又講番D舊事.

復活節期間, 本來工作甚忙, 也沒有時間往遠點的地方跑, 剛巧友人介紹深圳 Zense 酒店, 最近苗僑偉同戚美珍在電視雜誌賣哂廣告, 兩個人 $988 元又有房又有 coupon 晚飯又有 SPA 又有早餐, 也就和龍嫂趁熱鬧走去試一下. 正是偷得浮生半日閒!

Zense 酒店在之前已經介紹過, 原來有一幕沒有說的, 是去酒店之前的那一個午餐!

未去酒店 check in 之前先醫肚, 去了一間叫蒙地卡羅的西餐廳, 野食超掂, 環境超掂, 招呼又超掂, 如果你去開深圳玩都可以去一下, 在羅湖區春風路那邊, 離 Zense 只是五分鐘的士:

這裏的環境好特別, 每張檯上面都有一盞檯燈, 夠哂情調, 又唔嘈, 係一個傾計既好地方:

這裏的茶餐多到不得了, ACBD 餐重要有12345, 加埋成二十個餐都有, 都係十零廿蚊咋!

比較特別既係佢如果係廿八蚊餐, 叫咖啡或奶茶可以 "無限續杯", 開心死我, 杯咖啡重係即磨添, 幾得嫁!

先來一個鐵板牛肉珍珠腸, 我以為係腸仔, 原來係腸粉:

鑊氣十足, 色香味俱全, 腸粉又好香, 有少少棘, 合哂我心意!

深圳都有 Pizza 食, 我剛想影相時, 龍嫂已經食左一啖, 所以唔完整.

咁你知道有幾好味啦!

炸春卷, 好脆同埋好香:

小食拼盤, 35 元, 乜都有得食, 我最鐘意食既係鴨腎同埋雞翼!

咖啡無限添飲, 我飲左四杯, 佢地都好歡迎, 笑臉迎人, 真係專業!

呢杯咖啡唔錯, 我可以俾到七十分!

如果無人可以要求坐圓梳化, 傾計一流, 你睇下隔離檯人傾到幾開心!

真係好介紹, 我下次再去深圳都一定會去, 其實而家深圳既食物水準真係拍得住香港了!

蒙地卡羅
地址：深圳春風路金碧酒店3002號金碧酒店首層(其實即係地下)
必食推介：小食拼盤, 下午茶餐(因有咖啡無限添飲)
平均消費：三十元
分數：　　　   （一定要去）

（分數指南：以六個太極最好，無太極最差。）

　無太極：一生不去
一個太極：被迫才去
兩個太極：免費才去
三個太極：可以一去
四個太極：一定要去
五個太極：特登都去
六個太極：一生必去