8 9 月, 2008

今天晚上去了銅鑼灣,正在想著有甚麼東西好吃時,龍嫂抬頭一望,道:漢和呀!

漢和,一個熟悉的名字,我十年前已經去過了,想著很久已經沒有去過,就去試試吧!

去到門口,看看價錢,112 元,我還以為我眼花,正所謂呃極都係呃你 112 元,即管入去試下。

個經理好公道,我地去到,佢話:時間係一個半小時,你地可以出去拎野食了。

好似比賽食大胃王咁既?

其實一個半小時係夠食的,我地食完都係一個鐘頭左右。仲有半個鐘頭傾計,而經理亦無夠鐘即刻催埋單。

對於只限食一個半小時,我完全理解,因為佢位於銅鑼灣地王崇光對面,每個人收 112,不停有人入來,都只係夠交租而已。

第一樣吸引我既,係佢地既裝修,如果好似我咁,幾年無去過既話,真係覺得唔同哂,同我理解既漢和有好大分別:

座位寬敞,兩個人可以俾四個人檯我地坐,足夠有餘了!

我們去到是六時,吃到七時半。甚為肚餓,就選了一些熱食來吃。先來炒飯,一點也不賴:

炒飯乾身,用料足,而飯粒夠硬,如果唔係知道跟住要食好多野,我一早已吃三大碗走人了。

龍嫂的自製前菜,味道一般,當然同梨花園無得比,但以物值計,都合格有餘了!

我最 impress 既係三文魚刺身,全程任夾,而且不停添貨,我幫佢地計數,以咁既價錢真係好難做;最難得既係,三文魚非常新鮮:

我們吃了都不住點頭,三文魚出奇地好吃,仲要係任食,我覺得真係好抵食!

又想起鮮壽司,人地漢和任食都好過佢萬倍!

燒烤種類繁多,不能盡錄。最難得既係咁既價錢,仍然有中上級水準,用料真係好新鮮,為這間漢和加了不少分數:

我地無機會試得哂,只能夠揀自己鐘意既黎食。

食物分類牌都好靚,好有 cyber feel:

先來一些烤肉,我揀了尤魚,西冷牛肉,牛肉,咖喱雞脾,棘豬肉:

龍嫂揀了牛舌,雞翼:

放上個爐烤,真係睇到都香噴噴:

烤完,一點也不馬虎,西冷牛肉,甚有肉味,而牛肉亦係好新鮮,味道夠,多肉汁,甚為好吃:

雞脾肉,尤魚,好香,質素在中上級數,越食越開心:

尤魚鬚好大條,來貨價都好貴,真係抵食,又香噴噴,你一舊,我一舊,唔夠又多一舊,食到你夠為止,都只係 112 元:

雞翼也甚為新鮮,而且也算大隻,個爐又夠猛火,真係成身香哂!不過食完最好唔好去睇戲咯,唔係成身油溢味,就唔係咁好了!

食下食下,已食左好多,我介紹必食既有牛肉,三文魚刺身,其它既你自由發揮啦,龍脷魚都有,真係包羅萬有,梗有一款啱你!

最後想走了,竟然俾我見到以下東西,更奇怪的是做得出奇地好吃:

無錯,這個就是豬大腸了。我奇怪佢做得水準好高,食完三舊,馬上來了一碟!

真係抵食,呢碟豬大腸在新記食,我諗要廿五元以上,即係又袋多廿五元了!

飯後甜品,雪糕,龍嫂最鐘意,又黎三大球:

味道非常之好,其實雪糕都好難唔好食的,只有好食同埋好好食而已。

七時半埋單,人很多,我想下次去也是六時半前入去最穩陣。

漢和,裝修完之後,我食佢既環境,物值,食物質素,真係抵食,而且無乜花樣,埋單收多六元茶錢,加一連埋係 130 元,夠哂老實!

漢和韓國料理

地址: 銅鑼灣渣甸坊 5-19 號京華中心 3/F

電話: 34282383

必食推介: 自助燒烤晚餐

平均消費: 每人 112 元(埋單連加一收 130 元)

食物質素:   
環境質素:   
服務質素:   
物值  :         

總評  :     四個太極,一定要去

(分數指南:以六個太極最好,無太極最差。)

 無太極:一生不去
一個太極:被迫才去
兩個太極:免費才去
三個太極:可以一去
四個太極:一定要去
五個太極:特登都去
六個太極:一生必去

關於作者

龍震天課程

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

四天戀愛溝通術


原價 HKD2,680,現時 免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>

想知道 { 桃花萬人迷 } 的共同秘密嗎?