(上文提要：在 Day 3 晚間吃過魚翅後，馬上在唐人街大排檔吃了一碗又好味又難忘的白果燕窩。）

很快到了 Day 4，大清早 check out 之後，寄存行李，就馬上趕去 Central World，因為還有一件太重要的事情未做了，就是：吃 Shabushi，迴轉火窩！

我們冒著搭不到飛機的危險，也要趕來這裏吃迴轉火窩，真的很 Shabushi，實飽死！因為這裏的迴轉火窩太好味，太平宜了！

要食迴轉火窩，一定要有時間；因為排隊最少要一個鐘頭或以上，我們就這樣乾等了一個半小時，十二點來排，進去時已經是一點半了。

入到去，難掩興奮之情，而每個人的表情也是一樣，聚精會神地吃，為甚麼呢？

很簡單，這裏每個人限時一小時十五分鐘，食物也好好味，所以每個人都全神貫注地吃，務求在最短時間之內吃飽。

其實七十五分鐘是絕對足夠的。可能有人會問，吃得那麼辛苦，為甚麼呢？

因為三個字：平！好食！

平到點？自助任你食都係五十零蚊港紙，仲想點？仲要係好好味果隻，我諗香港都幾難搵到！

先出去看一下有甚麼熟食吃：

炸物，不錯，我比較欣賞餃子；還有一個炒飯，必吃，其質素好過日本鐵板燒！師傅功力甚夠，在這裏竟然吃到高質素的炒飯，實在是我意料之外！

你看這個餃子做得多好：

看著迴轉帶，食物來來回回，感覺就像人生，來來回回，等機會，等人看到你，機會就來了；你不好，絕沒有人揀你；你好，也未必有人揀，不過機會就會大很多：

個窩底都有幾樣可以揀，你可以揀清湯，又或者揀沙爹：

我俾一片用沙爹窩剛淥完的牛肉俾大家睇下，包保你流哂口水：

吃下去的感覺是很滿足的！

佢地唔單只有得碌碌下，壽司都有，不過質素只是一般：

但叫做人有我有，以五十多元又要自助又要有咁多野食仲要有水果雪糕再加凍飲既一餐來說，我絕不介意！

牛肉色澤不豐富，但口感及味道都極佳，不知道是否泰國牛比較淡色呢？

呢種蝦，必吃，有口感，爽口之餘亦可以食到好多隻，返本都係靠佢；我同龍嫂都食左十隻有多！

淥熟左，睇下個樣幾漲卜卜！一咬落去，甚麼煩惱也忘記了，即使在一個小時之後我們又要卜番去拎行李趕飛機都好，一一都拋諸腦後了，食完先講！

魷魚片也是美味的食物之一，非常新鮮，可能他們返貨太多，而且也太多人吃吧，想食隔夜貨都好難，我睇到個個都係焚化爐！

麵食都有，不過只係一般，唔食都得：

似蟹既麵粉，都唔錯哇！

蟹柳，味道可以接受：

飯後甜品，雪糕，竟然係幾好味，大出我意料之外，仲有四色俾你揀：

埋單只係….哎，自己睇……

呢度好軍真，亦唔係趕你，我覺得香港應該效法！

佢係點樣做呢？你可以食過七十五分鐘，佢絕對歡迎，只係加錢之麻，張單有寫明，過鐘每十分鐘收 20 銖，絕對合理。

見過好多香港既食店限人食，夠鐘又要趕人走，得罪哂Ｄ客，咁呢個方法咪幾好咯，自己想走就走，唔走就收錢；仲有，佢呢度好似停車場咁，自己出去埋單，以檯面既咭鐘為準。

就係咁，Shabu Shi 為我們的泰國之旅劃上一個完美的句號！人係應該多Ｄ出去旅行的，無得去，無時間去，無錢去，都只係一個籍口而已，一早 plan 定，無話唔得。

我見過有客人，夠膽在股票上輸足四十萬，但卻說沒有錢去一個千多元的深圳旅行。我覺得真係好可惜；又或者，願意千多兩千元去食一餐，卻說沒有錢去買一件像樣一點的衣服給自己穿。

有些東西真的是很重要的，希望大家好好記住。