男女感情系列 – 失敗的Dating 個案分享 – 如何增進愛情技巧?

12 月 28, 2011

今天為大家帶來一個頗特別的故事。重點我想教大家 dating 技巧及看法。

Y小姐的分享

你好龍師傅!
 
因為睇完你有關男女感情的blog, 有得著和令我反思自己… 以下是我的小小故事..先多謝你花時間 看! 希望你能以男性角度給一點意見我..
 
最近我via 一間dating agent 識了一位30頭的男仔…我比佢小5 歲…我們第一次見面食飯( 由AGENT 安排)….頭一次見面..他講好多有關佢家庭..自己買樓等事 ( 當時我覺得佢有d 假..因為邊有人會第一次見面就哂自己身家?!)..anyway..都有一個natural dinner..埋完單我話俾番錢佢, 佢就話請我啦咁…走時佢仲車我番屋企…表現得十分之gentleman. 不過我一直奇怪佢做咩唔問我拎contact….到最後我忍唔住開口問佢有冇contact ( 我咁做會唔會錯左??)..我們交換卡片…

(龍師傅註:這已是死症。理性點想,如果男方對自已有興趣的話,又怎會不開口問女方拿聯絡電話?如果是這樣,男方已清楚表明對女方沒有興趣,那之後發生的事情,都只是勉強發生而已。女方一早已處於下風,即如你打麻雀,未開始已經輸了十底,怎樣追?不是不可能,而是機會很低。)
 
說真的...他是一個好有條件的男仔 ( 思想成熟..有事業..有車有樓,高大..)...回家之後...我想 了好耐都想不明佢 咁有條件點解都要找agent 識女仔! 真係完全唔敢相信! 我只覺得自己咁好彩見識到一個咁勁的男仔..

(龍師傅註:我常說,如果想不通自已為何這麼幸運,那唯一的答案,就是自已真的沒有那麼幸運;很簡單的,一想就明白,但偏偏很多人卻不明白,又或者不願意承認。)

之後email 有再chat 下..後來我add 了佢facebk…見到佢status 是" in a relationship"….即刻好火...覺得成件事根本就是騙局!個時我值頭覺得佢一定是太多錢...純粹出來玩!
 
我email 問佢是否in a relationship , 佢答" I'm single". 到後來見佢把facebk status changed to Single….個刻我當然開心..不過心中仍有好多唔明白!!

(龍師傅註:這個 gesture 也看到一個手影,就是男方根本未曾放過女方在心中,又或者放在眼內。人要有自知之明,這次Y小姐似乎沒有。(我又得罪人了,但看穿真相,理性行動,是走向成功的唯一方法,苦口婆心呀!

如果我本身 in a relationship,我認識了別的女孩子,我很喜歡她,她加我進面子書,我也會趕快 change status 吧?不轉 status,那就是我根本未曾喜歡過她。

多年之前,我曾經認識了一個女孩子,我手還未拖,對方竟然每天打十次電話給我,以為自己是我的女朋友;我只能當她痴線。)
 
直到佢email 問我contact no…之後有一晚佢打來開始chat…聊了成個幾兩個中…話題都是share 下大家生活..興趣呀咁..我有提過bowling..咁佢就話搵weekend 去打下波…( 好正路的約女仔方法!)
 
第一次出街....佢車我去打 bowling...之後再上大帽山...再去小白鷺餐廳...佢好識製造浪 漫...佢每一個位都好 細心.好識照顧人.我從未見過咁 charming的男仔, 我覺得是發緊夢...但我心中的問號就愈來愈多!

(龍師傅註:這些都是那個男孩子的追女仔方法而已。他這樣做,未必一定對你很有好感;今天他對你做這些,他朝也可以和別的女孩子同樣做這些東西。

聽過有一個女客人,和一個有錢仔約會,有錢仔不是自已駕車來接她的,而是著司機接她;家裏有管家,有工人,女客人大開眼界,以為自己是發夢;他們交往不到兩個月就分手了。)
 
再之後有2, 3 次跟佢見面..食飯..食糖水...佢仲帶我同埋佢個妹一起食..有一次sat我做完野..佢 過來接我食飯.. 之後車了我去了stanley行...2個人開始談心...沿途見到有一對情侶好sweet 咁玩緊( 個女仔衡埋個男仔度, 個男仔就 接住佢), 我同佢望住對情侶...佢話”好羨慕d人簡簡單單一起”..我沒有回應什麼...
 
