23 7 月, 2008

上回講到,這次下塌泰國之旅既 Pullman 酒店係五星級,而且好好住;揀選 Pullman 既原因之一係好多香港人都話呢度早餐正,有幾正?今日就帶大家去睇下。

先講環境,坐得舒適,而食的東西好適合香港人,口味對之餘亦好美味,招呼好到加零一:

大家睇下以下呢個組合,真係好開心,食得到咁質素既食物,我覺得同上環既 Presto 有得揮!

其實我去過多間海外酒店,要睇佢既食物係咪五星級其實好簡單,睇佢有無夾餅,西多士,Pancake 就已經知道,好多唔合格既酒店都無,呢間有,咁我已經放心好多,而且好好味道!

有人話,去到當地梗係食佢地既特色野,我同意,但係早餐如酒店好食一定要在酒店食,點解呢?

因為我試過去馬來西亞,晨早諗住飲杯咖啡,黎件多士,我都好滿足了,點知俾人拉左去食肉骨茶,包埋白飯。

大佬呀,晨早點食咁多野呀?

又試過在韓國,晨早食粥,泡菜,我話你知,我果日真係好想死,我只想飲咖啡!

去到星加坡,晨早又話一大碗喇沙,好棘,食完即刻胃痛呢!

泰國我去過分別唔同地方既 JW Marriot,都係咁樣,早餐有夾餅食,真係成個早餐都醒神!

個個都埋黎夾,不過唔駛驚,佢不停 refill,所以都一定有!

呢度成日爆滿,坐滿哂我諗坐到三百人,起碼翻四張檯。以兩個人一間房黎計,入住率超高,同埋好多人都會落黎食早餐,佢地既早餐絕對唔會可有可無果隻;所以前一晚無論玩到幾夜都好,第二日都要在十點前落黎食呀!

我地都好夜訓,因為我除左到泰國玩之外,亦對自己有一個堅持,就係回到酒店覆哂所有電郵,所有 blog 先訓,絕對唔想因為外遊而突然無左幾日 blog,又唔回覆,呢方面我都好堅持下。

夾餅加牛油,perfect!

另外 Pancake 都係加牛油,我覺得真係早餐天下美味!

果汁任飲:

呢間酒店既自助餐,我只能用 "好食","款式多" 黎形容!

如唔鐘意食夾餅,玩下沙律又如何?仲有長條麵包!

不過因為太多野食及太好味,所以我都食唔哂所有野!

另外有牛角飽,點心如燒賣,叉燒飽都有嫁!

麵包方面,佢真係一間專業既酒店,有好多不同既麵包。例如法國麵包:

細細個既麵包仔都有:

再黎就係粟米片,可以加鮮奶,真係食唔哂,所以只有睇:

熱食方面,西多士,薯仔,菜都有:

煎蛋都有分太陽蛋,烚蛋同埋炒蛋,梗有一款合你心意:

中國點心都有,止乎於你既想像。食唔食得哂係一件事,但係有好多俾你揀,你唔揀又係完全另一件事:

咖啡方面,真係忍唔住又要影一影。其實泰國好多地方都用呢部 Royal Cuppacinno,佢真係有佢既生存之道,簡單易用水準高!

咖啡豆就好一般,但經過呢部機既處理,尚算可以,總好過飲蒸溜咖啡,飲死人嫁!

沖出黎既 Espresso 係可以既,我都飲左兩杯頂住先:

最後生果當然唔少得,黎一個大雜會,生果好新鮮,在泰國既生果係好好味既!

未完,待續(Day 2 Part 1 完)

關於作者

龍震天課程

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

四天戀愛溝通術


原價 HKD2,680,現時 免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>

想知道 { 桃花萬人迷 } 的共同秘密嗎?