11 7 月, 2008

我突然又諗起有網友問過,話去到食野影相唔係幾好意思,其實點會唔好意思,只要你唔用閃燈,唔係特登影人,咁一定無問題,膽係練番黎既,當你每日咁影,影幾次都慣啦!

所以同大家分享下, 你拎個相機出黎影相既好處!

我而家都有個習慣,食親野都會拎部相機出黎放係檯面,佢都唔知你係何方神聖,又唔知你係咪記者,招呼仲好D添呀!

又有人問過好驚D伙記問你影黎做乜,驚乜呀?如問我,我咪話 "我鐘意影相","我要試部新機","我係寫食評既",都得嫁!

咁佢又問你拎咭片,仲好,咪介紹埋自己囉,我係龍震天,幫人睇風水同算命既,得閒都會寫下 blog,咁又介紹到自己,亦有機會有生意,一舉數得!

最後一個問題,如果個伙記話唔俾影,咁點算呀?

有乜點算,成檯野黎哂,唔通唔食呀?就係唔食,我俾得錢,我影我自己食既野,有乜問題?咁咪即刻執野走咯。同佢講,仲要大聲D,"唔俾影相我就要走喇,我唔食喇,我諗你地D野都唔好食,所以唔俾人影相,驚放哂上網啦!"

"邊有理由食野唔俾人影相嫁?" 大大聲對住週圍既人講,成間餐廳既食客都會望過黎,個伙記仲驚過你。

仲有,成檯野食黎哂,一句唔食就走人,咁D野食點算呀?正常既餐廳都唔會咁蝕啦!

以我既經驗,一百間有九十九間都會俾你影相既,放人,咁你又可以坐番低食啦!

但一百間之中,總有一間會叫你走既,咁點算呀?

點算?梗係走啦,攪到咁大陣像,你話明佢D野唔好食先至唔俾影相,佢寧願放棄成檯食物,都叫你走,咁一定唔慌好食啦!

其實以上呢D都係就住人性,邏輯而發牌及出招既,呢D叫乜?咪叫做心理學囉!

​關於作者

龍震天課程

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

分享
Facebook LikeFacebookWhatsAppLineEmailSumoMe

四天戀愛溝通術


​原價 HKD2,680,現時 ​免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>

想知道 { 桃花萬人迷 } 的共同秘密嗎?