今天和大家分享 Lydia 的個案。我好想和大家分享一樣東西，就是：
你看不到對方的底牌，你就不要妄想地以為自揭底牌，對方的牌一定輸給你。
這是一個很好的分享。因為它印證了以上的論點。
我會在 Lydia 的分享之中，加上自己的附註，讓大家可以馬上看到問題所在，作出改變。
Lydia 的分享
你好龍師傅!
因為睇完你有關男女感情的blog, 有得著和令我反思自己… 以下是我的小小故事..先多謝你花時間看! 希望你能以男性角度給一點意見我..
最近我via 一間dating agent 識了一位30頭的男仔…我比佢小5 歲…我們第一次見面食飯( 由AGENT 安排)….頭一次見面..他講好多有關佢家庭..自己買樓等事 ( 當時我覺得佢有d 假..因為邊有人會第一次見面就哂自己身家?!)..anyway..都有一個natural dinner..埋完單我話俾番錢佢, 佢就話請我啦咁…走時佢仲車我番屋企…表現得十分之gentleman. 不過我一直奇怪佢做咩唔問我拎contact….到最後我忍唔住開口問佢有冇contact ( 我咁做會唔會錯左??)..我們交換卡片…
（龍師傅註：當然錯！錯錯錯！對方如對你有興趣，一定會主動和你交換電話，這是最簡單的邏輯。
如果對方沒有問你拿電話，根本就意味著對方對你沒有興趣；那自己問對方拿電話，對方可能會基於禮貌給你，但根本就是兩回事了。）
說真的．．．他是一個好有條件的男仔 （ 思想成熟．．有事業．．有車有樓，高大．．）．．．回家之後．．．我想了好耐都想不明佢 咁有條件點解都要找ａｇｅｎｔ 識女仔！ 真係完全唔敢相信！ 我只覺得自己咁好彩見識到一個咁勁的男仔．．
．
之後email 有再chat 下．．後來我add 了佢facebk…見到佢status 是" in a relationship"….即刻好火．．．覺得成件事根本就是騙局！個時我值頭覺得佢一定是太多錢．．．純粹出來玩！
我ｅｍａｉｌ 問佢是否in a relationship , 佢答" I'm single". 到後來見佢把facebk status changed to Single….個刻我當然開心．．不過心中仍有好多唔明白！！
（龍師傅註：這是第二個錯誤。自己不是對方女朋友，問這些，我覺得根本好核突；而女仔的想法也是很天真：你問了，對方轉了，又如何？代表了甚麼？我在理性的角度看，我真的看不到代表甚麼。而在那個男的角度之中，我卻能看到一點甚麼：那就是，這個女的好煩！）
直到佢email 問我contact no…之後有一晚佢打來開始chat…聊了成個幾兩個中…話題都是share 下大家生活..興趣呀咁..我有提過bowling..咁佢就話搵weekend 去打下波…( 好正路的約女仔方法!)
第一次出街．．．．佢車我去打ｂｏｗｌｉｎｇ．．．之後再上大帽山．．．再去小白鷺餐廳．．．佢好識製造浪漫．．．佢每一個位都好 細心．好識照顧人．我從未見過咁ｃｈａｒｍｉｎｇ 的男仔， 我覺得是發緊夢．．．但我心中的問號就愈來愈多！
再之後有２， ３ 次跟佢見面．．食飯．．食糖水．．．佢仲帶我同埋佢個妹一起食．．有一次ｓａｔ我做完野．．佢過來接我食飯．． 之後車了我去了ｓｔａｎｌｅｙ行．．．２個人開始談心．．．沿途見到有一對情侶好ｓｗｅｅｔ 咁玩緊（ 個女仔衡埋個男仔度， 個男仔就 接住佢）， 我同佢望住對情侶．．．佢話”好羨慕ｄ人簡簡單單一起”．．我沒有回應什麼．．．
再行下行下去到碼頭盡頭．．．佢終於開口問我的感情事．．．我講．．自己拍過２次拖， 第一次係ｄ ｐｕｐｐｙ ｌｏｖｅ．．第２ 次係同一個大自己２年的男仔拍．．．不過半年就分開了， 因為我覺得佢唔岩自己．．．．無咩安全感．．．到我問佢了．．．佢透露以前係大 學讀ｕ 時識了一個比佢大幾年的日本女助教．．．係一個好叻的女仔．．最後因為對方家人唔太支持呢段戀情（ 覺得個男仔當時無事業基 礎）， 而男又其實想番ｈｋ 發展．．所以最後ａｇｒｅｅ 分開．．．回港工作了１ 年．．．經朋友介紹識了一個女仔（ 細 ２ 年）．．．都是做野叻的女仔．．拍了 ３ 年．．上年他們結婚．．不過１個月後就離婚！ 原因是男的發現個女的婚前搭上了一個壞男孩．． 他還講了一些關於佢前妻屋企的事我知．．．
