最近 facebook 有一則分享，是關於一間婚紗店的，新娘子結婚租了婚紗，到最後貨不對版。

分享這篇文章的目的，是因為有很多客人都會結婚，而結婚必然是租婚紗；這篇文章，正好說明在找緍紗店之前，必需要先了解清楚，又或者有朋友介紹，有口碑，有朋友試過才去，比較穏妥一點。

這個是來自一位新娘叫「由美子」的 Facebook，全文如下：

新娘由美子 Facebook 全文

為左唔影響自己情緒，為左要有好心情去享受一生人只得一次既婚禮，忍到今日，有件事終於要公開。

我係今年六月二十八日，經”朋友J”介紹去左一間婚紗公司，當時接待我既係呢間鋪既店主,一如正常程序，試完婚紗就開始講價錢，我試過幾套婚紗，但最終只係覺得⋯得一套Hello kitty 婚紗適合自己,咁租期佢就話婚紗係租四日三夜，包送貨及收貨）。

咁我就用左$6980租左一套Hello kitty 婚紗連頭飾（因為店主話要現金或EPS全數付款，所以我就比左現金$6980），原本以為係一件開心事，但原來惡夢⋯啱啱先開始。

我返到屋企，諗諗下條裙係租四日三夜～咁究竟係應該邊日送裙，邊日收裙呢？

咁我結婚正日係31/10，咁應該係29號定30號送裙呢？咁我就問”朋友J”應該邊日先啱，咁”朋友J”就問佢，點知佢就答話：「你個friend而家淨係租一條裙，無四日三夜，一條裙係三日兩夜架咋,同埋一條裙，我唔包佢送貨架，仲有⋯話佢知帶定三萬蚊現金做按金呀！」，當我聽到呢個訊息，我即刻呆左，點解同我比錢時講既野唔同曬既？

同埋，好奇怪既一點，大部分既婚紗公司一向收按金都係收支票，點會收現金？咁我即刻拎張單出嚟睇，佢條款既字係細到要用放大鏡睇先睇得清楚既，咁第一句就寫《本公司外租婚紗套餐設為四日三夜》我只能夠講，第一點我中伏了，因為佢而家計我係單租一條裙，而不是套餐，咁佢張單又無寫明單租既期限，咁即係佢點講都得？

我再睇⋯我租既係日系禮服，而日系禮服係收一萬蚊現金按金（租婚紗收按金係好正常，但現金呢樣野，比錢時係無提及過既），同埋，唔明點解佢話要收三萬？，咁我就問”朋友J”，「張單寫按金係一萬，點解會變左三萬？」，而佢既回覆係「張單係舊單，呢個係新例」，咁我就覺得事情變得太不合理。

咁我就叫店主直接打比我，我要了解清楚究竟發生咩事⋯點知⋯等⋯一直等⋯日子一日一日咁過，距離婚期既日子越來越近，但店主都未主動聯絡過我，咁我覺得如果佢逃避我，我都應該要主動搵佢，咁我打算叫”朋友J”陪我去最後試身，咁正當想約時間上鋪頭，店主回覆「條裙無得再試，因為條裙根本無得改，同埋單租裙係無得再試，只可以29號或30號直接拎走，同埋要比按金」。

老實說，去到呢一刻，我確實已經好嬲，同埋覺得好唔對路，即刻上網打店名，點知⋯”負評如潮，個個留言都話呢間係黑店，仲有雜誌報導過佢地用不良推銷手法推銷顧客⋯等等惡行”,但因為我已經比曬全數，同埋唔想臨近結婚要同人嘈，就諗住如果可以妥協既就妥協了事啦，事情去到呢度，咁啱我邀請緊中學同學出席我既婚姻，而咁啱其中一位中學同學剛好係呢間婚紗店既模特兒，咁我同佢提過我既經歷，擔心緊究竟發生咩事，點解由當初既承諾到而家成件事會唔同曬。

咁我呢位”同學A”就幫忙問一問店主，了解一下，當”同學A”一提及過我對租婚紗事情有所擔心，店主就立即聯絡”朋友J”,就話可以唔收按金，30/10送裙去場地，1/11去場地收裙，個一刻，我個心即刻放鬆曬～以為事情可以解決到就唔駛再煩。

點知惡夢並未完，去到28/10，店主還未回覆到幾點能夠送去場地，而我婚禮前幾日會特別多鎖碎事要預備，咁就打算⋯如果店主遲遲未能回覆幾時可以送裙去場地，咁我就睇下可唔可以送去酒店簽收，因為凱悅酒店同科學園婚姻場地距離只相距幾分鐘車程。