再行下行下去到碼頭盡頭...佢終於開口問我的感情事...我講..自己拍過2次拖, 第一次係d puppy  love..第2 次係同一個大自己2年的男仔拍...不過半年就分開了, 因為我覺得佢唔岩自己....無咩安全感...到我問佢了...佢透露以前係大 學讀u 時識了一個比佢大幾年的日本女助教...係一個好叻的女仔..最後因為對方家人唔太支持呢段戀情( 覺得個男仔 當時無事業基 礎), 而男又其實想番hk 發展..所以最後agree 分開...回港工作了1 年...經朋友介紹識了一個女仔( 細 2 年)...都是做野叻的女仔..拍了 3 年..上年他們結婚..不過1個月後就離婚! 原因是男的發現個女的婚前搭上 了一個壞男孩.. 他還講了一些關於佢前妻屋企的事我知... 
 
他話呢個係佢底線..所以最後決定點都要離婚, 不過而家都原諒左對方. 佢話佢為個女仔付出了好多....(因 為佢家庭係同鄉之 中有d地位...個時擺酒都 有40 圍....我完全想像到以佢作為大仔...搞完一個婚宴面對鄉親負老前前後後幾多壓力..幾多付 出..同埋呢件事對佢打擊有幾大..)

(龍師傅註:這些只是環境造就了談話的氣氛,說多了話而已,不足為據。)
 
點到好...疑團解開左..佢話找agent 識女仔是因為唔想再via 朋友...有咩事會牽涉到朋友..個一晚我相信佢真的講了好多心底話我知..唔係一個偽君子...對佢好感更多..
 
我個晚靜靜地聽佢呢個咁dramatic 的故事….我問..咁你個時都一家好大壓力…佢話: 係呀…之後繼續講佢點安排結婚點遷就女方父母等….  佢話已經無同個女仔contact, 而個女仔父母亦唔認呢個女….反而仍不時叫男去食飯….因為人地父母都覺得男係好..
 
之後我有提到…我有時恨做男仔…因為可追女仔…但佢就話..但都唔容易搵到個岩的…
 
個晚談完心之後..有幾日無咩聯絡…之後我email 話介紹佢睇一套戲…..係關於family, love, life…..咁岩佢又話買了部投影機係屋企 ( 佢一個人住), 借俾佢看咁…
 
有一日佢就駕車來我家樓下拎隻碟…就走了…

(龍師傅註:赤柱那天,我感覺上只是好像一個人飲多了酒,說多了話而已;清醒過後,其實對女方好感沒有增加。)
 
再之後一個星期佢去日本出席朋友婚禮……..到他回來個晚…我send了個sms 問佢back 到hk 未..佢覆了我 "just back..i enjoy the trip so much 🙂   "

(龍師傅註:在這裏,已經看出了問題,每次都是女的主動找男方,男的之後也從來沒有主動找過女方,所以說,故事至此已告一段落,女的做甚麼,都只是單向及自作多情而已。)
 
之後都有幾日無聯絡...
 
因為佢之前有提過可sponsor 我參加的一個義工活動...咁我要confirm 佢係咪真係會 support...send  了個email 問佢...佢話佢會support 我 200..問我聽日有咩時間方便....我email 覆佢話幾時都 ok...

(龍師傅註:其實我看到這裏,我覺得是有點 odd 的,我感覺上男的只是保持 gentleman 風度而已。)
 
因為個晚我都未收到佢 reply… 我忍唔住打給佢...想同佢聊多幾句...不過佢語氣好明顯唔太想講電話 咁...我講我睇黃 子華 show 的內容佢知( 因為之前佢有話過想睇...我諗住呢個話題佢都應有興趣)不過講了幾句… 佢只嗯嗯咁聲… 之後佢開口話 忙緊整電腦… 唔講住了,而且第二朝又要早起搞活動… 再一個星期日都又有活動要搞...不過佢都有話第二日大約  5,6 點佢做完野 就過來俾 cheque 我… 仲有係日本買了手信俾我…
 
第二日我就等佢 call 我啦… 點知等左成日影都無隻!心諗唔來..點忙都可 send 個 text 講 聲?! 再過兩日都 無任何佢的消息...我就 email 說:
 
I suppose you will let me know beforehand if you won't be able to meet me on sat. Just wonder if everything's alright??
 
佢之後有覆我
 
sorry, I didn't give call for that,  I'm busy work very late with my firends on sat.


其實我真係嬲的係...明明佢應承了來給野我..但最後唔出現又唔單聲, 呢d 係基本禮貌吧?! 

(龍師傅註:對方沒有禮貎,是對方的問題。是自已窮追猛打,令男方覺得厭煩?我覺得也有可能是這樣的。)
 
過了兩日...我又突然被感性沖分頭腦....好想forward 首歌佢...我Send 了 ” 大開眼界" mv 佢..話我好中意首歌..(之後好後悔做了呢樣野)

(龍師傅註:後悔,是沒有意義的。下次不要再做同樣的事情,才是重要。

Send 歌這件事全無動機,我再和大家 recap 一下。

1. 做甚麼?
2. 為甚麼現在做?
3. 做了之後會為你帶來甚麼好處?

