邊個話大陸食日本野一定差過香港？起碼呢間唔係，仲好好味添，佢就係 Zense 酒店既日本餐館，三和軒了。

個 menu 都精緻過人，用木造嫁！

睇下內容，真係同香港一樣，乜都有，刺身，壽司，拉麵，烏冬，小食，乜都齊！

裝修都好有日本 feel，簡單得黎好乾淨，絕對唔會有元氣老鼠：

擺設都好見心思，抵讚！

我叫左杯健怡可樂，個杯都零舍唔同，度住手形黎做，在香港都好少見到了，我覺得個老細都好識得享受，佢既酒店配套真係好精緻，我鐘意！

先黎前菜，送既，八爪魚，好好食，又要酸瓜，完全吊起哂胃口！

先來個豆腐，超水準之作，豆腐好好味，又香！

再來叫了加州卷，吞拿魚，甜蝦，完全對板：

甜蝦都有咁大隻？我都未見過甜蝦可以有咁大隻！三十蚊有兩件，超抵食呀！

接著來了一個吞拿魚腩小卷，八十蚊我覺得唔係好抵咯，吞拿魚影都無滴，雖然口感好好，勁濃沙律醬味，但我覺得三十蚊我會俾六粒星，而家？No way 啦，咁貴！

三文魚係做得唔錯，肉質好香！

牛肉烏冬拉麵完全對板，佢呢碗湯底好濃牛肉味，我自己一個飲哂Ｄ湯，牛肉新鮮，烏冬麻，香港好難食得到，勁對板，彈牙，真係一個完美既組合！

叉燒拉麵有少少棘，但完全可以接受，麵好彈牙，湯底超濃，又係唔駛三分鐘大家掃清哂！

茶壺湯，又係香港好難飲到，三十五蚊，物有所值，我只能話 – Perfect!!!

意猶未盡，再加 order，試下海膽同埋太卷，又係抵食，海膽都係三十蚊兩件，但係海膽份量就比香港多一倍有多！

真係唔係呃你，Ｄ海膽多到漏哂出黎呀！

失敗之作係燒雞翼，唔知係唔新鮮定係點樣，總之以後都唔駛叫，反而最容易整既最唔好食呀！

最後再 Encore，海膽蛋，完全對板，原來海膽熟食個味道都唔係太差，好好味呀！

到最後，服務員再奉上熱茶一杯，毛巾一條，好細心：

是次埋單每人用左一百五十元！

（未完，待續）

三和軒
深圳市羅湖區文錦中路2號
電話: 86-75582681888 (內線 8035)