25 1 月, 2011

今天和大家分享一個個案,這個個案是一個網友在 facebook 傳送給我的。

是否應該和一個患了腦癌的人談戀愛?

龍師傅, 

一個機緣巧合下, 我接觸你其中一本書 "思想改變運氣" 直至現在 !
我一直有留意你嘅網誌, 你確實改變咗我好多 ! thank u ~


(龍師傅註:謝謝支持。確實,有很多人在看了我的網誌之後,開始重整自已的思維,從而改變運氣。)

因為個人成長環境同經歷嘅關係, 我唔係一個咁容易將自己內心世界表露於人前嘅人 !

但今日嘅我真係唔知應該點做先好, 唯望師傅能抽空解決我心中苦惱 !

2 年多前, 我從香港過咗美國照顧我爸 ! (我在單親環境下長大)
大半年前, 我經朋友介紹下認識一位朋友 b 君 ! 
佢嚟緊 38 歲, (我 29) 係眾所周知嘅一個好男人 !
佢係一個好坦白同正直嘅人 ! 亦係我欣賞佢嘅地方 ! 
因為當時唔同嘅因素 … 我哋只係好朋友 ! 
佢一直响我身邊支持我, 鼓勵我 … 令我感覺到溫暖 !

佢係馬拉人, 3 年多前因為離咗婚嘅關係 … 
佢過咗美國同家人開始新生活 !
佢有 2 個仔, 法庭判咗俾佢前妻 ! (前妻同 2 個仔响馬拉)

啱啱過咗嘅 christmas 前, 佢突然間入院 … 仲一度進入昏迷, 差 d 死亡 !
那時我們才開始不久 … 而每日我都有抽空探望 ! (當時醫生說他有高血壓) 
到 christmas 那天, 他出院了 ! 因為 NY 落大雪嘅關係 … 之後嘅 2 天, 我陪伴著他 ! 
到了第 3 天, 佢同我食完飯之後就車我返屋企 ! 
不知點解, 那一晚我特別想陪佢 … 
但佢唔肯, 臨走前我响玻璃睇到佢回望我 !
佢返到屋企後, 我哋仍然有亙相 text msg … 佢話食咗藥, 好攰 ! 

我一直心緒不寧 ! 直到第 2 朝佢要起身返工 … 我一直打電話但無人接 !
我開始擔心 … 我怕佢又暈咗响房度 ! 所以, 我約埋佢朋友一齊去佢屋企搵佢 !
但佢阿爸講大話話佢唔响度住 ! (後來, 我先知道乜嘢事) 
有朋友話佢已經離開人世 … 但我唔相信 ! 
我知道佢仍然存在, 而我一直都有留言俾佢 !

幾日後, 謎底終於揭開 ! 佢留咗言俾我 … 响佢出院嗰日, 即係我離開醫院無耐 !
醫療報告話佢有腦癌, 只有 5 個月命 ! 做手術好返嘅機會率得 2 成 !
佢選擇離開 NY 返馬拉處理定身後事同埋打算同佢 2 個仔渡過埋餘生 !


(龍師傅註:其實男的一早已知道,不想和女的一起是因為不想連累對方;這很正常,換轉是我也會這樣做。)

最初, 當我知道成件事嘅時候, 我好傷心 !
但我好快就冷靜落嚟, 處理好我個人嘅嘢 ! 就決定飛過馬拉搵佢 !
佢無留電話俾我 ! 加上無任何地址 ! 而我亦未嚟過馬拉 ! 
我哋只靠 email 聯絡 ! 期間, 我哋曾經講過電話 !
我留言話我會响吉隆坡等佢直至佢出現 ! 我知佢唔會唔見我 ! 因為佢在乎我 ! 

(龍師傅註:如女的去到,男的一定會見她;我想不會有男人這麼狠心的;因為邏輯上,男的不見女的,並不是不愛女的,而是不想連累。

到咗吉隆坡嘅第 2 日, 佢過咗嚟搵我 ! 
一日後, 佢帶咗我返怡保 ! 因為佢依家住緊响佢前妻屋企 ! 
所以, 我依家住响賓館 !

佢前妻想同返佢一齊 ! 而佢前妻响佢兒子嘅 fb 知道我嘅存在 … 
佢一邊打探我嘅嘢, 又一邊 check 佢行蹤 … 包括電話, 及 email !
而佢前妻亦都估到我過咗嚟馬拉 ! 
呢幾日, 佢成日打我電話, 我知道佢有嘢想同我講, 不過, 我收咗線 ! 
尋日, 我轉埋電話號碼 !

我唔明白點解佢前妻到咗呢一刻仲要拙拙逼人 ?


