早陣子去了灣仔看 Eee PC 的時候, 順道去了大有商場的榮壽司試了一餐.

感覺上這個商場的食店生意似乎不太好, 因為上了樓, 生意一定會差一些. 以前在樓上有間酒樓的, 後來結了業, 變了翡翠拉麵; 後來又結了業, 所以感覺上這裏的食店不好做.

這間榮壽司是在大有商場 2/F 的. 不用等位, 我心已一涼, 座位超窄, 極不舒服, 真的是寸金呎土?

他們有一個電腦系統, 原意是用 touch screen 來點菜, 我則覺得是多餘, 浪費過十萬元買這個系統之餘也不實用, 因為座位不多, 根本就沒有人用, 而且也容易壞, 我們今天就看到它壞了.

餐具是自家的, 擺放整齊, 合格:

晚餐有特價, 黑色碟壽司原價廿五元, 晚餐如叫黑色碟既壽司送多一碟十蚊綠色既, 即係十五元一碟, 都好抵食:

Menu 也很精緻:

先來四碟壽司, 賣相可以:

三文魚腩好好味, 但要成十五元得果兩條油, 係咪需要你自己諗過了:

帶子壽司不錯, 帶子香滑, 很彈牙! 新鮮!

油甘魚壽司也很香甜!

魷魚壽司也很有特色:

粟米沙律壽司是我的至愛, 粟米有汁, 沙律夠凍又甜, 口感極佳!

有一個黑碟壽司都好抵食, 實價只係十五元, 有齊三款蝦, 一件熟蝦, 一件甜蝦, 一件玻璃蝦, 係 Citysuper 買都唔得啦!

最後有點意猶未盡, 叫了一個牛肉烏冬, 完全對板, 湯好好飲, 烏冬亦做得有紋有路, 真係值得一讚!

希望佢地做得住啦, 價錢每人八十元左右, 都算OK!

榮壽司
地址：灣仔大有商場 2/F
必食推介：蝦壽司, 牛肉烏冬
平均消費：八十元

食物質素：　　　　
環境質素：　　　
服務質素：　　　
物值　　：　　　　

總評　　：　　　 （可以一去）

（分數指南：以六個太極最好，無太極最差。）

　無太極：一生不去
一個太極：被迫才去
兩個太極：免費才去
三個太極：可以一去
四個太極：一定要去
五個太極：特登都去
六個太極：一生必去

OPENRICE 連結: http://www.openrice.com/restaurant/sr2.htm?shopid=18371