點知”朋友J”一問，店主就用好差既態度對佢，「送貨地點唔可以轉架，同埋其實無收按金只可以送到科學園，仲有⋯我件婚紗唔可以著係街影相，同埋我有份野要比佢簽，到時要寫埋佢姓名，身分證號碼，地址架，如果佢又唔想簽，咁一係就31號先送啦，你叫你個friend自己諗啦」。

咁我聽到，第一樣野,就當然否定左會著出街影相，說實話，我根本就無時間，又點著件婚紗出街影相呢，唔理佢點諗都好，合約就一定唔想簽多一份，因為唔知又會係份咩不平等合約，咁係呢一刻，我除左妥協，我根本無選擇。

我就同”朋友J”講如果唔簽多份合約，就31號送去場地，但我想了解埋，31號幾點送去，同埋1號幾點收裙，等等下，已經29號。

店主覆「31/10 下午2點-3點送到場地，佢著完，直接送低係科學園就得,我地會2/11 11點-12點收裙」，而家問題出現啦，我婚姻係31/10，點解要隔兩日先收裙走？

如果條裙係我放低後中途期間有損耗，責任要誰負責呢？正常應該1/11 場地開門後立即收裙先可以確保條裙無被第三者掂過，我諗深一層，再三再希望可以同店主直接對話，但佢只回覆「我唔得閑同佢傾，我有十幾個客要做，如果佢唔合作，我就跟單做」，之後唯有再經”朋友J”再問之下，店主回覆:「我1/11唔得閑，再唔係就我31/10 下午2點-3點送到場地，佢開席前著完，我9點嚟收返」。

咁我聽到,即刻呆左,我話：「佢地點可以咁，我比左差唔多成七千蚊，租佢地一條裙，由當初承諾既四日三夜，變三日兩夜，再變即日送，即日還。

我比錢時唔係租條裙幾個鐘，就算我打算係開席前著，都唔代表佢地可以即刻嚟收裙，我婚禮未完，我真係唔希望中途有人嚟收裙，如果佢真係要即日收，我可以配合既真係只能夠係散席時收，但散席都真係要去到十一點幾十二點，你再問問佢方唔方便先～如果唔係的話，要確保條裙既安全，就要1/11收」。

咁”朋友J”就轉達左呢番說話比店主聽，點知店主就開始用粗口鬧”朋友J” 「你地究竟想點X樣？咁X樣又唔得，咁X樣又唔X得？總之而家我就跟返正嚟做，要收返現金按金，同埋我會叫我老公跟，有咩佢會同你講，我而家要唔要你呢個朋友都罷，我會block左你架啦！」之後就cut左線。

咁”朋友J”同我講返時，我都好唔開心，佢為左我婚禮，竟然比人用粗口問候，講講下，我電話響起，原來係佢老公打嚟，佢話：「張單得你一個電話，所以打比你，要同你講返租裙個度既，而家夜晚8:30啦，你9點嚟唔嚟到觀塘拎婚紗？睇你都嚟唔到啦，咁即係聽日2:00-3:00送去場地啦，咁你帶定一萬蚊現金做按金，我地2/11 先收裙既」。

咁我話：「聽日送裙無問題，但2號先收裙就有問題，因為條裙31號著完，我放低係場地後就無責任去確保條裙能夠安全直至你2號收裙，因為我著你條裙，我都有責任安全交還比你地，所以正常你地應係1/11收裙，而唔能夠2/11先收，因為條裙留多一日會有損耗風險，而呢個風險係因為你地遲左一日收裙，而造成的話，我唔可以承諾你地承擔個責任」。

跟著佢即刻態度變差話：「1/11我地唔得閑喎，再唔係咪你自己嚟觀塘還裙，如果唔係⋯我就31號9點嚟收！」咁我就覆「咁樣真係唔合理，你地點可以咁架？我婚禮中途無可能還裙比你地，如果你地1/11唔方便，可以叫你既員工去收，因為我比錢時係包送貨，收貨」。

之後佢就同佢老婆一樣，發曬脾氣咁話：「「你究竟想點樣？呢樣又唔得，個樣又話唔得？我同你講就講左，你自己諗清楚點收」之後又cut左線。

咁直到31號當日，倆公婆直頭玩失蹤，條裙無送到場地，亦無打過電話聯絡過我，直到完成婚禮，呢幾日我whatsapp想了解返原因，佢地就算收到訊息都一直唔回覆，我只覺得逃避並唔係辦法，我真金白銀比左錢，但最後條裙根本無出現過，我好想知道《天理何在》？

