19 7 月, 2008

泰國最出名係魚翅燕窩,有平有貴,如果想食得下又唔太貴既,就一定要去唐人街。

上回提要:去到 Siam Central World 行左一個下午,龍嫂買完蝴蝶袋之後,已到晚飯時間,於是就去泰國既唐人街食魚翅。

我地由於無乜經驗,在 Central World 門口街外截的士,收費 200 銖,好貴,比人屈水。

其實事後諗番,在泰國截的士如可以的話,一定要在 Taxi Stand,有職員果隻,咁會有保障好多;我地貪方便,在 Central World 是有 Taxi Stand 的,下次一定要在 Taxi Stand 截的士。

泰國既唐人街叫做 "又哇啦",你上的士講又哇啦,佢就知道了。Central World 過去唔遠,十分鐘就到了。

一落車,你會睇到有兩間比較出名,香港人較熟悉既酒樓,一間叫南星,一間叫海外天,我勸你唔好去南星,又貴,又唔好食,招呼又唔好,我地第三日去左,我寫到第三日會再提一下。

番番去第一日,我地去左海外天,誠意推介,價錢公道!

呢度既魚翅有分三種,分別為 300 銖,500 銖同埋 800 銖,我地兩個人,叫左 300 銖果隻,都好夠食了,300 銖,只係圍起港紙七十五蚊,真係超級抵!

再加其它小菜,炒碟飯麵,已經飽飽!

先來芽菜:

再來就是魚翅,成煲都幾大下:

翅唔算太散,亦好多:

龍嫂食到猛咁點頭,佢既味道一流,每人可以分得兩碗度!

成梳翅俾你睇到,無花無假!

然後到炒菜,呢碟一定要叫,因為水準好高,就係腐乳椒絲通菜:

好棘,不過味濃,真正刺激味覺,食完好開心!

睇番個地方,唔錯,坐得舒服,最緊要有冷氣,好過街邊檔,但係會貴少少!

泰國有D咁既水杯!

蠔烙,另一樣我最鐘意食既小菜:

D蠔大大隻,好肥美,而且味道一流,咬落去有口感,好抵食,咁大碟都係百五銖咁大把咋!

福建炒麵,真係食唔哂,賣相好得,你睇下D蝦幾大隻!

近鏡再望真D,蝦腸幫你挑起哂,功夫好幼細,香港都未必做得到,又係四十零蚊港紙一碟。

最後見到隔離食燒賣,又想食,但一碟有十粒,點食得哂,於是問佢來兩粒得唔得,服務員又話得,仲要滿面笑容,招呼好到加零一!

兩粒平到幾多錢都唔記得了。

去到唐人街,你會好易認到,因為個區係舊D,同埋有好多街邊大排檔:

未完,待續(Day 1 Part 4 完)

​關於作者

龍震天課程

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

分享
Facebook LikeFacebookWhatsAppLineEmailSumoMe

四天戀愛溝通術


​原價 HKD2,680,現時 ​免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>

想知道 { 桃花萬人迷 } 的共同秘密嗎?