今天又再訪九十八度茶餐廳, 在尖沙咀樂道:
下午十二時半, 也有位坐. 在尖沙咀吃飯就有這個好處, 大部份地方都有位坐!
上次已經介紹過, 這裏的茶餐做得甚好, 水準甚高, 這次是中午來, 當然是吃午餐啦!
我選了台式肉燥牛肉飯, 四十二蚊, 很抵食, 以尖沙咀來說, 其實食野可能抵過中上環!
飯來了, 製作甚為精美, 我也因此而食指大動!
肉燥對板, 但稍嫌乾身左少少, 如果再加一點汁醬, 味道肯定會更好, 不過呢碟飯都令我好滿意了!
除左肉燥之外, 仲有跟幾條牛筋, 都好軟熟, 好彈牙, 好腍!
餐茶, 佢地可以加三蚊有個哥倫比亞咖啡, 即管叫一杯黎試下, 完全對板!
好好味呀, 奶亦係愛護牌, 咖啡豆本身口感好濃, 啱哂我!
下次如果去開尖沙咀, 不妨試下, 龍師傅誠意推介!
98 degree
地址：尖沙咀樂道23A地下 (晨衝書局隔離)
必食推介：茶餐及肉燥飯
平均消費：四十五元 (午餐)
食物質素：
環境質素：
服務質素：
物值 ：
總評 ： （可以一去）
（分數指南：以六個太極最好，無太極最差。）
無太極：一生不去
一個太極：被迫才去
兩個太極：免費才去
三個太極：可以一去
四個太極：一定要去
五個太極：特登都去
六個太極：一生必去
OPENRICE 連結: http://www.openrice.com/restaurant/sr2.htm?shopid=21481
BONUS BLOG: 集成畫展
食飽飯, 又係行街街既時候了, 呢次去左附近柏麗大道既 NEW:VISION 2:
店內售賣的, 盡是和 MAC 有關的產品, 乜都有, 包括 MACBOOK AIR, MACBOOK PRO, 軟件同埋配套!
呢間店都算齊, 我都睇左 MACBOOK AIR 好奈, 到底最終我同佢有無緣呢? 但一萬五千蚊喎!
而 IMAC 24 吋亦係我既目標之一, 因為我成日想買佢黎放在寫字樓, 然後再用 VM Ware 行番 Windows, 咁樣客人黎到觀感又唔同好多!
咁, 兩部機夾埋都三萬蚊, 如果再加多萬零蚊, 又可以買 Panerai 了, 人既慾望真係無止境的! 都係 "心如止水" 好D!
