談吐，給予對方有用而實質的建議也是此理；人一定要有一個方向，然後有執行力，才會有改變。）

所以佢亦會以自己名義去接freelance,維持生活, 亦想快d清還佢地之間的錢銀瓜葛。

以前我地每日一有時間就會whatsapp, 夜晚有時也經常傾到1-2hr電話, 響佢比我睇到既fb, instagram, 都真儘量唔同個女人拉上關係,唔會放個女人出黎,唔會comments響個女人既相/post.

或者對一個玩家來說, 這是非常普通。

只係個女人自己post, 但佢地亦有好多common fd, 而當然全世界都知佢地係一齊；而我睇到既都係響個女人那邊找到, 佢知道我會睇的, 我諗佢曾用過工作理由, 叫過他女朋友避忌d, 低調d, 但一定冇同佢攤牌。

（龍師傅註：這當然沒有。Y 小姐當然想到自己，但同一時間，男的也會想到自己：如果一旦表白分開，那經濟立時會出現問題，公司也有很多東西需要處理，所以男的沒有攤牌，也是很正常的。）

我地成日為此嘈交。

（龍師傅註：這就是我常說的三角戀愛的問題了。既要開始，又要不接受，然後吵架，到最後當然吃不消，然後分手，這是最典型的模式。

如果真要三角戀，那就要接受，沒有情緒，一起開心討論，視之為理所當然；那男的自然沒有壓力，也不會有和自己分開的理由。

「師傅，不是吧，看到男的和女朋友這麼高興，還要讚他，替他開心？坦白說，我接受不到。」

噢….「我接受不到」….等等，這句說話那麼熟悉的，在那裏見過呢？對，這是在我上一篇文章說感性人出現過的。

很簡單，如果接受不到這些，那一開始就不應開始，這中間很清楚，絕對沒有含糊的地區，所有事情都是一早己經預計好的。

所以，別一開始就避開不想，然後到事情發生時才扮作奇怪問「為甚麼」。

你一開始，就要想成「他和女朋友繼續一起，他會以女朋友作為大前題，我完全可以接受」你才好去開始，這樣會比較明智一點。

「師傅，不是吧？那有這樣的人？」

「那有這樣的人」？我現在就可以告訴你，現實生活之中，很多這樣的人。

很簡單，如果男方經濟 ichiban，一認識你馬上每月給你家用港幣三十萬一個月，再給你兩個單位，一個自住，一個收租，再安排你到他的公司當一個閒角，每天只上班兩小時，簽那數個名就可以走，再給你一個助手照顧你所有工作，給你請司機，那又如何呢？

現實生活之中，很多這樣類似的「等價交換」情況，當「等價交換」成立的時候，很多事情都會發生；而 Y 小姐這個個案，只是男方沒有「等價交換」的條件而 Y 小姐選擇開始而已，現實生活之中也當然有很多這些錯配的情況。）

有時我低調地去忍受, 卻看到那邊箱晒恩愛, 我真係好難受。

（龍師傅註：那其實在何時都可以選擇離開的。）

每次分開一段時間, 佢又會搵番我,(我地算曾經分開過3次, 每次約3-4weeks佢就會搵番我) 我真係有諗過, 失而復得既, 唔係應該更值得珍惜咩, 佢唔係更清楚自己係愛先搵番我咩?

（龍師傅註：其實不會。離開就不應復合。離開而復合，當中有一個重點，就是大家的客觀條件根本沒有改變，所以吵架的機會很大。）

我的確係一個負面&感性人, 對佢, 我既負面係一個好大既壓力, 師父話過男人怕麻煩, 我認我都幾麻煩, 所以睇到你既blog, 我正努力改善。

（龍師傅註：這是對的，男人一遇到麻煩，只是最快避開麻煩。

這當中也帶出一個很奇怪的問題，為何女方這麼負面及這麼麻煩，男方一而再，再而三又不停找女方復合呢？只要你明白，知道，就一點也不奇怪；這中間我想大家想一下，作為大家今天簡單的功課，你答得出，你在感情上又進了一步，男方又有些東西你可以解釋了。）

師父你話唔好聽男人講既, 要睇佢做既。佢一定有講過好動聽既說話, 但我又唔可以全盤否定佢對我做既種種事；佢有俾個時間出黎, 叫我一定要等及忍耐, 佢有d野做緊但可以講。

