今天下午和龍嫂肚餓, 去了我們寫字樓附近新開的仙跡岩吃下午茶.

這間店是新開的, 前身是唱片公司, 專賣大陸 CD, 隔離以前是星輝書局, 我對這間書局也有多年感情, 因為有時候我也會過去看書, 現時也已結業, 兩間舖合二為一, 重身裝修, 變了現在的仙跡岩.

雖然是新開, 員工可能比較新, 招呼可能會亂了一點. 但現場所見, 其實他們一點都不亂, 因為無人; 而且, 極有趣的是個個員工都發緊夢!

一個在收銀處發呆, 我們進去了也不知道; 另一個則站在一角, 低頭看著電話, 但又不是 send SMS, 我除了發夢之外, 也想不到第二個形容詞.

過了很久, 她們也察覺不到我們進來, 我甚至以為我們自己死了, 所以她們聽不到, 因為相傳鬼行路是沒有腳步聲的呀, 因為雙腳離地!

後來還是龍嫂忍不住, 叫她們拿個 menu 過來:

今天假日有套餐, 於是我們叫了一個套餐, 再加一些小吃.

龍嫂叫了花枝丸京麵, 賣相不錯:

京麵我沒有聽過, 原來是粗粉絲, 味道一般, 不過龍嫂則說OK.

兩粒花枝丸好大粒, 好好味, 彈牙, 不過由於太大粒既關係, 所以咪煮到外面熱, 入面凍咯, 但都可以接受

呢樣最呃錢, 瑞士雞翼, 十八蚊四隻:

睇黎睇去邊一忽都唔似瑞士雞翼, 哦, 原來係個名黎啫, 其質素同 7-11 入面用微波爐叮既雞翼一樣, 你話好唔好食? 打仗既時候無得食我諗會好好味既, 不過而家咁太平, 我就覺得一D都唔好味了.

我則叫左肉燥撈麵, 都唔錯:

麵條彈牙, 肉燥做得好好味, 抵讚!

最後龍嫂係叫餐, 所以有跟珍珠奶茶, 好特別:

佢係俾個茶壺你自己沖, 都算抵飲, 而味道亦較得好好, 奶好香滑, 到而家都回味!

裝修亦不算差, 乾淨企理, 最緊要係新:

仙跡岩在港九新界有分店三十五間, 好應該有一個培訓部門, 今日見到果兩個員工直頭係發夢, 招呼又無打, 客人入黎又唔知, 請著呢D員工真係幫仙跡岩倒米.

出品應該係有中央廚房, 唔係旨意呢班人整野食一定唔好味.

我覺得呢間舖好招呼都尚且好危險, 因為呢個位係飲食既高危區, 開乜執乜, 之前有間木村拉麵都收左檔, 咁呢間, 我覺得兩年貨仔到啦, 員工質素咁差!

仙跡岩
地址：上環德輔道中317及319 號啟德商業大廈G1及G2舖
必食推介：珍珠奶茶
平均消費：五十元
分數：　　　（可以一去）

（分數指南：以六個太極最好，無太極最差。）

　無太極：一生不去
一個太極：被迫才去
兩個太極：免費才去
三個太極：可以一去
四個太極：一定要去
五個太極：特登都去
六個太極：一生必去