今天過了深圳，臨回港時，到了東門的鼎泰豐吃了一頓令人非常滿意的晚餐。

這裏的水準，不比台灣的鼎泰豐差，而且還有兩個好處：

1. 價錢平宜，每人五十元左右。
2. 唔駛等位。

無論香港或台灣，如你想吃鼎泰豐，都一定要等位，真係要等果隻，一個半鐘頭閒閒地。

在這裏，絕對不會沒有位子坐，而且全部侍應都是用心招呼，我覺得真係好滿意。

其實是否我自己思想改變運氣？最近去過很多地方，都有很好的招呼，每個人身邊的人就是一面鏡子，你身邊的人怎樣對你，其實就是反映你是一個怎樣的人，我對此深信不疑。

說回深圳東門的鼎泰豐，他們的款式甚多：

價錢比起台灣及香港平一大截，最吸引我目光的，是這個套餐：

立即要了一份，三十元真係超值，全世界都無咁平！

地方，沒有很豪華的感覺，但肯定坐得舒服，空間亦夠，不用迫迫下，亦不用被迫做間諜（被迫聽隔離講野），而且椅子亦是軟座，絕不是硬板木椅！

中間有個鼎，好特別！

套餐有前菜，這個就是了，其貌不揚，但用處甚大，等一會兒你就知道了：

是雪菜來的，甚棘，好有勁道，而且味道也非常足夠！

窩荀絲，味道是咸了一點，但絕對可以接受，三十蚊套餐包埋：

食小籠包當然唔少得醋，甚為正宗：

蛋炒飯，一個簡單的菜式也做得如此出色，我都要寫個服字：

炒飯甚香，飯粒軟滑，而且有蛋香，加一點蔥花，整個組合剛剛好，這個時候，雪菜可以派上用場了：

一啖飯，一啖雪菜，雪菜的棘香剛好帶起淡淡味道的炒飯，味覺上甚為滿足，而且也甚為開胃，吃了一口又一口，簡直是人間美味！

另有鮮蝦燒賣，咁得意既？未聽過！三十四蚊八粒，又試下：

原來是小籠包上面加隻蝦，好特別，我們也吃得完，你睇隻蝦幾大隻：

再來就是主角，小籠包上場了。我們來到深圳，本來也沒有甚麼期望，不過……

皮香餡靚，湯汁甚為豐富，看廚房的師傅做得好用心，每一粒小籠包都是他們的精心傑作。

再來一個近鏡：

你會睇到個皮其實幾厚，不過這是有原因的，因為皮太薄，根本湯汁就放唔到落去，所以如果皮薄，只有一個原因，就是內裏沒有湯汁！

三十蚊套餐仲未講完，還有一個窩貼，六隻，我覺得物值我可以俾六粒星，因為價錢同質素完全不成正比：

窩貼煎得好香口，呢次真係乜野飽點都比我地試勻！

要留意佢隔離既棘椒，同一般既好唔同，佢又唔係豆板醬喎，好棘，但係我都忍唔到口，點完又點，真係人間美味！

主食，我們叫了兩個，一個是牛肉麵，甚為對板。二十八蚊比起香港既三十多元來說，又係平左三成以上！

牛肉軟熟，麵香，彈牙，湯汁濃，我又係成碗湯飲哂！

除左牛肉之外，仲有牛筋：

第二個是擔擔麵，十五蚊，都算好有交代了：

好多花生，食落去真係唔同，湯同麵都唔駛講，一百分。

令我深感意外的，是他們的飲品出奇地好，好似呢一個，香芋奶茶，走珍珠，十五蚊：

食完，我只覺得食緊香竽雪糕，好奇，整杯野可以整到咁，真係好好飲，回味無窮！

佢地仲有藍山咖啡，不過要三十八元，唔敢試了，如果唔好飲我會失眠一晚！

最後一提既係佢地既招呼，超級好，超級細心，落單時有禮貌，唔會趕住，你 order 完後佢會全部重覆一次，好有感情，好溫柔，而且會好清楚。

我覺得呢Ｄ就係專業態度，唔似得大部份食店都係依依哦哦，都唔知佢講乜，人地都未 confirm，已經走左，Ｄ野又錯哂！

我最感動既一刻，係發生在進食中段，由於窩貼個醬太棘，我點完又點，出哂汗，侍應見到我如此情況，二話不說，馬上開著正正對住我既天花板冷氣機，即刻涼哂，那一刻，心存感激，原來呢個世界真係有平價餐廳既侍應係有心的。

你去羅湖口岸地面（要強調地面）果幾間睇下，全部係雙目失明，當你透明，你叫佢黎佢又唔理，叫得佢埋黎落單又錯哂，跟住叫佢換佢又話有乜唔好食，真係吹到脹哂。

我覺得這間在東門的鼎泰豐是值得表揚的。他們說的 standard srcipt 甚熟，每次都有講，而且不是背書，是有感情的，他們會在你的菜上齊之後，向你說："所有的菜式全部都到齊了，請慢用。" 我覺得好好印象！

深圳東門鼎泰豐，我誠意表揚佢！

地址: 深圳羅湖區東門太陽廣場附近

必食推介: 五香牛肉麵，小籠飽，一人套餐要炒蛋飯

平均消費: 五十元

食物質素：　　　　　
環境質素：　　　
服務質素：　　　　　
物值　　：　　　　　　    　

總評　　：　　　　　　　六個太極，一生必去

（分數指南：以六個太極最好，無太極最差。）

　無太極：一生不去
一個太極：被迫才去
兩個太極：免費才去
三個太極：可以一去
四個太極：一定要去
五個太極：特登都去
六個太極：一生必去