16 4 月, 2009

(估計閱讀時間:  分鐘)

近期港男港女話題大熱,很多朋友都想我說一下有關 "港男,港女" 的看法。一直沒有一個引子可以切入話題。早兩天看到 BB 分享她一個男同事的事情,正好打開這個話題。

BB 的分享是這樣的:

BB 的分享 — 行為怪異的男同事

嘿嘿! 通常好似 Melody 講的那種人, 好快我就唔會再理佢.

我公司有個同事亦非常無運行, 不如都同師傅分享下: 初初我入呢間公司,呢位男同事主動同我打招呼, 又介紹隔離部門女仔我識, 話我地女仔可以傾下偈, 一齊出去食下飯, 當時覺得呢個男士十分好人, 又細心, 所以有時出去食飯佢叫埋我地一班同事我都會出去, 後來同佢開始話年紀唔細, 想拍拖, 同事都好熱心教佢追女仔, 點知佢一聽到要請下女仔食飯, 就話 "嘩, 而家d女仔咁市儈", 女同事聽到梗係唔鐘意啦, 不過大家禮貌上都無話佢; 之後佢成日話佢追唔到女仔因為女仔嫌佢無錢, 而佢d舊同學買樓買股票揾幾多, 邊個同事又揾幾多, 自己就投資不利… 最初大家仲安慰下佢投資的事講運氣, 佢條件唔錯叫佢唔好灰心, 但安慰完佢又講, 大家開始都無佢咁好氣. 再後來大家熟左, 佢開始越講越離譜, 一陣又話d未嫁的女同事做咩仲唔快d趁後生嫁人, 一陣又話d嫁左的女同事做咩唔返屋企湊仔, 痴線… 女同事開始唔再理佢; 本來仲有男同事理下佢, 點知佢見d男同事同其他女同事傾偈, 就話人地受女仔歡迎, 撞到人地同女性朋友食飯, 又話人地多女朋友; 而家連男同事都怕左佢, 無人理佢啦…

其實有關我果位好唔識講野的同事仲有好多"趣事", 我返工無幾耐佢就問我係唔係出來做野好多年, 好似想查我"年紀", 我求其應酬下佢算; 之後又成日問我另一個女同事係唔係做左好多年, 我話唔知, 有次佢忍唔住話 "睇佢都應該係[中女]囉呵?" 當時一齊的同事包括我都打個突, 後來先知佢想追人, 又嫌人地年紀大…有次我見大家都叫熟絡, 問佢年紀真係咁重要? 佢話年紀大點生仔.. (-_-!!!) 之前大家仲會一齊食飯, 經常見佢在街上一見到女仔靚就眼望望, 都唔理人地身邊有男朋友 (幾驚佢會比人打 ^o^) 男同事見佢傻傻地都背後笑佢, 但佢仲成日以為自己好有料, 開口埋口講藝術, 聽歌要聽Opera, 睇戲要去演藝… 舊年Edison的淫照爆出, 佢一副渴求樣四處問人有無可以比佢睇, 而佢越係想睇, d人就越唔比佢… 好樣衰.

龍師傅的回應

"港男,港女" 在近期確是引起很大的迴響,我不會偏幫任何一方,因為兩方面都有自己的論點。今天我先講 "港男",因為比較簡單。

其實論港男,只有一個字:"錢",我未見過有錢的香港男仔會給人說成港男,因為香港的有錢男仔,女朋友只會多到自己考慮選擇誰,而不存在:"我追人,沒有人理我" 的問題。

我不是說,有錢一定可以追得到任何女仔;但反過來說,如果一個男仔沒有錢,肯定很多女仔都追不到。

香港比較物質主義,所以香港女性每事都和男仔講錢是很正常的。只要不太過份,我覺得可以接受;而且男仔和女仔出來吃飯行街睇戲由男方付全數,我覺得只是男方有面子,沒有問題。

想起我和龍嫂拍拖,我其中一個殺手鐧,就是幫她的八達通增值。過了一段時間,知道她的八達通沒有增值,就幫她增滿。

試想想,有甚麼可以幸福至此?日常生活,搭車到超市買東西都會用得著,而且記得你,可想而知龍嫂當時對我的印象有多深刻。

在我而言,只要負擔女方整個生活的經濟基礎,女方自然會有安全感,感情的穩定度自然會提高好多,而女方也會對此印象深刻;有多深刻?從龍嫂事隔多年之後還提起:"你在開始時對我不知有多好,八達通也常常幫我增值!"

男仔,我要你們明白,我們是人,我們生活需要錢,那每件事上就會無可避免地要與金錢掛勾。只要有錢,百分之九十九點九九的東西都可以得到;所以男仔應該專注於怎樣提高收入,多於將時間聚集在找一個不要錢的女伴。

像BB 的男同事的 case,正正體現了現在港男的問題,就是 "不肯出錢"。自己的心意是一個問題,經濟未有基礎又是另一個問題。

最要命是,錢自己不肯付,又要嫌對象年紀大,有那個女仔會給他嫌棄?機會等於零,這根本是 "公又你贏,字又你贏" 的遊戲,是沒有女孩子願意玩的。

所以如果一個男仔有錢,根本就不會有港男的問題。我好想說,女仔需要金錢去尋找安全感,是很正常的。

又例如龍嫂,她根本不會貪錢,對物質要求也不高,但由她一踏出家門開始,車費,吃飯,買東西,雜物,全部都要錢。

港男應付不了港女,是因為沒有錢而已;也因此,就覺得港女要求高,這根本是本末倒置;如果經濟能力負擔得來,那港女要一個 LV 袋,又算得上是甚麼,正是買多兩個給女朋友自己回家慢慢揀也可以。

所以我想有錢的男仔,根本就沒有想過這些問題,因為這些事情不會發生在他們身上;所以,還是那句,別看不起錢,也別想著錢不是萬能,有錢確能解決大部份的問題,包括提高感情成功的 percentage。

 

關於作者

龍震天

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

分享
Facebook LikeFacebookWhatsAppLineEmailSumoMe

四天戀愛溝通術


原價 HKD2,680,現時 免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>