(龍師傅註:那要從邏輯看。你自已想想,你和丈夫離了婚,而你知道丈夫有腦癌,只有五個月命,那你想和他在一起,是否咄咄逼人?在這裹,我覺得網友有點感性。

如你有同理心,你應該讓男的自已去選擇,現時男的似乎兩邊都想見面。)

其實, 响唔响埋一齊根本就唔重要 ! 
對我嚟講, 重要嘅係, 我愛嘅人仍然生存 ! 唔好咁容易就放棄 !
難得嘅係, 我用咗好多唔同嘅方法令佢暫時打消唔去醫嘅念頭 !
而我亦說服咗佢等佢處理好馬拉嘅嘢之後就會返美國醫病 ! 
(10 年前, 我媽因為癌症過世, 當時, 都係得幾個月, 但無得醫) 

我哋已經決定先訂婚, 等佢醫好之後我哋就去一個新嘅地方重新開始 !


(龍師傅註:其實在這件事上,邏輯也是有點問題。訂婚的目的是甚麼?不過,既然兩方都願意,也還是可以的。)

佢想帶我返去公開, 同佢前妻講清楚 ! 但我阻止咗佢 !
最大嘅原因係, 我唔想因為我嘅原因而分薄佢同 2 個仔嘅相處時間 !
因為, 佢前妻會阻止佢見 2 個仔 ! 只有 sat n sun !

(龍師傅註:如果前妻阻止前夫和兩個兒子見面,那就是黑心的表現,我覺得男的前妻是有問題的)

雖然, 我未為人母親, 但我响單親家庭長大 …
我好明白呢一刻 2 個小朋友嘅開心同快樂係無嘢可以代替 !
更可況, 佢咁錫佢 2 個仔, 我唔可以咁自私要佢咁辛苦先可以見到佢哋 !

佢同我講, 呢幾日佢諗好多嘢 … 佢覺得好對我唔住, 委屈咗我 ! 


(龍師傅註:對呀,男的都會這麼想,大部份男人都是很有責任感的。)

但我真係唔介意 ! 反而, 我唔想佢因為擔心我而去諗咁多嘢 !
我只係想佢專心醫病 ! 
今日, 佢第 1 次去做針灸呀 ! 難得佢肯嘗試唔同嘅治療方法 ! 我好開心 !

師傅, 究竟我應該離開定係繼續留响佢身邊 ? 


(龍師傅註:如你問我,我一定不會贊成這段感情,但當然,女人都是感性的,只會自已憑感覺做事。)

其實, 我真係唔想離開佢 ! 

(龍師傅註:看,馬上大家會看到感性的答案。女人就是有這個共通點,明知不對,但自已感性驅使,就會做出不理性的決定,然後自已痛苦。

感性思維的人的共通點是,不同意理性的答案,然後用似乎合理的解釋去開脫自已,以下就是似乎合理的解釋…)

我想一直陪响佢身邊支持佢 ! 同佢渡過呢個難關 !
我怕我一離開, 佢又再次放棄自己 !
假如, 我選擇唔離開, 又唔想佢咁煩嘅 ! 唔知有無更好嘅辦法 ??

(龍師傅註:看到這個問題,我只會想到:我想吃飯,但我不想吃飯,我可以怎樣做?

根本網友已經被自已的感性思維完全控制,然後發覺現實根本不會做得到,然後不停的 loop,自已也不知道自已說甚麼…)

p.s. 腦癌係有得醫 … 只係機會比較低 ! 我相信有機會就等於有希望 ! 
我睇過有 d case … 有 d 病人當時都係話得幾個月, 但依家仍然生存 !

(龍師傅註:我覺得出發點如果是幫助一個朋友醫病,是可以的;但如果一開始就將自已放進麻煩之中,那自已就要有承受麻煩的能力。)

希望師傅能抽出寶貴嘅時間一回 ! thanks ~
祝安康 ~

龍師傅感想

謝謝網友的分享,這其實是一段有麻煩的戀愛。

如果相識之時,大家都沒有問題,然後交往一段時間才出事,我覺得當然沒有問題;但其實大家相識日子不算很久,而女的又那麼投入,這才是問題。

我反而覺得,男的會很痛苦。男的當然想有一個人陪伴自已,但在一個未知的將來下,我相信任何人,也不想連累別人;換轉是我,也可能不會答應。

不過感情雖然要用理性談,但有時候也會感性,這就是一個好例子。

(你是否在命運之中感到難以適應?其實未必是命不好,只是你不知道自己的整體人生藍圖和命運軌跡而已。我常說,如果連甚麼顏色,數字,方位旺自己也不知道,那人生又怎會有運?清楚了解自己一生,一定好過盲目亂撞。與其一生猜猜度度自己的命運,倒不如清楚了解自己的命運軌跡,及知道自己現時是否跟命運軌跡有所偏差。

龍師傅設有論命及堪察陽宅風水服務,紫微斗數一生論命為港幣一千八百元,陽宅風水以

關於作者

龍震天課程

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

四天戀愛溝通術


原價 HKD2,680,現時 免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>

想知道 { 桃花萬人迷 } 的共同秘密嗎?