又教你點睇影響較輕微的天橋煞

12 3 月, 2008

過年之前寫了一篇天橋煞,有很多網友都覺得很有興趣,所以這次又和大家分享一下影響比較輕微的天橋煞,不過都要睇位:

以下這張照片是在銅鑼灣影的,糖街附近,有去過中央圖書館的都會知道在那裏了:

天橋煞有分嚴重和輕微之分。有好多人都唔識分,以為風水一定係煞,乜都係煞,但我可以話俾你聽,梗係唔係啦,風水真係 "唔係咁簡單的",有好多古書都無講,好似呢一個就難以用文字去理解了,現在有圖,非常清楚。

我想大家再望一望上面那幅圖,細心再望下,記唔記得我有講過 "環抱水" 呢?不過都係唔記得了,即係我有客人次次都問我流年財位係邊,但係次次都唔記得,下次又問過。

又有客人問我,點解次次都唔駛查,即刻記得。呢D就係專業同唔專業既分別了。我從未見過醫生幫人睇病時要不停查書,咁你都唔敢幫襯佢啦!

不過唔記得都唔緊要,我係度可以同大家講解一下,環抱水就係馬路成弧形狀態,而弧形既一邊係環繞住自己既,咁樣代表有情,如果天橋係咁既形,就有機會對自己大廈只有輕微影響。

再來一個近鏡,大家會看得非常清楚:

現場的天橋隨了有環抱之外,還有一樣大家需要注意:

大家留意天橋的盡頭,是上橋位。也即是說車速在經過的時候一定不會高,因為有上落,車速一定會慢一些;這樣的煞氣相形就會影響較少了。

所以你可以留意到,上橋那一部份的舖頭,十居其九都是穩定的,絕少結業。

環抱自己的就叫做環抱水,朝相反方向的,就叫做 "反弓水"。

古語有云:"環抱有情,反弓無情",以下的反弓,我們看看對正那座建築物:

估唔估到?再俾一個近鏡各位睇下:

是中央圖書館呀!那麼是否就是說中央圖書館風水不好?只對了一半!

反弓主無情,爭吵,這個是應驗了,你想想看,多年之前中央圖書館拍板之前,經歷過許多風風雨雨,不停咁俾人話個職有問題,太過浪費,那時確是很多是是非非的,正是政府都無面俾!

後來起好之後,反對聲音漸少,唔係風水轉好,係因為已經起好麻!咁起好就無得反對了!不過長期使用率偏低,也是和風水有關係的。

但都唔緊要啦,都起好咯,亦唔會結業,所以也算平靜下來,如果是私人樓咁風水就大有問題了。

在附近又看見另一道天橋,不過是行人天橋來的:

呢道橋雖然唔係車路,只係人行,但對風水也是有影響的,我最怕天橋直插,如非必要,我都唔會建議客人揀附近有呢種天橋既樓宇。

其實風水真係有好多野講的,講十日十夜都講唔完。以前只用電話影相,影得不太清楚,所以很多時在街外看到有 demo,都不能影下來和大家分享,現在由於寫 blog 的關係,已經習慣隨身帶備相機,有甚麼風水上的東西都可以立即影下來和大家分享,各位網友們有福了,因為未必個個風水師傅都咁好心機影哂相咁公開和大家分享風水學理的。

順帶一提,學野最忌神神秘秘,收收埋埋。有人討論包你學野學得好快,你不妨試下,將以上學過的東西明天和朋友說一遍,包你入腦很多,因為你記下來之後,再用自己的文字和別人說一次,這樣就會長期在大腦之中了。

 

​關於作者

龍震天課程

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

分享
Facebook LikeFacebookWhatsAppLineEmailSumoMe

四天戀愛溝通術


​原價 HKD2,680,現時 ​免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>

四天戀愛溝通術網上課程