今天到了旺角火車站新世紀中心，看到久違了的百人一朱：

當時是六時多，沒有太多人，於是就走了進去了。

百人一朱，我也不知道它開了多少年了。印象中在銅鑼灣世貿中心有一間，後來結了業；尖沙咁有一間，很久前去過，印象還不錯。

每間店門口都有個魚缸，這是他們的特色，這裏的日本老闆有找過人看風水嗎？

看看他們的餐牌，正是甚麼都有，壽司，烏冬，小吃……

我最欣賞的，就是他們有很多套餐。日本人稱為 "御膳"。他們很多吃的東西都有一個 "御" 字在前面。像晚飯，他們就叫 "晚御飯"。

我和龍嫂商量了很久，也決定不到吃甚麼，因為太多選擇了。最後我們翻到這一頁，視線就停下來了。

左上角的那個好像不錯，連旁邊的那桶飯，夾埋足足有七樣東西了。我則叫了壽司定食，也是包鑼萬有。

龍嫂的那一份 "御膳" 來了，單是賣相已經夠睇頭。

主食是蕎麥麵，是冷食來的：

我最喜歡吃溫泉蛋呀！口感很滑！蕎麥麵則是一般，我也對冷麵印像麻麻；因為自從上次從韓國吃了那些有冰在湯碗裏的冷麵後，冷到而家呢！

天婦羅不是滿分，和日本的有一大段距離，但勝在蝦很大隻，都算可以入口：

呢堆野我也不知道是甚麼名堂，有點似泉章居的梅菜扣肉，不過很好味，很滑，很 " 漏"；我吃了一口已經吃不下了，但仍值得一試：

日本豆腐，一般，沒有太大的豆味，又凍，睇黎我對凍既食物都無乜好感呢，除左魚生同沙律：

魚生，雖然份量唔多，但每一件都好好味，特別係尤魚，我無食過都知佢好味，點解我知呢？因為龍嫂趁我講電話時食埋呀，佢話太好味了。

我覺得佢數學都幾差的，睇下上面，每樣兩件，夾埋六件，咁即係每人每樣一件共食三件啦！點知佢食左四件，就係唔留件尤魚俾我，佢話太好味了！

 跟住有桶飯，係點既樣呢？佢包裝得都算幾特別喎！

一打開，原來係滑雞飯，好香呀！好滿足，因為好飽肚！

到我果份，一樣，有好多款式，每樣有Ｄ，咁樣最好，可以每樣都試下。

先黎水蛋，加隻蝦，好好味！

再來就係壽司，完全對板：

呢味係日本蕃薯，細細粒，再加埋上面既東西（我都唔知係乜），完美既組合！甜薯黎嫁！

鰻魚粒，味道一般，如果東京築地既鰻魚係十分，佢得三分。

主菜係牛肉烏冬，OK 啦，真係只值 OK，再多我都俾唔落。

飯後仲有兩片橙，我其實唔知食唔食得，因為係超酸！我食完係度諗其實係唔係裝飾，自己手多多又拎黎食：

以百多元一個晚餐來說，再加上環境，如果你行開新世紀又諗唔到食乜既話，都可以一試；我唔知係咪廚房唔同，出品有參差，我果次去尖沙咀食得超感動，食得超開心；不過果次四個人埋單要一千二百元，可能吃的東西不同吧！

順帶一提，這裏的招呼勁差，服務員個個都木口木面，好奈先黎沖下茶，其實要做到專業既服務態度係咪真係咁難呢？我都係度諗緊呢個問題；我覺得係有心做同埋無心做，分別真係好大的！

百人一株
地址：九龍旺角新世紀廣場 601 店
必食推介：魚生及壽司套餐
平均消費：一百三十元
分數：　　　（可以一去）

（分數指南：以六個太極最好，無太極最差。）

　無太極：一生不去
一個太極：被迫才去
兩個太極：免費才去
三個太極：可以一去
四個太極：一定要去
五個太極：特登都去
六個太極：一生必去

BONUS BLOG – 旺角恆生收逆水另一例子

早前有講過恆生收逆水既例子，咁橋去開旺角，又比我睇到一間，只係在山東街附近，呢間恆生在亞皆老街：

留意車路，車的方向，你會睇到佢係收逆水。

咁呢間恆生收逆水後果係乜呢？答案就係……

長期襟機都要排隊。

其實旺角亞皆老街都有好多風水可以看的，你細心留意，隔離個陳記補鞋，又係食正條水，做左幾十年都有得做。招牌向番東面，又係食水；雖然無擺出黎既招牌咁好，但都係放得正確。

所以，揀舖係幾咁重要既一件事情，睇過好多風水客，幫佢地揀舖，成日都話要平租，但我話，業主點會死錯人呀？點解會平租俾你？一定係有原因的。寧可貴Ｄ，都要位置好，當然亦要風水好！