泰國最出名係魚翅燕窩，有平有貴，如果想食得下又唔太貴既，就一定要去唐人街。

上回提要：去到 Siam Central World 行左一個下午，龍嫂買完蝴蝶袋之後，已到晚飯時間，於是就去泰國既唐人街食魚翅。

我地由於無乜經驗，在 Central World 門口街外截的士，收費 200 銖，好貴，比人屈水。

其實事後諗番，在泰國截的士如可以的話，一定要在 Taxi Stand，有職員果隻，咁會有保障好多；我地貪方便，在 Central World 是有 Taxi Stand 的，下次一定要在 Taxi Stand 截的士。

泰國既唐人街叫做 "又哇啦"，你上的士講又哇啦，佢就知道了。Central World 過去唔遠，十分鐘就到了。

一落車，你會睇到有兩間比較出名，香港人較熟悉既酒樓，一間叫南星，一間叫海外天，我勸你唔好去南星，又貴，又唔好食，招呼又唔好，我地第三日去左，我寫到第三日會再提一下。

番番去第一日，我地去左海外天，誠意推介，價錢公道！

呢度既魚翅有分三種，分別為 300 銖，500 銖同埋 800 銖，我地兩個人，叫左 300 銖果隻，都好夠食了，300 銖，只係圍起港紙七十五蚊，真係超級抵！

再加其它小菜，炒碟飯麵，已經飽飽！

先來芽菜：

再來就是魚翅，成煲都幾大下：

翅唔算太散，亦好多：

龍嫂食到猛咁點頭，佢既味道一流，每人可以分得兩碗度！

成梳翅俾你睇到，無花無假！

然後到炒菜，呢碟一定要叫，因為水準好高，就係腐乳椒絲通菜：

好棘，不過味濃，真正刺激味覺，食完好開心！

睇番個地方，唔錯，坐得舒服，最緊要有冷氣，好過街邊檔，但係會貴少少！

泰國有Ｄ咁既水杯！

蠔烙，另一樣我最鐘意食既小菜：

Ｄ蠔大大隻，好肥美，而且味道一流，咬落去有口感，好抵食，咁大碟都係百五銖咁大把咋！

福建炒麵，真係食唔哂，賣相好得，你睇下Ｄ蝦幾大隻！

近鏡再望真Ｄ，蝦腸幫你挑起哂，功夫好幼細，香港都未必做得到，又係四十零蚊港紙一碟。

最後見到隔離食燒賣，又想食，但一碟有十粒，點食得哂，於是問佢來兩粒得唔得，服務員又話得，仲要滿面笑容，招呼好到加零一！

兩粒平到幾多錢都唔記得了。

去到唐人街，你會好易認到，因為個區係舊Ｄ，同埋有好多街邊大排檔：

未完，待續（Day 1 Part 4 完）