（龍師傅註：其實不需要甚麼時間表了，做好就可以了。）

不過最後, 那個女人, 用佢既人脈, 發現左我, 找到我, 佢覺得如果個男人係玩, 佢可以唔理, 但佢都覺得佢對我係認真, 所以要出手,佢公司既事、佢既經濟狀況我一直都清楚, 東窗事發, 以佢既情況, 我冇得贏。算是交代左一聲就分開, 沒有大吵大鬧, 但真係好傷心, 即使到而家, 間唔中想起, 隨時隨地都可以喊。

（龍師傅註：那去到情緒問題，可以自己找節目，可以快點找另一個男友，這些我在網誌己經重覆千次，不再說了。）

就這樣, 我地9月分開了, 到今日快3個月, 呢段時間唔知係真係嬲/ 逃避, 我避開佢既所有事,情緒差到有d覺得自己有病既地步,呢幾個月, 我上左幾個唔同既course, 有關於EQ情緒, 真心希望可以先幫到自己, 好想好努力去求變, 但好多根深柢固既信念/感覺, 真係唔易settle。

（龍師傅註：上坊間的班，要留意，這也是我常說的。如果教的人，根本自己也未試過這些東西，也沒有遇過這些東西，就很難去教自己甚麼；即如醫生叫人戒煙一樣，他本身未吸過煙，很難想像那種「被奬勵的感覺」的生理狀況，他們永遠不明白生理感覺。又例如沒有做過手術的醫生，又如何去教醫學院的學生做手術呢？這即是我常常很注重的「Track Record」的問題。）

佢以為我好嬲佢, block晒佢d野,  而我亦有意無意中, 睇到佢呢個月以黎, 仍一直留意我, 亦有掛住我, 都會post d野暗示自己既感受(當然呢個暗示得我倆先知)。

果刻大家既關係係差到其實已經從此響對方既世界消失。唔需要去扮, 去做比我睇, 因為佢亦知我有block晒, delete晒所有關於佢既野, 我嬲係因為覺得佢唔愛我, 而我對於佢只係一個遊戲。

（龍師傅註：是遊戲嗎？在 Y 小姐而言，可能是的；而是否愛，也是很主觀的問題，男方可以一天花二十個小時照顧女方而女方覺得男方「不愛我」的。很簡單，自己是否繼續，自己決定；而博奕上，永逺都是給你理性的選擇；邏輯分析，給你做出正確的選擇；等價交換，給你做出對自己最有利，回報率最高的選擇。）

上星期, 佢一下機就來找我, 佢好想同我解釋成件事既來龍去脈, 只少唔想大家既關係甘差,佢依然係有d想一齊, 但亦唔敢, 呢刻佢知佢唔可以做到d咩, 亦唔想再傷害我。

佢自己都以為我自此以後亦唔會再見佢~ (佢知我本身情緒好波動, 為呢件事有幾唔開心)。

（龍師傅註：其實只是男方怕麻煩而已。如果 Y 小姐表現是「有空才找我」，「我每天都好心情」，「我沒有情緒」，「我不麻煩」你看男方的態度會怎樣。）

他其實一直以來, 多次表示自己唔係外人睇到甘表面, 我明白佢要為佢工作建立一個形象, 工作上/比人印象, 也要靠包裝。

他三十多歲, 他真的想在事業上有作為, 有突破。佢冇錢, 事業建立緊, 要靠一個女人幫忙(至少工作上有一半要),

要一個男人承認自己失敗, 冇用, 我真心覺得唔係一件易事。

（龍師傅註：這是正常。男人通常以經濟去提升等價交換條件，而經濟，就是說工作，資產，全部都是錢。）

佢同我講過好多次, 佢同我一齊是有愛, 是舒服的,佢唔需要偽裝, 如果唔係唔會3番4次番黎搵我, 對我唔會甘有耐性, 所以大家都好掙扎。

我好記得你話: 唔好信男人講既事, 要睇佢做既野。

我即刻同自己講，這些全是廢話，但我又唔敢甘武斷, 我唔可以全盤否認佢做既事, 而且我知我並唔了解事實既全部。

我好想相信佢, 如果佢地之間冇問題, 也不會搞成今日既局面, 一個要玩既男人, 佢大可去玩第2,3,4個, 何必搞甘多野, 辛苦自己?辛苦大家? (我知自己不是易應付的女人, 尤其係負面& 對佢既猜疑)

