一直都為泰國之旅寫 Blog 而頭痛，因為相太多，整理都有排；而且都唔知點寫，值得記既野實在太多啦！

好在龍嫂開左個頭，佢都係三分鐘熱度既人，寫左兩篇就唔寫，咁我繼續啦！

如在 Siam Central World 行到肚餓，你隨時在裏面可以吃到不同的菜式，日本菜，上海菜，泰國菜，Hamburger, Pizza, 正正係乜都有，今日係第一日，下午茶時間，又唔想食得太飽，於是就去了這間平祿壽司。

選這間因為佢係迴轉式，食幾多叫幾多，唔駛食得太飽，因為夜晚還有一餐更重要的晚餐，一定要留肚！

這間消費物值一般，招呼可以，我鐘意佢有冰綠茶，好解渴！

我地有叫帶子壽司，口感都可以：

海膽，一般貨色：

呢餐兩個人食左百零蚊港紙度，坐得舒服，無乜人，如你下次黎開 Central World 你可以考慮，好食就唔會了，志在回回氣，坐低 plan 下跟住既行程。

食飽飯，分開行，我去左頂樓，因為有個當地既 Canon 相展：

呢個相展係展出好多泰國記者影過既珍貴相，有好多都好觸動人心，好似呢幅：

圖中係咪大腥腥呢？應該係！

又見到 Zen。其實你在 Central World 呢個商場，層層都會見到呢個 logo，仲要層層唔同顏色，我覺得佢地真係好有設計品味！

龍嫂去左邊？佢去左買袋。買乜袋？LV？Gucci？梗唔會啦，在香港買會平Ｄ，佢係去左買蝴蝶袋。

蝴蝶袋係乜？如果你咁問，你真係好 out，快Ｄ問人啦！

蝴蝶袋原名係叫 NaRaYa，係泰國一個新冒起既品牌，其特色係個袋面頭有個蝴蝶結既，而且價錢極為平宜，一個袋平均都係五，六十蚊，平日去街用真係好好用！

佢地而家係泰國的是主店，台灣，日本都有分店啊，香港旅行團去到泰國一定會去 NaRaYa，直頭係指定地方之一，因為夠平夠靚夠實用！

要留意，如買蝴蝶袋，就要去 Central World，而在 Central World 入面，蝴蝶袋有兩間，一間在地下，好大，款又多，但好多人；如果要少人Ｄ，可以去另一間在，是在 6/F的。

(龍嫂: 今日影左張蝴蝶袋的相，post 上黎比大家睇下，我係買左好多，用黎做手信都幾好！呢個我自己都好鐘意，用黎返工啱哂！）

認住以下呢幅相，Asian Senses：

你一行入去，唔駛幾步路。你就會見到 NaRaYa 了：

買完蝴蝶袋之後，你可以到隔離既 The Orientist Spa 按腳或按摩：

呢間好專業，龍師傅誠意推介，地方好，坐得舒服，按腳手勢好得，行一日真係行到腳軟，唔係講笑；俾佢按一按，即時所有疲倦消哂！

價錢方面，一個鐘頭一個人 500 銖。貼士隨意，我地每個人俾 100 銖佢，已經好開心了。

未完，待續（Day 1 Part 3 完）