（上回提要：中午在 MK 吃過飯後，就回酒店洗澡。洗過澡後，又馬上要出動。）

Day 3 下午的行程是，去 MBK。

MBK 是一個大到無譜既商場，一個正常人，係基本上無可能行得哂，一望無際。

而去呢個 MBK 商場亦係好方便，因為佢正正位於 Siam 站口，一出對面已經到：

佢係一個中價至平價既商場，類似家樂咁，不過就係大一百倍既家樂，同埋似一個有冷氣既女人街。

入到去，包羅萬有，食既，用既，乜都有，當然人亦好多：

佢有分六至八層，我地用左兩個半鐘頭去行，由四點行到六點半（因為又要趕著晚飯），都係行左五分一都無，只能夠走馬看花。

其實我同龍嫂真係食左好多餐，真係不停食，不停影，龍師傅！

呢度既舖頭情況係點，俾幾張相你地參巧下，你大概會知道呢間商場係點樣。

例如呢間，小船，食日本野既：

有相機，價錢亦唔係特別平，香港全部都可以買得到：

任天堂：

賣鞋既都有，我諗女士們會鐘意多Ｄ，呢個商場都有好多女仔在買化粧品：

手錶，好熱鬧呀！

呢檔要留意，在三樓，因為係買手信既，牛肉乾，豬肉乾，糖果，乜都有：

Shabu Shi，係食迴轉火窩，我地第四日臨走前去左，食到好感動，在第四日既遊記會介紹；不過要等一個鐘頭左右，最好拎定飛，行一個鐘頭先去，剛剛好。

有一層專賣電話：

點心都有，不過我就唔敢試了：

我地呢次黎 MBK 係有目標既，就係食一間加央多士，聽講係好正，正到一定要去果隻。

我同龍嫂搵完又搵，搵完又搵，搵到龍師傅已經頭頂冒汗，血糖偏低，龍嫂到後來有Ｄ屈服，佢話不如算啦；但我不嬲都係咁既性格，搵唔到，再搵，再搵唔到，再搵，一定要搵到為止！

真係有記憶術都唔掂，去完一個地方，行左十分鐘，又去番同一個地方，因為間間差唔多，即使知道係幾樓，都係搵唔到。

後來離遠見到，好咯，有得食了!

勁多人，又要等，但已經黎到，一定要食到，所以我地就等，等左十分鐘左右，就入去了。

認住呢個牌，包你唔會走雞：

佢地有兩樣野係好出名既，就係奶茶同加央多士，全個泰國無人不識，香港人，如果稍為熟悉泰國，都會知道，其出名程度似香港既生記牛腩。

唔好以為佢好貴，一份多士十蚊度，一杯奶茶又係十蚊度，總之你食左都唔會覺得個荷包輕左啦！

我地黎到，當然係叫呢兩樣，就係加央多士同奶茶。佢另外仲有賣麵包既，我好後悔點解當日無買麵包外賣呢！

先來加央多士，唔駛講，無野講，一百零一分！

我一路吃，一路在想，現時香港人開茶餐廳都行紅海，即係大廝殺，落價，人做乜，佢地做乜，人地做一杯咖啡，佢地做一杯似咖啡既咖啡；人地做三文魚壽司，佢地做三文魚壽司，不過做出黎係唔食得既。鬥平，人地十蚊，佢地五蚊，我在上環剛見到間新舖，打正牌頭做車仔麵，但又做日菜，韓菜拉麵，又係茶餐廳，多士三文治又有得食，乜都有。仲要十蚊一個早餐，真係賺乜？

反觀呢間，加央多士，麵包，奶茶，係咁多，駛乜做得咁複雜，三樣野已經殺哂，呢Ｄ就係藍海策略，做人地無得學，無得做既；我自己都係咁樣。

睇下個面，我而家睇到真係想喊，香港肯定食唔到，維記都好好食，但都爭佢一條街：

呢個加央多士係南洋傳過黎既，上面有Ｄ椰醬，真係食到你停唔到口；下次去泰國，信我，去 MBK，一定要搵得到呢間 MONT 為止，唔係唔好行番出去。

奶茶，冰凍，甜到入心，好香，好滑，真係一杯好好既凍奶茶；如有一個缺水既人，三日在沙漠得救，你俾呢杯奶茶佢飲，佢會當你係一世恩人，一世做你奴隸都得！

佢地在 1964 年開，到現在已經有四十四年，唔算好大。

總之人多到嚇死你，好食麻，好野自然有人來！留意個鐘下面寫住 "Fresh Everyday"，日日新鮮，真係，果然！

吃完之後，又落番商場行，感概萬千。有時人既追求未必係好貴既東西，亦未必係好複雜既東西；只要過到人，過到自己，好有感覺既，就係好東西！

龍師傅袋錢落你袋

1. 去 MBK 睇你有無目的，最好買旅遊書自己睇下，想去邊度一早 mark 低，因為去到好大，一片混亂，唔 mark 低你都好難搵到。
2. 呢間 MONT 更加要寫低，唔係咁易搵，因為舖細。
3. 泰國人喜歡講價，如你買衫，鞋，化粧品等，不妨同佢講下；至於講到幾多則要靠你自己本事。
4. MBK  雖大，但都只係值得行不超過三個小時，所以唔好花太多時間，會好唔值。