午飯買位又好食既餐廳 - 風月堂

9 3 月, 2008

這天行經銅鑼灣,又到食午飯的時候了,當時是十二點九,經驗告訴我,在這個時間要在銅鑼灣找位吃飯是很難的,除非你肯用錢去買位 - 即是說付出貴一點的價錢去吃飯。

我本來只想快吃,求其在吉野家,大家樂又或者花園餐廳吃算了。但這些地方都很多人,而行經那一頭,發覺有一間我未去過的日本餐廳 - 風月堂:

它在樓下京都廣場已經有一條樓梯直上,連等電梯的時間都慳番,於是決定就在這裏吃一個快的午餐:

我只有一個人,上到去,見到人流很少,在中午時間,銅鑼灣,食店人流少只有三個原因,第一是太貴,第二是上樓,第三是食物不好吃;是甚麼原因?吃過後我就知道了。

餐廳內陣設甚為精美,我只有一個人,他們卻安排了一張四人檯給我,還要是曲尺卡位那種,甚為舒適,在這裏午飯環境一流,拎足滿分:

看到隔離檯的食客有說有笑,氣氛甚佳;當下也預料得到食物不會差到那裏去:

這張便是我說的曲尺檯了,地方超闊,真的很舒適:

這裏用的是開放式的廚房,可見他們對自己的衛生極有信心,我相信是日本人開的,因為這裏甚有日本 feel ,而裝修也是以白色為主,甚為簡潔:

這裏的刀,叉都是以一個小籃盛著,甚為整潔,印像大好:

他們所用的餐具也很靚,我覺得他們在裝修及環境方面已經誠意十足了:

下午來當然是叫午餐,這裏的午餐雖然價錢略貴了一點,但甚為抵食;以現時工作甚忙的我,已經覺得三餐對我來說非常重要,因為是我一個享受的時光,我一日只有三餐,加埋下午茶只有四餐,每日只有四次開心,所以非常重要。

不過我又覺得唔係幾好,我最近試過食得唔係咁好即刻走,去第二度食過,如果係咁,我咪越黎越難揀到滿意既野食?但我又覺得呢個係一個心路歷程,我想如果你一路有留意,跟住我個 blog 去食的話,咁你好快都會對食物好有要求呢!

我成日講,食未必要係最貴,但一定要好食!

所以價錢現在反而是次要,食物質素,環境及服務態度才是我最重要的考慮因素。

先來湯及飽,麵包甚為軟熟,好好味呀!

湯也很濃,很有日本 feel,也是滿分:

然後到主菜,我叫了西冷牛扒意粉:

意粉一般,牛扒也算有牛味,但略嫌硬了一點,但也可以接受。

配菜也算精美,也可入口,合格:

再來是咖啡,都幾好飲;又係果句,當然唔及我自己沖既好飲,但都絕對可以入口了:

我最欣賞係佢地既甜品,如果你地係一間普通一百蚊一餐樓下既餐廳食午餐有個咁既甜品的話,請你話俾我聽,我就未見過了,千登世三百八十元一個人既鐵板燒午餐都無咁靚既甜品:

佢係雪糕,夾餅,同埋有層忌廉舖底,我好貪心,差唔多成個食哂,其實份量都幾多的,不過太好味了!

呢餐我食得好鬼滿意!最重要是唔駛等位,環境一流,雖然食物未至於上級,但也算中級了,好鬼滿意!一個人靜靜地係度享用午餐,兼夾諗下零八年大計,真係好開心!

最後要提兩樣野,呢度真係傾計既好地方,地方好寬敞,等候區都大過人:

不過晚飯就未必咁好彩了。無獨有偶,我個朋友在我去左之後兩日打俾我,問我有乜好介紹,我就話風月堂啦!佢同朋友去到,無位!勁等!果時係七點幾,可想而知晚上係好多人去的。

第二,呢度既侍應服務態度好好,當然唔算得上係乜專業,因為從佢地既 gesture 睇到佢地既 service 係無 heart 既,只不過係工作上既需要堆砌出來既笑容或者對話而已,不過都俾一般餐廳好得多了。

風月堂
地址:銅鑼灣洛克道 491-499 號京都廣場 1/F
必食推介:牛扒午餐要忌廉湯
平均消費:每人九十元
分數:* * * *(一定要去 )

(分數指南:以六粒星最好,無星最差。)

無星:一生不去
一粒星:被迫才去
兩粒星:免費才去
三粒星:可以一去
四粒星:一定要去
五粒星:特登都去
六粒星:一生必去

===============================================================

BLOG BONUS – 幾米專櫃在尖沙咀 SOGO 出現!

早兩日行經尖沙咀,無意之中見到尖沙咀 Sogo 有幾米出既銀包,袋,都幾得意嫁!有機會可以去睇下!大家都知道我係 "向左走,向右走" 既 fans,佢既 "兩條平行線都會有相交既一天" 令我好感動,我也因為這句說話而寫了一篇文章在我的書之中,也因為這一句說話令我完成很多不可能的事情!攪記憶術及思想改變運氣講座便是一例,今年寫的 blog 也是我在這個理念之下完成呢!

=============================================================

​關於作者

龍震天課程

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

分享
Facebook LikeFacebookWhatsAppLineEmailSumoMe

四天戀愛溝通術


​原價 HKD2,680,現時 ​免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>

想知道 { 桃花萬人迷 } 的共同秘密嗎?