他話呢個係佢底線．．所以最後決定點都要離婚， 不過而家都原諒左對方． 佢話佢為個女仔付出了好多．．．．（因為佢家庭係同鄉之 中有ｄ地位．．．個時擺酒都 有４０ 圍．．．．我完全想像到以佢作為大仔．．．搞完一個婚宴面對鄉親負老前前後後幾多壓力．．幾多付 出．．同埋呢件事對佢打擊有幾大．．）
點到好．．．疑團解開左．．佢話找ａｇｅｎｔ 識女仔是因為唔想再via 朋友．．．有咩事會牽涉到朋友．．個一晚我相信佢真的講了好多心底話我知．．唔係一個偽君子．．．對佢好感更多．．
（龍師傅註：這個解釋也尚算合理，因為過去有陰影而要經 agent 結識完全陌生的女孩子）
我個晚靜靜地聽佢呢個咁dramatic 的故事….我問..咁你個時都一家好大壓力…佢話: 係呀…之後繼續講佢點安排結婚點遷就女方父母等…. 佢話已經無同個女仔contact, 而個女仔父母亦唔認呢個女….反而仍不時叫男去食飯….因為人地父母都覺得男係好..
之後我有提到…我有時恨做男仔…因為可追女仔…但佢就話．．但都唔容易搵到個岩的…
個晚談完心之後..有幾日無咩聯絡…之後我email 話介紹佢睇一套戲…..係關於family, love, life…..咁岩佢又話買了部投影機係屋企 ( 佢一個人住), 借俾佢看咁…
有一日佢就駕車來我家樓下拎隻碟…就走了…
再之後一個星期佢去日本出席朋友婚禮……..到他回來個晚…我send了個sms 問佢back 到hk 未..佢覆了我 "just back..i enjoy the trip so much 🙂 "
之後都有幾日無聯絡．．．
（龍師傅註：其實去到這些位，那個男的沒有主動聯絡自己，自己也心中有數）
因為佢之前有提過可ｓｐｏｎｓｏｒ 我參加的一個義工活動．．．咁我要ｃｏｎｆｉｒｍ 佢係咪真係會support．．．ｓｅｎｄ 了個ｅｍａｉｌ 問佢．．．佢話佢會ｓｕｐｐｏｒｔ 我 ２００．．問我聽日有咩時間方便．．．．我ｅｍａｉｌ 覆佢話幾時都 ｏｋ．．．
因為個晚我都未收到佢ｒｅｐｌｙ．．．我忍唔住打給佢．．．想同佢聊多幾句．．．不過佢語氣好明顯唔太想講電話咁．．．我講我睇黃 子華ｓｈｏｗ 的內容佢知（ 因為之前佢有話過想睇．．．我諗住呢個話題佢都應有興趣）不過講了幾句．．佢只嗯嗯咁聲．．．之後佢開口話 忙緊整電腦．．唔講住了， 而且第二朝又要早起搞活動．．再一個星期日都又有活動要搞．．．不過佢都有話第二日大約 ５，６ 點佢做完野 就過來俾ｃｈｅｑｕｅ 我．．．仲有係日本買了手信俾我．．．
第二日我就等佢ｃａｌｌ 我啦．．．．點知等左成日影都無隻！ 心諗唔來．．點忙都可ｓｅｎｄ 個ｔｅｘｔ 講聲？！ 再過兩日都 無任何佢的消息．．．我就ｅｍａｉｌ 說：
I suppose you will let me know beforehand if you won't be able to meet me on sat. Just wonder if everything's alright??
佢之後有覆我
sorry, I didn't give call for that, I'm busy work very late with my firends on sat.
其實我真係嬲的係．．．明明佢應承了來給野我．．但最後唔出現又唔單聲， 呢ｄ 係基本禮貌吧？！
（龍師傅註：其實答案好明顯，只是自己不願意接受而已；通常很多女孩子到這個時候，感性頭腦細胞又來活動了…）
過了兩日．．．我又突然被感性沖分頭腦．．．．好想ｆｏｒｗａｒｄ 首歌佢．．．我Send 了 ” 大開眼界" mv 佢．．話我好中意首歌．．（ 之後好後悔做了呢樣野）
佢一直都無回覆我呢個ｅｍａｉｌ
（龍師傅註：再一次提醒各位，不要做自討沒趣的事情。有時候，未必要人家講明，自己有很多事情都可以看到，感覺到對方的心意。）
一星期後 佢突然用手機EMAIL我” I will drop off the cheque for u when u free;) ”
咁我reply: " thanks, how about tomorrow?"
