新田米埔村風水之二

今天繼續講回新界米埔村風水:

翠綠既草地就在大門前, 日日咁睇法, 真係命都長幾年!

新界好多時候都會睇到山, 水, 草地, 實在是心曠神怡!

這裏居住的多是村民, 我們就看到有一個老婆婆在散步, 她行行下, 就行了過來, 問我們是否新搬進來的.

 

她接著就和我們談了十五分鐘, 我覺得村民既民風好純樸, 亦會關心下新搬進來的租客, 其實人與人的關係應該是這樣的.

在市區就少有這樣的人, 撞口撞面都唔會打招呼, 對面住既鄰居姓乜都唔知, 鄰居真係要守望相助的!

在天台望出去, 景觀甚為開揚, 而且密度好低, 居住真是一流!

遠望草地, 亦有水池, 村民就是在這裏種菜了!

遠望出面還有樓要起, 也是低密度的三層住宅

這個時候, 我們就去到另一個門口:

真的是古色古香!

樓下是客廳, 甚為濶大, 不過氣有些問題, 所以也建議了客人在擺放傢俬時特別留意, 以便將煞氣推出屋外, 然後又將財氣引進屋內.

因為客人是做生意的, 所以財運對他們非常重要!

樓梯都幾別緻, 留意旁邊是有閘的, 意思即是晚上睡覺可以將樓梯閘拉埋!

露台外望一角, 成間屋真係好有懷舊既色彩!

天井的另一個出口, 由於是疏窿, 所以在風水上影響不大:

呢張檯, 我想在GOD 可以賣三千元!

另一個大門, 由於是另一個主要入口, 所以我建議客人要種植物, 也由於是雙 8 到門, 亦到向, 我建議在大門旁放一杯水, 內裏放八粒石頭, 但要放高一點; 因為客人養了大狗, 怕大狗倒翻了石頭, 就真的是 "倒米".

房間甚為闊落, 你們也可以留意, 如果房間安床, 不要在橫樑下面, 而床要貼著牆, 最好不要近大門.

(未完, 待續)

  • man fai表示:

    龍師傅,到我自己老了可能都歸園田若呢!
    [版主回覆06/14/2008 21:09:00]阿輝, 這裏鄉下氣息真的很重, 如老年在這裏住, 一定會開心, 我很喜歡那種與世無爭的感覺!

  • 米雪兒表示:

    其實人與人的關係應該是這樣的.  <<<< 正是這樣!
    [版主回覆06/14/2008 21:10:00]米雪兒, 對呀, 大家都要守望相助, 因為大家的長處都不同, 我識睇風水, 算命, 但木工, 電工, 裝修既野我就唔識了, 一定要搵另外既師傅; 另外, 我自己好粗心大意, 雖然成日都提自己, 但始終係性格問題, 所以我好鐘意細心, 觀察力強既人!

  • Dennis表示:

    住村屋好多問題都要住落先知..例如水浸..蛇虫鼠蟻..等等..不知這些對風水有沒有影響?
    [版主回覆06/14/2008 21:11:00]一定會有大影響! 風水睇坐向, 但都要配合其它環境因素來看的!

  • 乖乖女表示:

    好大啊!

  • sally表示:

    早晨龍師傅,如果房個"68"位係樑下又對正房門點好呢??
    [版主回覆06/16/2008 21:57:00]無問題,可以放八粒石頭加一杯水!

  • Rebecca表示:

    Dearest Dr. Lung,
    If living at too old house, is there any threat of selecing "haunted house"?
    If yes, how can they avoid that? If there is someone found to be dead at those old house….. will their spirit stay there..
    Reb

  • 巧兒表示:

    龍師傅, 小女子住在覆式村屋, 地下是業主兒子居住, 本人住在一, 二樓, 一樓是客廳及廚房, 二樓是睡房及廁所, 三樓是天台, 請問上下兩層的風水佈置是否可一樣? 我是以一樓大門為座向 (我是面向大門用指南針量度方向), 大門向西北, 我自己替屋子分了九格, 但露台是否計算在內去畫呢? 大約兩星期前我在東位放了一缸魚, 圓形魚缸, 內有黑色波子魚一條, 水草, 一毫子英女皇頭錢幣, 一粒黑石春, 但前天我發現牠生了十多條魚BB, 於是我買了兩個新魚缸放魚BB, 一缸給媽媽養, 一缸自己養 (長方形缸, 有濾水器, 燈, 氣泵, 水草), 媽媽養六條, 但現存有三條, 我養八條, 現在仍然生存的只剩三條, 請問是否養魚不吉之數, 我把魚缸放在大門對面斜角 (南位); 而二樓廁所在東位, 我放了一隻招財貓錢箱(形狀是貓貓捧著一個錢袋)及水種黃金葛(我插在一個矮身花樽內), 請問我這樣佈置是否正確? 因為本人正在失業 (是突然的, 因為美資公司大裁員), 希望能盡快找到工作或有一些偏財能解燃眉之急 (因我是家中經濟支柱); 而我是丙火命, 五行屬火, 生肖屬豬, 希望師父能好心有好報, 替小女子解答我的疑問, 小女子定當感激不盡!!!

  • >