東京自遊行五日四夜 Day2 – Part 3 蟹道樂 -1

3 月 4, 2009

(龍嫂著)

係 Outlet 行到咁攰,番到黎新宿,梗係揾間好野食嘆下啦!原本已經 plan 左去食蟹的,但果日唔記得帶地址,坐係車度正在徬徨唔知點算好之際,當駕車經過一棟商業大廈,比我抬頭一望,見到七樓咁上下位置,有隻蟹係度,我知道我地今次一定有口福喇,因為呢隻蟹好出名,雖然我無帶地址,但我知其實佢係日本有好多分店,所以架車一路行,我已經一路抬頭向上望,日本要搵好野食同特色店的話,一定要識得抬高頭,因為日本真係好多樓上食肆同舖頭!

我係十年前黎東京的時候食過一次,之後都無機會食喇,龍師傅都聽我講左好多次,攪到佢今次話一定要黎見識見識喎!

一上樓,就見到呢隻紙紥蟹,好靚同好開心呀!

環境佈置清幽,最重要的是,座位夠寬敞, 你可以打橫訓都得呀。

比樣野大家估下,圖中枱邊有個壺,你估下用黎做乜呢? 

呢度仲有另一個好處,就係開到晚上 12:00,咁樣你可以行完哂百貨公司先黎食,唔使阻住你shopping 的時間。

一坐低唔止比本 MENU 你, 仲有會送两杯 Sake比過你, 粉紅色好靚呀,味道甜甜地,都幾好味的。

大家可唔可以幫我睇睇下面張相, 睇下佢寫乜,我同龍師傅研究左好耐都唔知佢寫乜, 究竟四點後有乜野係平左呢?

呢間蟹道樂好多的 details 都是用蟹來做的,好似筷子座同煙灰缸咁,都係用蟹的形狀做成的, 而且在門口也有得賣, 鐘意的話可以買回去做紀念.

唔識日文唔使驚,因為圖文並茂,你亦都可以 request 英文 Menu, 但時令餐就唔會有Menu 喇。我地研究完一輪之後, 終於決定食一個最平的套餐,因為相比之下,只是相差一款食品矣已, 我地叫呢個餐係將隻蟹做成唔同的款式, 等你可以用唔同的烹調方式食蟹。

上面果個應該係已定的 set dinner, 另外梗係要一個時令的套餐啦, 下圖就係時令的套餐, 九月尾前都有得食的. 如果下次去應該會唔同左的. 呢個餐是全隻蟹上的, 如果嫌上面個套餐唔夠過癮,呢個一定合你心意.

先黎一個頭盤, 名為"冰火蟹", 呢個名係我改的, 哈哈, 但有根有據啊, 因為是我睇 MENU 時看到的中文字, 大約咁上下意思啦, 有火炙的蟹肉和冰凍的刺身. 現在看回都好想再去食啊. 刺身非常鮮甜呢!

啊啊… 好開心啊, 隻蟹開哂邊, 輕輕一挑, 就可以食到咁甜美的蟹肉.

再來係一個蟹味極濃的麵豉湯, 雖然我對都豉湯的興趣從來都只係一般, 但呢個我都覺得極 ok。

大家估唔估到呢個係乜呢! 我初頭以為係飯.但其實……

一打開, 原來係用芝士做成的, 其實到而家我都唔係太清楚係乜, 應該係芝士焗蟹 . 但總之溝埋一齊就好好味啊.

如果好似我地咁叫兩個套餐的話, 有一個係會有呢個什菌飯的, 你見佢濕濕地, 其實'係埋到黎先煮的, 煮完有些似石頭飯, 會有少少飯焦, 加埋雜菌, 好有香味和口感.

如果嫌太齋的話, 加一些芝士焗蟹在上面一齊食, 簡直是人間美味啊!

待續…….

龍師傅評註

這篇 blog 其實是去年龍嫂和我去日本回來後已經寫下了,很來一直稿擠沒有出版,到今天無意之中看到,一定要發表呀!否則就浪費了龍嫂的心機了。

蟹道樂,是日本很正宗的一間蟹店,分店很多,去之前不妨找一下資料,一定要試,價錢是大約五百元一位,如有這樣的環境,這樣的食物,我只能說好抵!

那天和龍嫂坐了三個小時,談天說地,談 2009 年的發展方向,談談人生,細說往事,實在是很高興的一晚。男女感情,有甚麼會不開心呢?定期去旅行,在旅行期間總不會吵架吧?也一定會促進感情;如果旅行仍要吵架,那不如分手好了。

​關於作者

龍震天課程

龍震天,玄學家,作家,出版書籍三十本,題材包括男女感情心理學,語言技巧,潛意識,改思改運,解碼術,感情個案分析等。


龍震天設有一對一咨詢服務,網上課程,運程詳批,風水,結婚擇日服務,詳細服務範圍可以按以下連結了解:


http://lungcourse.com/service

四天戀愛溝通術


​原價 HKD2,680,現時 ​免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>