26 5 月, 2008

(估計閱讀時間:  分鐘)

昨天說過, 今天我要介紹一間在上環絕對有得做既食店, 呢間就係我今日要說的 "西龍千味拉麵館" 了!

它位處上環文咸東街的寶恆商場, 講起呢個位, 我都有D感概.

因為呢間舖既前身係神谷料理, 西環那間我覺得質素一般, 但上環這間我覺得很好味, 而且侍應招呼極有禮, 不過後來可能因為租太貴的問題而結業了. 很懷念呢!

回說這間千味拉麵, 佢地係西龍集團做的, 我相信大家都有食過地鐵站既西龍飯糰, 而這間則賣拉麵, 隔離個舖位做飯糰店, 一舉兩得.

一坐下去, 茶具已經吸引了我, 很特別:

而且座位也舒適, 夠大:

服務員極有禮, 招呼極好!

餐牌有一個特色, 女仔實鐘意, 就係每樣東西它都會標明有多少卡路里, 咁樣就可以知道自己應該食幾多了!

我睇下我想食那一個, 南京牛肉麵, 原來係 327 卡路里, 都OK既:

跟餐有前菜, 糖水再加咖啡, 都係四十五元加一, 五十元仲有五毫子找番!

前菜來了, 是粉皮來的, 做得極滑, 味道鮮, 爽口, 我吃完這個前菜之後, 我就知道我一定會再來了!

蛋不是溫泉蛋, 但也可以:

主角, 牛肉麵:

一看賣相, 已知不錯, 湯夠多, 合哂我:

牛肉其實是牛腩來的, 甚為熟腍, 而且極入味, 很香濃! 龍嫂坐在我對面, 問我好不好吃, 我沒有開聲, 只夾了一片給她, 她吃完也點頭, 完全對板!

至於麵質, 是比較硬了一點, 但也可以接受, 我覺得有點似上海麵, 濕濕地, 食一大碗都唔知飽, 因為麵會順著直滑進你喉嚨!

龍嫂叫了酸棘湯雲吞, 有八大隻, 真係好抵!

每粒雲吞都落足料, 口感極豐富, 女仔食完一定好飽!

湯料也很多, 我覺得他們很老實, 一個大湯碗, 散叫只係三十二元, 我甚至想提議他們可以不用落這麼多料, 你可想而知這碗雲吞有幾充實!

到糖水時間了, 是綠豆沙來的, 送的糖水意料之外地質素極高, 我們也絕對收貨!

我的好朋友米雪兒也說過, 餐館送的多是紅豆沙, 好悶! 綠豆沙就比較特別 (其實制法也是一樣吧?)

咖啡, 好好飲, 味濃, 豆靚, 用鮮奶, 自動咖啡機沖泡; 我沒有看到那部咖啡機, 但應該要七千元以上的咖啡機才會有這個水準. 水溫控制得好, 而且絕不是用平豆.

價錢公道, 以物值來說, 很超值!

順帶介紹一下, 龍嫂在中環買了這樣的一盒東西:

我問她多少錢? 她說八十八元. 我話有無攪錯, 一盒咁既野要八十八元. 然後當天晚上回家試了一片, 兩天都停不到口; 第三天喉嚨痛到要死, 我還是死抱著這盒杏仁薄脆不停吃, 即使吃到喉嚨穿了, 我也要吃, 可想而知有幾好味.

後來了解過之後, 這間餅店是賣曲奇的, 以前在中環是沒有的, 但最近開了一間, 所以龍嫂買了一盒來試下.

西龍千味拉麵館
地址: 上環文咸東街50號寶恆商業中心地下 G1-G2 舖
電話: 25810805

必食推介: 牛肉湯麵, 酸棘雲吞
平均消費: 五十元(午餐)

食物質素:    
環境質素:   
服務質素:    
物值  :         

總評  :      (特登都去)

(分數指南:以六個太極最好,無太極最差。)

 無太極:一生不去
一個太極:被迫才去
兩個太極:免費才去
三個太極:可以一去
四個太極:一定要去
五個太極:特登都去
六個太極:一生必去

OPENRICE 沒有連結(居然!竟然!)

關於作者

龍震天

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

分享
Facebook LikeFacebookWhatsAppLineEmailSumoMe

四天戀愛溝通術


原價 HKD2,680,現時 免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>