今天要介紹的，是位於我寫字樓附近的新竹源，再查地址，除了上環以外，灣仔也有分店，所以唔駛一定要搵我才可以光顧的。

先看餐牌，價錢幾經濟實惠喎：

三十零蚊仲有杯野飲，仲要唔駛加一，想點呀？

當下已經決定叫個扎肉湯河。

就憑佢呢一個晚市優惠既 gesture，我已經斷定呢間餐廳夜晚的生意極差，唔係唔駛整Ｄ咁平既優惠套餐啦！仲平過大家樂！

不過上環夜市又真係無得做既，Ｄ人收工之後，都會極速離開，同中環一樣，到夜晚係死城一個；只有我多數係夜晚人地放工之後，都要在寫字樓默默耕耘，多野做麻！

再睇下，佢都有二人套餐喎，不過貴成差唔多五倍，我諗都無人叫了：

再睇其它檯，果然無人叫！

佢有個秋冬精選，真係應景：

我決定叫個沙爹牛肉鍋片，六十八蚊如果好食就真係幾抵食！

先來牛河，完全對板，湯底好好味，好鮮甜，扎肉又多，六大塊，一定要試！

然後到主菜，牛肉；龍嫂話會唔會好細碟，我同佢講咪眼闊肚窄啦！

佢都做得好別緻的，仲有個爐俾你玩，玩埋打邊爐，牛肉切得好薄，一碌就食得，沙爹汁又做得好好味，正呀！

仲有叫個牛油雞翼，做得麻麻地，龍嫂則話好味；可能我不嬲都唔太鐘意食炸野卦？

飲品來了，咖啡，我覺得 ok，因為佢用咖啡機沖的，而且同我寫字樓其中一部全自動咖啡機一樣，Seaco Royal Cappuccino，咁好難沖得唔好的，但奶就唔掂了，佢無用愛護牌忌廉：

最後仲叫個椰青，好清甜，龍嫂都話好，不過嫌佢細左D；到埋單既時候，佢又話：廿四蚊咁貴既？

我心諗，咁你又話好味？

我都會再幫襯；順帶一提，佢數八達通，兼無加一，咁又慳番十幾蚊啦！好實際！

新竹園越南餐廳
地址：上環德輔道中 262 號一州大廈，金鐘太古廣場三期
必食推介：生牛河，椰青
平均消費：每人八十元
分數：＊　＊　＊

（分數指南：以六粒星最好，無星最差。）

無星：一生不去
一粒星：被迫才去
兩粒星：免費才去
三粒星：可以一去
四粒星：一定要去
五粒星：特登都去
六粒星：一生必去