龍嫂著：

零時一點半搭 JAL 出發去東京，開始五日四夜東京之旅，好開心啊，其實出發前都好擔心咁夜出發會好攰，但因為好興奮，都唔覺得好攰，我地仲早左去機場，呆等左兩粒幾鐘，好彩班機無　delay，估唔到 JAL D服務都唔錯，有私人電視仔，雖然機位有少少窄，但感覺上都是 OK 的。

搭 JAL 機包你唔會悶，因為有好多野睇，除左一定有的路線圖外，仲有好多戲睇，中，西，日文都有，而且仲有 GAME 玩，都算唔錯的了。

但因為太攰的關係，一上到機都要訓喇，訓到矇矇矓矓之際，空姐奉上我地今次旅程的第一餐，D粟米粥唔錯的，其實飛機餐都無乜要求了，味道也唔算太差就是了。

第一次去羽田機場，唔係好識路，但我之前已經做哂功課，所以都唔太難出番市區，而且我地都覺得羽田比成田近好多，方便好多，所以下次我都會揀番羽田機場落。

一出到機場,見到有個 Counter 可以寄運行履0既 counter, 好開心,因為解決左我地一路擔心的問題,因為去到羽田其實只係上晝　６　點幾，就算去到酒店都未可以 check in，所以打算去築地食壽司先，呢個服務0既出現完全解決左我地的煩惱，你只要比低酒店地址佢，１７００　ｙｅｎ　就可以送到你酒店，完全妥當，咁樣我地就可以好輕鬆咁行啦！！

係羽田一落機，ｃｈｅｃｋ　ｏｕｔ　完，因為國際線係無直車可以搭出市區的，電車同巴士都要去到 terminal 1 or 2　先有得坐，所以你要搭　shuttle bus 到　terminal 1 or 2,然後搭 Monorail　去到大門（即濱松町站）再轉搭ＪＲ。呢個係我個人認為是最好的，　因飛到去應該時間尚早，如果搭巴士的話可能要等一粒鐘先有頭班車，所以我地都係揀搭　Ｍｏｎｏｒａｉｌ.

到左滨松町就可以轉都營大江戶線去築地市場，我地好唔好彩，去到築地個日原來市埸休息呀，無得食，好失望呀，唯有轉　ｐｌａｎ　Ｂ　啦！

Ｐｌａｎ　Ｂ　就係轉去豊洲　Ｌａｌａｐｏｒｔ　喇，我地見到　ＪＲ 已經寫左市場無開，所以無出到站，直接轉去豊洲，搭番大江戶線去到月島站轉有樂町線去豊洲　Ｌａｌａｐｏｒｔ。

Ｌａｌａｐｏｒｔ　係一個好大的商場，適合一家大細玩的地方，一出豊洲車站，行三分鐘就見到，好易揾的！

一入到去見到一間好靚的店舖，原來係一間化妝品的自助店，出面一排排的是自己調配的香水啊。

去到一間夾公仔機的舖頭，平時龍師傅成日話呃人的，黎到都忍唔住要玩番兩手，哈哈！

你睇！呢　Ｄ　就係戰利品喇！啊啊！！

行左咁耐，梗係要揾野醫下肚先啦，好難想象一個咁靚的商場裡面，會有一個魚檔係到，一定要試下啦！

入到去都幾有魚市場風味的啊！

可能因為無乜點訓的關係，所以都無乜胃口，我地都只係叫左個魚生飯，好好味，但就唔係坐得太舒服，如果怕魚腥味的話，可能有少少唔慣，因為佢地Ｄ魚係新鮮即劏的，所以魚腥味是少不免的啊！

跟住仲見到一間舖頭賣舊玩具，好有風味的，大家都可以懷緬一下！

＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿

小貼士：

總結一下，羽田機場比較方便，因為近市區好多，一出站到付運中心放低行履，唔使咁麻煩，跟住搭　Ｍonorail 去滨松町，坐 Monorail 有一個好處，就係唔驚上錯車，因為全部都去滨松町的，去到滨松町先再睇下你想去邊，我的建議係去築地食壽司，因為之後唔使專登早起身去嘛。

除左搭　Monorail 之外，你都可以選擇坐京急線，但京急線有好多目的地，要睇清楚先好上車。