（上回提要：去到 Chatuchak 行過絲路之後，已得番半條人命，即使有一堆冰在手，倒哂入去我心口都無感覺。所以一定要回酒店沖涼同 cool down。）

於是我們就照原路，坐回 Skytrain 到 Victory 站落車；在想著轉免費督督回酒店時，落車後覺得肚餓，原來又到午餐既時間了，於是就找了商場內的 MK 餐廳吃飯。

這間 MK，當然同香港既旺角無關。我揀選他的原因是我在泰國見過多間，估計係一間連鎖店，我覺得佢地賣既野好中式，所以就要試一下：

來了點心，一點也不賴：

鴨腳扎，做得似模似樣，我覺得好好味。未至於國色天香，但也是中上級數了！

海鮮粉絲湯，也是味道甚佳之作：

料足，有蝦（泰國其實成日都食蝦），魚，菜，尤魚，粉絲。湯味可以，不太濃，但也味道好，蝦也很大隻，兩個人叫一碗也已經夠了。

黎個蝦丸（又係蝦？係，泰國真係好多蝦），做得好好，彈牙，鮮味！

其實呢間食店吸引我去既原因係，我同龍嫂在門口見到佢地有燒鵝飯；心諗，泰國都有燒鵝飯？

於是叫左一碟，我可以俾得到七十分，同香港既中上級燒味店拍得住！

跟住黎個墨魚丸，又係完全對板！

係泰國我都試過多次，佢地會俾Ｄ免費既冰茶俾我地飲，係攝氏三十四度既高溫下，真係完全解決到件事！

免費得黎，一定都唔輸蝕，夠凍，夠清，穿喉！

呢間 MK 仲有另外一個特色，就係佢地有得打邊爐：

不過我地黎既時候係下畫，所以無打了。

呢間連鎖店，如果你下次去泰國，又諗唔到係邊度食既話，呢度絕對可以值得一去，不過可能要等位，因為我地果次去都要等成十五分鐘，而消費方面，每個人都係五，六十元港紙左右，唔貴，可以放心叫，價錢非常經濟，招呼也很好，每個人都很有禮貌！