我唔想有朋友或嚟緊想結婚既朋友再受騙，希望大家都幫忙分享呢段經歷，越多朋友知道，越少受騙機會，我已經係網上見到好多苦主，無論係客人或者合作既化妝師都一律無可幸免，金錢損失事少，影響婚禮事大！！真人真事，親身經歷，請廣傳。

（龍師傅註：這段 post 出街之後，就另外有一位 Ling Tam，自稱之前也被這間婚紗店騙過錢，而她更是和婚紗店店主合資，損失很大，我們來看看。）

前婚紗合夥人 Ling Tam 的 Facebook post

我有一件事要公開，呢幾日亦都有好多朋友問我同呢間婚紗店既事，所以我而家統一回覆，2012年我籌備結婚就去左呢間婚紗店去試婚紗，當時見老闆娘都好熱情招待，我覺得都幾好傾，所以都同佢做左朋友一齊去玩等等，原來呢個就係我惡夢既開始，佢一直以來埋我身就係想睇我底牌有幾多錢可以比佢呃，喺我籌備結婚嗰一年間，佢所有細節都好幫我，我完全無結婚既壓力，我地一齊玩，一齊飲酒，一齊行街，真係十足好姊妹一樣，佢亦稱呼我做妹妹，而我亦當佢係姐姐，因為當時佢真係扮到好好，而家事後諗返都覺得好恐怖，講返佢點呃我錢先啦，結婚嗰一年間其實都有斷斷續續咁傾投資入股佢間公司啦，但正式行動都係結婚後，但結婚後我又有左bb.佢本身要呃我5x萬，但到我比左3x萬就開始發現有問題，因為有其他股東stop我話呢間店好有問題，完全無錢分，係呃人錢，咁開頭我都唔係好相信，因為真係好好朋友(原來係我自己覺得係好姊妹)，咁後尾太多證據顯示呢間店係呃人入股既我就即刻停啦，之後同佢講唔再比錢，當然佢即刻反面啦，跟住block埋我，wts又block埋，當然其他股東都被block啦，跟住嗰時我剛剛生完仔，都唔得閒處理住，其實呢一年間我地所有受害人都比佢地搞到好煩惱，佢呃呃埋埋金額有過百萬，全部入股既都無一倖免，之後佢呃人既事就陸續出現，包括以前既行為，佢都算係一個職業老千，呃呃埋埋都好多人，個問題係佢從來無覺得自己呃緊人，呢個人假到無人有，簡直係恐怖，之後聽原來好多化妝師，攝影師都有比佢呃過，什至客人，呢幾日有一單好hit既，不過佢當然自己喺fb自圓其說post d對自己有利既對話啦，嗰個女仔講既肯定係真，因為佢真係一個咁既人，呢個人表面功夫真係做得好好，但內心係惡毒過巫婆，呢個人呃人錢又呃人感情，亦有好多同佢fd過既比佢叫過入股啦，有部分都好好彩無入到局，我亦知道我fb都仲有d同佢兩公婆有聯繫既朋友仔，我唔怕你地同佢講，因為我講所有既都係事實，其實你地自己都會睇到點解之前同佢fd嗰d會消失哂，聰明既你應該估到有d事，如果你地睇完都覺得佢係好人，我只可以祝你好運而家婚紗店又改左名，明眼人一睇都知點解一間婚紗店要不停咁改名又改名，心水凊的你懂的，好多人問我點解唔告佢，我只可以講我唔會再講我會做d乜，只希望你地禁一禁share出去比多d人知道佢兩公婆既惡行！唔好再有人受害，因為知道佢地又出手招人入股轉戰澳門，大家要小心。

（龍師傅註：公司名就不在此公開了，但大家去她的 facebook 還是會找到的。

本來還有一段 post，就是店主自己親自的回應，但後來沒有了，未知原因。

這間店是好是壞，我未試過，也沒有朋友試過，不便評論；但在光顧任何婚紗店前，必需要清楚了解。）

「猴年生肖」現已推出，大家可以在手機免費下載及直接收看！

iPhone 版本：https://itunes.apple.com/…/long-zhen-tian-hou…/id1039680198…

Facebook:

http://facebook.com/lungchuntin1

你是否在感情路上，事業路上遇到問題？只要好好知道自己的命，每個人都可以有好姻緣，好運氣；清楚了解自己強項弱項，對著目標而行，一定好過盲目亂撞。

與其 一生猜度自己的命運，倒不如清楚了解自己的命運軌跡，及知道自己現時是否跟命運軌跡有所偏差。 

龍師傅設有紫微斗數一生詳批，紫微斗數感情咨詢，紫微斗數工作咨詢，陽宅及商舖寫字樓風水，改名，擇日結婚，擇日生子及問事服務，了解各服務收費詳情：

http://www.sunchiu.com/38754355272591036027.html