19 8 月, 2008

(估計閱讀時間:  分鐘)

(上回提要:去完南星食完魚翅後,就要去找甜品吃,就在門口,給我看到一間非常抵食既燕窩!)

吃完個非常唔抵既南星魚翅之後,雖未至於一肚子氣,但也覺得浪費了我和龍嫂的一個 quota。到甜品時間了,於是就在門口附近,看看有沒有一些好吃的甜品,給我看到這一間:

價錢極 OK,一碗燕窩加蛋只是一百銖,即係二十五元港紙,太便宜了!當下見到老闆娘甚好笑容,問道:"試下啦,好好食嫁!" 就和龍嫂坐下。

我們叫了一碗燕窩加蛋,一碗燕窩白果,試下先!

一吃之下,對板!燕窩其實無乜味,都係吃個口感而已,糖水較得非常之好,和燕窩一起,潤哂!個蛋亦有神來之筆!

100 銖實在太抵了!至於龍嫂既燕窩白果又如何呢?

也是非常好味,白果唔苦,好甜,一啖燕窩,一啖白果,簡直是天下美味;尤其在食完咸野再食甜野,那種暢快的口感實在是難以形容!所以去親食飯,食完之後都要食糖水生果就係咁解!

吃完大家都有很失落的感覺,大家都同意,一碗實在係唔夠,呢次我同龍嫂都有共識,馬上再來兩碗!

睇下老闆娘點整先:

其實器材好簡單,只係將燕窩放進碗中,再加糖水,咁就攪掂,要加白果,就加白果,要加蛋,就加蛋!

唔知點解,見到呢D大排檔器具就覺得好地道:

燕窩唔係一早就在糖水裏面的,據老闆娘所講,燕窩長時間浸在糖水中會溶,所以係在最後一刻先至放進碗糖水之中:

再加兩碗燕窩加蛋,你睇下,燕窩足有四分一碗,真係抵食到暈!我諗香港無一百蚊都唔駛落樓:

唔好諗住平唔一定係好,呢次真係又平又好,燕窩大大啖,食到我咀郁郁!

睇番加白果要成 300 銖,其實真係手工錢,睇佢地剝白果真係剝到手皮都脫落呀陰公,所以收咁貴係有原因既:

記住,食燕窩,魚翅,你在唐人街都可以在大排檔食,價錢會平,但無冷氣,我覺得食燕窩只係十分鐘時間,無冷氣在街邊食會平一倍,絕對值得,而且質素一D都唔差,我誠意推介呢間,就在南星門口的燕窩舖!

關於作者

龍震天

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

分享
Facebook LikeFacebookWhatsAppLineEmailSumoMe

四天戀愛溝通術


原價 HKD2,680,現時 免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>

想知道 { 桃花萬人迷 } 的共同秘密嗎?