11 8 月, 2008

第三日行程,一早當然係食早餐,食完早餐,就先去第一個景點 — Chatuchak 了。

Chak Tu Chak 是一個市集,特色係星期六才會開門;你閒日去都可以,但有八成既店舖係關門,似黃金海岸既蒙瑪特廣場。

所以我同龍嫂都夾哂行程,在星期六的早上去,包佢最熱鬧!

再 show 一 show 我地下塌既酒店,Pullman,真係好得,要幫佢地賣下廣告:

但第三天早上,氣溫高達攝氏三十四度,真係未出發先興奮,係興奮到出哂汗。

你睇下萬里無雲既情況,我諗起沙漠:

再提一次,呢度酒店係有 Tuk Tuk 去 Skytrain 站,車程只係五分鐘,超級方便:

搭 Skytrain 去 Mo Chit,話咁快就到了。

一出,就搵 Chatuchak Market 個牌,好容易搵到:

其實自由行真係幾好,又唔限時間,而做足功課好多景點都唔難搵。

出去,要行一小段路,不過唔駛驚搵唔到,全部人都只係向住同一個方向行,好似走難咁,緩步,沉默而方向堅定(因為熱到講唔到野)。

入到去,記得先拎張地圖,佢地有職員免費派發,我同龍嫂一人拎左一份。

你如果有地方係心目中一早想去,一定要寫低,佢呢度係分區既,有分為幾十區,地方好大,好大,同埋係一定無冷氣,同你去行有路邊檔既絲綢之路差唔多:

好似上圖,呢度就係十八區,餘此類推。

我同龍嫂都算硬淨了,在這裏行了個半小時!

有賣鐵公仔:

其實我都好替呢位仁兄辛苦,係一大堆吸熱既鐵公仔下,無冷氣,坐係度,一日,真係同炮烙刑差唔多。

呢度亦有賣可樂精品:

最緊要呢樣,椰皇:

5 銖,唔係卦?即係港紙個零?梗係第一時間一人買番個解下暑啦!

留意個椰皇,佢地係可以開到個殼完全脫離左,得番層肉包住冰凍既椰皇汁,好神奇!

龍嫂果個好甜,我果個好酸,變壞左,於是我換過個。泰國人真係好有禮貌,猛講 sorry,然後換過個俾我,一飲之下,得左。

我地走果陣,我無意之中回頭望下個小販。一望之下,馬上急步走人。佢做左乜呢?

佢飲管都無換,拿住我俾佢既變壞椰青,就咁飲落去,仲要若無其事;我諗佢應該係想著唔好浪費。

好恐佈呀!

看到有泰國人在街頭賣魔術,我也被他吸引了,看了兩分鐘;因為太熱,又要走了。

Chatuchak 唔止有精品,仲有雜貨,真係乜都有:

但應同旺角女人街一樣,外面三十四度,裏面都有四十二度了,真係頂唔順!

傢俬都有,如你有心機,可以在這裏買完寄回香港;因為 Chatuchak 係有幾間貨運公司收貨的。

另有一區,專賣畫。我覺得泰國都幾多畫賣。

手袋也有,真是各有特色,不過真係太熱:

去完,必定要回酒店,因為大出汗,一定要洗澡同埋換衫!

回程時,一樣照坐 Skytrain,落車行番個酒店附近既商場,值得一提的是 Boots,同香港既屈臣氏差唔多,好多地方都有,買護理產品平香港一倍以上:

Tops Super,同香港既百佳差唔多,好多地方都有,我去唐人街就見過一間了:

又見肚餓,於是就在這間商場找東西吃。我們去了大連鎖店 MK (唔係旺角)食午餐。

質素如何?下回分解。

(Day 3 Part 1 完。待續)

關於作者

龍震天

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

分享
Facebook LikeFacebookWhatsAppLineEmailSumoMe

四天戀愛溝通術


原價 HKD2,680,現時 免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>