又無覆我．
到第二日． 我 ｓｍｓ 問佢係咪今日ｏｋ．．．點知佢話 Sorry, I'm in China today.
兩日後．．．我再email 佢．．．問佢有無興趣同我一起去一個free wine matching dinner ．傳統奧地利菜釀酒師酒宴 ．．． 佢話： 個日要出席喪禮．．．ｓｏ 來唔到． 但話會遲ｄ 搵我．．．
（龍師傅註：還記得我有教過大家 counteroffer 的解讀技巧嗎？如果對方對你有興趣，他／她一定會給你 counteroffer；如果沒有的話，自己也不必再作無謂付出了。
但事實是，大部份女孩子，甚至乎男孩子，都不跟著我的技巧來做；結果是，一次又一次的碰釘，一次又一次的扮無知去問為甚麼，好像事情很出乎意料之外似的；而事情，根本沒有出乎意料之外出現過，一切也是在預計之中發生。）
以上是１１月尾時的事．．．直到今日， 我同佢都再無任何ｃｏｎｔａｃｔ．
其間我 想了好多次．．．點解佢個人咁難捉摸．．．同時我都嘗試從佢角度諗．．有以下推斷：
１． 佢想搵既係一個有挑戰性的女仔， 好叻的
２． 佢話俾番ｃｈｅｑｕｅ 只係想ｋｅｅｐ 番佢風度而已
３． 佢仲有幾次ｄａｔｉｎｇ ｃｈａｎｃｅ．．慢慢再睇都唔遲
（龍師傅註：有此推斷，其實已經好正確，以上三點全對，這是理性的分析。
好了，理性分析完畢，是否可以繼續有理性的結論，然後再有理性的行動呢？
不過這個理性分析也遲了一點。如果真的有著絕對理性的思維的話，從第一次見面，對方沒有主動問自己交換聯絡方法開始，就已經知道往後的結果。）
但唔明佢突然擺出一個咁飄忽的性格， 到底佢想點？只想ＫＥＥＰ 番朋友？ 如果對我無興趣的， 仲使咩話有手信， 又或可以俾完 ｃｈｅｑｕｅ 我就唔再ｃｏｎｔａｃｔ．．佢話會見我， 但總是好難見咁． 唔知佢想點
（龍師傅註：其實是很容易明白的，就是他不喜歡 Lydia，就是這樣簡單；飄忽只是根本沒有興趣再交往下去而已，這很容易解讀。
至於之後說的＂唔知佢想點＂，其實又是感性細胞在發作，不肯承認事實，而硬搬出來的＂似乎合理的解釋＂而已。）
不過呢一次給了我一個好好學習經驗． 就如你所講的等價交換， 自己有ｄ 咩俾到對方呢？
（龍師傅註：這樣想就對了。但在想對的同時，一定要肯定自己，往後都要跟著邏輯來做，否則到頭來也是沒有用處。）
不好意思我這個ｅｍａｉｌ 咁長！！！ 龍師傳， 其實你對這個男仔有咩睇法？ 你覺得我對住呢Ｄ咁有愛情技巧男仔有咩對策．．有 咩可改善？ 我不想下一次ｄａｔｉｎｇ 又重蹈覆轍！ 我想學多一點技能旁身！可以跟男仔相處時， 更具吸引力！
（龍師傅註：我覺得那個男的有條件，有很多選擇，而在等價交換的層面上，Lydia 沒有足夠的條件和他交換，所以就出局了。）
P.S.我都有看李民傑的書．．．正努力摸索人心．．學多一點權謀．．
謝謝你！
（龍師傅註：希望大家在看完這個個案之後，能夠有所領悟及清楚，別被感性現象所迷惑！）
（你是否在命運之中感到難以適應？其實未必是命不好，只是你不知道自己的整體人生藍圖和命運軌跡而已。我常說，如果連甚麼顏色，數字，方位旺自己也不知道，那人生又怎會有運？清楚了解自己一生，一定好過盲目亂撞。與其一生猜猜度度自己的命運，倒不如清楚了解自己的命運軌跡，及知道自己現時是否跟命運軌跡有所偏差。
龍師傅設有論命及堪察陽宅風水服務，紫微斗數一生論命為港幣一千八百元，陽宅風水以建築面積計每呎九元，最低收費三千八百元，歡迎致電 82040102 預約或電郵 info@masters.com.hk 查詢詳情）
