早前和討論區版主豆兄吃飯, 兩個人就選了佐敦漢寶酒樓:
唔好以為漢寶酒樓好老土, 呢間唔同以前果批, 裝修好舒服, 最緊要係傾到計, 我真係好鐘意傾計的, 豆兄也好鐘意傾計, 這頓飯吃了四個小時!
所以說, 做人最緊要啱傾, 有共同話題, 坐很久也不覺得時間長.
這裏和倫敦酒樓一樣, 大碟頭, 好實際, 價錢則比倫敦酒樓貴一點.
兩個人根本不需要叫很多東西, 來一個蟹皇羮, 再加一個菜, 一個炒粉麵已經很好了!
先來小食, 好好味呀! 很清甜, 也很爽!
先來一個冬瓜蓉蟹皇羮, 好好味, 清甜, 好清腸胃, 好有清新的感覺!
一人一碗, 飲完, 又一人一碗, 又飲完, 仲有. 如是者每人喝了四, 五碗, 大家都係鐘意飲湯之人, 合哂! 八十八蚊好抵飲!
小菜則叫了一個豉汁帶子蒸豆腐, 好抵, 九十八蚊已經有八隻大帶子, 食到大家都好滿足!
再黎一個近鏡, 呢D就係好味既中菜了, 實實際際, 又飽肚, 又好味!
乾燒伊麵, 又係好大份! 五十八蚊, 每人又係食左四, 五碗, 伊麵軟滑, 夠香, 麵質爽! 不過就乾身了一點, 而且味道也帶點淡, 我還是懷念 Ritz Carlton 的龍蝦伊麵呢!
席間談盡世間事, 真的談得很暢快呢!
飯後還有生果, 簡直完美! 埋單只是二百七十元, 以大酒樓的級數來說算是便宜了! 不像那些一點也不好吃的酒樓, 招呼又差, 地方又淺窄的酒樓也要百多元, 我寧願選擇漢寶酒樓.
下次如果想好食, 飽肚又要坐得舒服, 這裏絕對是你的不二之選!
漢寶皇宮酒樓
地址：尖沙咀柯士甸道8號
必食推介：豉汁帶子蒸豆腐, 蟹皇冬蓉羹
平均消費：一百五十元
食物質素：
環境質素：
服務質素：
物值 ：
總評 ： （一定要去）
（分數指南：以六個太極最好，無太極最差。）
無太極：一生不去
一個太極：被迫才去
兩個太極：免費才去
三個太極：可以一去
四個太極：一定要去
五個太極：特登都去
六個太極：一生必去
OPENRICE 連結: http://www.openrice.com/restaurant/sr2.htm?shopid=1292