（龍師傅註：這些都是「似乎合理的想法」。現實是，男方沒有經濟，很多事情都可能想，而做不到。）

今次大家坦誠了, 的確想理性d去討論呢件事, 在於佢, 佢想再一齊, 但呢刻放棄唔到佢, 佢既等價交換, 對象唔係我。

（龍師傅註：那是 Y 小姐自己的決定。一切客觀因素不變，卻想著會改變；Y 小姐沒有想過，一起之後，之前的問題全部都會再發生，而且一模一樣；在這點而言，Y 小姐被感性情緒主導，她不會回答得到的，因為事實確是如此。）

其實有冇方法可以拉近我地既距離呢? 其實我有一刻真係想放棄呢個男人, 我覺得佢欺騙我&一d都唔愛我。

（龍師傅註：要拉近距離，是絕對可以做到的。只需要向著兩個方向想：

1. 男人和你談甚麼都可以。

2. 男人和你一起感覺很舒服。

那我可以保證，男方一定和 Y 小姐繼續交往。

要做到 1 及 2，實質的行動有：

1. 不想去改變他現時的感情狀況，即完全同意他和女朋友繼續交往，主動建議他不要放棄現時女朋友；因為他的女朋友，對他而言是工作上的重要支柱。

2. 隨傳隨到。男方有空，自己配合出來；男方沒有空，視之為理所當然。

3. 出來見面，完全沒有負面情緒，完全不會有「你陪我這麼少，我覺得你不愛我」這種感覺。

能夠做到這三點，已經成功。

至於 Y 小姐說「我覺得他不夠愛我」已經進入邏輯上的矛盾，因為一開始時 Y 小姐說「我覺得他愛我」，兩者是完全相違背；所以這也是我常說的「想A想B」的矛盾。

「師傅，不是吧？要我同意這些東西？」

對呀，你沒有眼花，也沒有看錯，你要同意的，正是這些東西。

如不同意，那男方也會走；如你同意，你就有優勢。

還記得我說「要同意你不同意的東西」嗎？這些就是了，莫非你想的同意的意思是「同意男方愛多些自己」又或者「同意男方和女朋友分手」嗎？這些都是不需要你同意的，好好想想這個道理。而「同意你不同意的東西」背後當然也要考慮「等價交換」在內。等價交換，就是換取男方和你一起。

「嘩，要這麼辛苦，我才不要！」

你說得對，如覺得辛苦，的確是不能繼續下去的。你做一份工，很辛苦，人工只得港幣六千，不值；你做一份工，很辛苦，人工每個月港幣一百萬，很值，這就是等價交換；在辛苦的同時，想想男方有甚麼可以給你，看看是否得到等額補償。）

但我再次面對佢, 我就好似呢幾個月既努力白費了. 內心好掙扎, 尤其係想到, 對佢最好既決定, 就是放棄我而讓佢過佢開心既生活。

我放手, 大家又唔捨得, 這些我都有同佢講, 但大家實在唔能夠響這幾天得出答案。

剔除錢銀上的幫忙, 其實佢自己好清楚, 佢唔想將工作/ 錢銀呢一堆問題轉移去我身上, 如果我去分擔佢既工作/債務, 變相做了那個女人的角色,

感情同事業/錢銀有抵觸, 就不是全然的感情, 關係亦會變質。我係有提出過, 但佢拒絕了。

呢幾日我不停問自己, 呢個男人仲可唔可以信得過? 我到底可以做d咩幫到佢, 如果正如佢所講, 即使唔係同我一齊, 我都想幫到佢脫離呢個制肘。

（龍師傅註：那要看 Y 小姐本身的工作如何，本身的經濟條件如何。如果經濟不怎麼好，又或者中等，我都不會建議。）

但我地可以點呢? 就算我再比機會一齊番, 這問題也是一直延續, 到底我地係咪有d咩miss左, 未睇清??

師父, ths yr time!

Y小姐

（龍師傅註：整個個案加上我的解說，很清楚了，Y 小姐可以自己再想一想。）