30 4 月, 2008

今天晚上, 去了食大婆牛肉麵, 聽講都幾出名, 是由著名食家李純恩先生開的.

他的太太也很喜歡吃, 而有一次去了友人家中, 吃了一碗令人感動的牛肉麵, 回到家裏研究半年, 最喜歡招呼李先生到來的朋友; 後來朋友吃多了, 就索性建議他太太開一間牛肉麵專門店, 故得此名.

他們這裏有晚市套餐, 價錢很平宜:

也有大婆餐, 樣樣有, 我們則要了這個 "大婆餐".

一場黎到, 當然要試下佢地既牛肉麵啦! 不過試之前, 先黎個小食, 我地揀左黑油雞翼:

雞翼可以入口, 但如果話佢係驚為天人既話 — 差好遠咯! 龍嫂整既, 我唔敢話好食過佢, 但肯定唔會差過佢!

再來一個東坡肉:

呢件野如果用套餐叫, 要另外再加十三蚊, 我以為好好味, 點知好難入口, 因為太咸!

其實呢件野點樣 handle 呢, 切又切唔開, 又無比刀我地, 應該一開頭切為四份先上碟麻, 呢D係最普通既常識黎, 我同龍嫂諗左好奈都唔知點解唔切開, 完全解唔到碼! 呢個 gesture 已經有微積分既學問了!

我試過去深圳西湖春天食過, 人地五蚊件咋, 好味到食完曉飛! 小南國我分別在銅鑼灣及中環食過, 雖然幾貴, 但亦唔差, 食完起碼我同個客識得點頭.

呢件野普通過唔普通, 味道很濃, 我並不排除佢地用左心機去整, 但勤力未必一定成功, 又一個好例子!

到主角牛肉麵了, 對板:

湯質濃, 麵質可以, 牛肉亦好大塊, 好腍!

再黎一個近鏡:

再加些少牛筋, 都OK.

我地另外叫左一碗係大婆擔擔麵, 麵質爽, 可以入口:

但料就好似少左D, 亦唔棘, 都可以啦!

所以話名人開既食店亦不一定好食, 呢間大婆牛肉麵我姑且當佢呢次師傅做錯味, 咸左好多, 下次再去試, 如果再係咁, 我都唔會去了.

我覺得另一個原因係根本無老細, 我亦唔覺李生或李太會來舖頭, 交得俾人質素一定 deteriate, 所以做生意永遠一定要親力親為, 但我又諗, 會唔會係根本李太都只係整到如此水準而已? 這個就不得而知了.

大婆牛肉麵
地址:灣仔灣仔道 188 號 (克街入口, 東方188商場樓下)
必食推介:牛肉麵
平均消費:六十元

食物質素:    
環境質素:   
服務質素:   
物值  :    

總評  :   (免費才去)

(分數指南:以六個太極最好,無太極最差。)

 無太極:一生不去
一個太極:被迫才去
兩個太極:免費才去
三個太極:可以一去
四個太極:一定要去
五個太極:特登都去
六個太極:一生必去

OPENRICE 連結: http://www.openrice.com/restaurant/sr2.htm?shopid=18532

BONUS BLOG: 集成畫展

食飽飯行街街, 去了附近的集成中心, 看到有畫展, 即管入去睇下:

大會展出了多位大師的作品, 也有畫家的介紹:

我比較欣賞這一幅:

大家得閒都不妨去睇下!

去到集成, 想起風水客人 Emily and Jeffrey, 因為佢地就係集成, 呢個單位都係我一手一腳幫佢地睇既, 諗起決定成交既一刻, 諗起計租既情形, 因為佢地當時都好趕要搬寫字樓, 早兩日再同佢地去觀塘睇倉, 睇佢地越做越大, 生意越來越多, 真係由個心開心出黎, 當日同行的, 還有地產經紀文小姐, 文小姐相當客氣, 人有禮貌, 一看便知她是一個 Top Sales. 只見她在我介紹那間廠的風水時, 她聚精會神地聽, 很有興趣, 也和她分享了一些睇樓睇舖的心得, 將來她也可以在工作上應用得到.

文小姐跟我說: "他們兩位也有提過你, 找你看風水已多年了, 生意越來越好, 每事都順風順水呀!"

第三者的說話會很可靠, 老懷安慰. 

​關於作者

龍震天課程

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

分享
Facebook LikeFacebookWhatsAppLineEmailSumoMe

四天戀愛溝通術


​原價 HKD2,680,現時 ​免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>

想知道 { 桃花萬人迷 } 的共同秘密嗎?