改門的智慧 — 觀塘工業中心

早前和客人去看了觀塘工業中心, 結果租得成, 也替他們高興, 因為現時租金都起了很多, 而這個單位的租金甚為合理, 我也想租一個用來作課室之用!

地方實用, 甚麼都好, 唯一要考慮的是改門問題.

我以前也未試過叫客改門. 客人關小姐是醒目女, 在我第一次去看風水的時候, 關小姐已經問我: "師傅, 是否有甚麼問題呀? 我見你既面色都好似有 hesitation 喎!"

真係咁醒目? 係, 真係咁醒目. 因為除非必要, 我都不會叫客人改門.

除非是自己買的又不同, 但如果單位是租的話, 改門又要花費一筆, 而且在交回單位的時候又要回復原狀, 都幾麻煩!

不過後來因為單位甚為合心水, 所以也改一次門.

這次來到作詳細堪察, 反覆量度, 然後建議將門改過二十度.

不過做門的師傅不在場, 怎樣可以令他知道呢? 於是就用筆在地下劃線:

劃了之後就清楚了. 一改了門之後, 成個單位唔同哂, 雙星到向兼七星打劫.

整個單位面積甚大, 用來做貨倉加寫字樓一流!

但向窗的一面為病位, 所以建議用顏色紙封窗, 再加五帝錢以化煞:

窗外環境其實只是一般, 所以封窗也沒有甚麼損失:

街外看到為港鐵路軌. 不過一來不是對到正, 二來也相去甚遠, 所以影響不大.

室內方面, 原底有一張梳化, 不過應該不會要了.

冷氣位也盡量不要改動, 因為一改會好大工程的, 只要風口沒有人坐正就可以了.

另有一個小間隔, 但問題不大.

提醒了關小姐洗手間的鏡子要拆除. 因為對正門口, 只是一般, 所以建議掛在另一幅牆上:

想起有些住宅單位的洗手間甚小, 想改鏡也不能改, 那些也只好作罷了.

另一面用作寫字樓, 問題不大; 因為病位全部去了倉那邊, 所以有冷氣這邊做寫字樓完全沒有問題.

在現場堪察的時候, 看到有一風扇:

幾好睇喎! 問關小姐是否新買, 關小姐說: "是呀, 風生水起麻!" 真係醒目之中既醒目, 因為擇吉日吉時開風扇, 確有風生水起之意!

另有一小房間用來作陳列室, 非常合用!

呢間工廠大廈如果改左門確係租得過的!

講下講下, 覺得頸渴. 這時候關小姐道: "師傅, 講左咁奈係咪有D頸渴呢? 你拎咁大個袋有無水呀? 無水我買枝俾你呀!"

真係唔該哂!

過了一會, 關小姐回來, 見到佢拎住一杯凍奶茶, 真係細心!

希望佢同羅先生一本萬利, 賺到盤滿砵滿啦!

>