今天要介紹的, 是一間灣仔食魚生串燒的好地方 — 魚鮮生:

呢度地方就麻麻地了, 但想食好野, 食完就走唔駛傾計, 都無乜所謂的. 因為佢地既串燒真係做得好好, 魚生亦好新鮮, 呢日我同龍嫂黎, 依然爆哂, 而且門口亦好多人買外賣, 質素甚有保證!

Order 係自己劃 order 紙的, 有提供二人餐及四人餐, 但都係自己叫好D:

室內環境嘈雜, 佢地無用地氈, 所以回音甚大, 傾計好大聲都聽唔到, 所以我同龍嫂都要求坐出面, 靜好多!

魚生飯, 完美, 我無野好講:

魚生最緊要係新鮮, 佢呢度新鮮到乜都唔駛點我已經覺得好味, 因為好鮮甜, 魚既甜味完全食得到!

我覺得呢個就係佢地多人黎既原因之一.

將魚生夾開, 足有一大碟, 我而家睇番都想食!

燒蠔, 我同龍嫂一人試左一種, 味香, 蠔亦新鮮:

兩種好唔同, 但黎呢度食你可以放心, 種種都係咁好味!

燒雞肝, 唔係幾健康, 但久不久食一次, 算啦, 真係燒得好好:

燒帶子同埋燒尤魚鬚都係必食之選, 呢度食三樣野, 魚生, 串燒同埋烏冬:

然後我地叫左燒牛肉烏冬, 甚為鮮味, 牛肉亦好有口感, 有牛味, 烏冬係手打既, 絕對值得一試!

睇個賣相就知幾得啦!

炸餃子, 好特別, 口感難以形容, 夠熱, 入面既肉質好鮮味, 而且亦甚有肉汁, 燒出黎唔會太乾, 點醋食, 一流!

門口有外賣, 如果你係趕時間既話, 可以叫外賣, 一樣咁正!

其實睇番灣仔呢條活道, 都有好多好野食的, 有網友 Ben 介紹過既泰妃雞:

仲有間叫財記, 有機會呢兩間我都會試下.

魚鮮生
地址: 香港灣仔活道1號A地下
電話: 25741238
必食推介: 魚生飯, 牛肉烏冬, 魷魚串燒
平均消費: 一百二十元

食物質素：　　　　
環境質素：　　　
服務質素：　　　
物值　　：　　　    　

總評　　：　　　　 （一定要去）

（分數指南：以六個太極最好，無太極最差。）

　無太極：一生不去
一個太極：被迫才去
兩個太極：免費才去
三個太極：可以一去
四個太極：一定要去
五個太極：特登都去
六個太極：一生必去

OPENRICE 連結: http://www.openrice.com/restaurant/sr2.htm?shopid=14759