食完早餐，去佢地既後花園行下，就在餐廳後面，今日都好有陽光下，等陣出去一定會熱同埋出哂汗；但要玩，無辦法啦！

其實 Pullman 酒店入面都有 SPA 的，但太貴，圍起上黎兩千蚊位，都唔太抵，出去做好過：

我地 Day 2 Plan 左既行程係下畫做 SPA，在做 SPA 前去一間餐廳食海南雞飯，然後晚上去夜市。

講番間酒店，佢另有特色既係呢個游泳池，透明嫁，而且伸出去，真係幾驚跌落黎：

有個人俾你做比對會清楚好多，睇下：

不過佢起得，都係百分百安全啦！

泳池面積都好大嫁：

由酒店出去，最方便當然搭的士，但其實如果你識路數，最好搭 Skytrain，一來平Ｄ，二來體驗下當地既風土人情，三來唔駛俾司機屈水。泰國司機屈水舉世知名，我呢次都見識唔少，搭過十次的士左右，有八次都俾人屈，價錢由 10 銖到 150 銖不等，視乎你當日運程。

其實搭 Skytrain 都好簡單下，站既指示亦好清楚，只要你去之前計劃一下就可以了。

酒店有督督出去 Skytrain 站，好快，唔駛五分鐘就到，行出去都只係十五分鐘左右：

Skytrain 好密下，平均五分鐘有一班，而且唔係太多人，九成時間都有位坐，好舒服，好涼：

買飛好容易，在站頭睇下自己想去邊個站，睇下左面個地圖，就知係邊個 Zone，然後按 Zone，睇下幾多錢，入錢，就係咁簡單。

佢另有日票係收 120 銖，不過我地都無諗住搭咁多，所以無買，因為一程都係 20 銖至 35 銖而已，日票起碼要搭四程先至打和。

你話我地幾咁忙呢，果頭食完早餐，已經即刻搭車去食海南雞，其實都仲好飽下。

先搭 Skytrain，落車，好猛太陽下：

睇本書講落車後行十五分鐘，兼且指示唔清楚，好在拉尾都去得到，但已經行左一個鐘頭，同充軍無分別，我行到睇到海市蜃樓，龍嫂則行下停下，烈日當空，唔係講笑。

我覺得果本書個作者根本無去過，隨便講下，而且地圖又唔清楚，我地最驚係行左一個鐘頭都無呢間海南雞，咁就死了！

路邊咖啡檔，但係即沖兼難飲，我地呢次去到一杯都無試過！

泰國唔只外國人多，日本人都有，我地都見到好多日本餐廳：

呢個 VaSu，睇外表唔知係乜，原來係住宅黎嫁，我諗在泰國應該都算係高尚住宅區了！

睇下條路，乜都無得遮頭，只靠果幾棵樹仔，都已經曬死咁滯；我諗果日都有三十五度以上：

途經仲睇到有間 Zen，不過都無去了，因為趕時間做 SPA，要在一點九前去番車站：

嘩，有Ｄ咁既 buffet？九十九銖，唔係卦？不過無時間了，正餐既海南雞飯仲未搵到，下次先至再睇了！

行左真係大半個鐘頭，終於都搵到了，文堂吉海南雞飯：

記住，一場黎到，搵得咁辛苦，唔好去錯，右邊間舖係無關既，如果行到黎呢度，入錯左右邊果間就真真大 walt 了！

唔知好唔好食呢？

拿起餐牌，手也在抖震中，因為真係太熱了！

未完，待續（Day 2 Part 2 完）