想通了這三點,才做,也不遲。)
 
佢一直都無回覆我呢個 email。
 
一星期後  佢突然用手機EMAIL我” I will drop off the cheque for u when u free;)”
 
咁我reply:  " thanks, how about tomorrow?"
 
又無覆我。

到第二日,我 SMS 問佢係咪今日ok...點知佢話 Sorry, I'm in China today.
 
兩日後...我再email 佢...問佢有無興趣同我一起去一個free wine matching dinner .傳統奧地利菜釀 酒師酒宴 ... 佢話: 個日 要出席喪禮...so 來唔到. 但話會遲d 搵我...

(龍師傅註:其實這樣做已經很過份了。男的根本不會有任何興趣,你還要做這些事情幹甚麼呢?)
 
以上是11月尾時的事...直到今日, 我同佢都再無任何contact.
 
其間我 想了好多次...點解佢個人咁難捉摸...同時我都嘗試從佢角度諗..有以下推斷:
 
1. 佢想搵既係一個有挑戰性的女仔, 好叻的
2. 佢話俾番 cheque 只係想 keep 番佢風度而已
3. 佢仲有幾次 dating chance,慢慢再睇都唔遲

(龍師傅註:其實以上分析全對,男的有條件,還再有 dating,很有可能他已經和另外一些女孩子交往了。)
 
但唔明佢突然擺出一個咁飄忽的性格, 到底佢想點?只想KEEP 番朋友? 如果對我無興趣的, 仲使咩話有手 信, 又或可以俾完 cheque 我就唔再 contact… 佢話會見我,但總是好難見咁. 唔知佢想點 

(龍師傅註:很容易明白的。一字咁淺,就是他不喜歡你,that's it,多一句也沒有。)
 
不過呢一次給了我一個好好學習經驗.就如你所講的等價交換,自己有d 咩俾到對方呢?
 
不好意思我這個 email 咁長。龍師傳,其實你對這個男仔有咩睇法?你覺得我對住呢D咁有愛情技巧男 仔有咩對策..有 咩可改善?我不想下一次 dating 又重蹈覆轍!我想學多一點技能旁身!可以跟男仔相處時,更具吸引力!
 
P.S.我都有看李民傑的書...正努力摸索人心..學多一點權謀..
 
謝謝你!

龍師傅的分析

整件事,其實很簡單,就是男的不喜歡女的,而女的自作多情而已;由第一次出街男的沒有問女的拿 contact 開始,已經看得出男的根本不會想發展,而是女的夾硬拖長這套劇而已。

記著,女的要主動,但第一次出來,如果男的吃完飯就說再見,女的也不能夠主動問對方拿聯絡方法,即使你拿了,對你也未必是好事。

另外在FB質問對方 status,也是很不智的事情。

送一首歌給對方,我也不明用意何在。

男的不回覆自己,自己也要知情識趣,硬要對方回覆,只會令自已沒趣。

好好記著,有時候有些東西,你是不能夠強求的。我常說,提高你的感情技巧,只能夠令你有更多機會,有更多男孩子對你有興趣而已;你不能夠百分之一百肯定,你喜歡的男孩子一定到手。

這次就只能夠當作是一個體驗,失敗了,不要緊,馬上要有「Next Next Next」的能力,不用花太多時間在同一個人身上。

And there is one more thing……

做人,工作,感情,也是一樣,一定要有自知之明,一定要客觀地剖析自已的籌碼,剖析對方的條件,自己有甚麼和對方等價交換;看過很多相差太遠的情侶,一起一段時間,感情就一定有問題。

之前我說的女客人,和有錢仔交往了兩個月之後,就分手了;女的還接受不到,因為男的條件實在太好了。

男的如果條件好,他大可以用同樣方法,用司機接載新的女孩子到他的家,看他家的管家,工人….還有後花園的七部跑車。

在我看來,做女生的,錢反而不是問題,只要對男的胃口,樣貎身材溫柔體貼善解人意,這些都是等價交換的條件。

(你是否在感情路上,事業路上遇到問題?其實未必是你的命格不好,只是你不知道自己的整體人生藍圖和命運軌跡而已。在我看來,只要找對自己的方向,沒有一個人是不幸運的人。清楚了解自己強項弱項,對著目標而行,一定好過盲目亂撞。與其一生猜度自己的命運,倒不如清楚解自己的命運軌跡,及知道自己現時是否跟命運軌跡有所偏差。

龍師傅設有論命及堪察陽宅風水服務,紫微斗數一生論命為港幣一千八百元,陽宅風水以建築面積計每呎九元,最低收費三千八百元,歡迎致電 82040102 預約或電郵info@masters.com.hk查詢詳情)

男女感情系列全部文章請按此

2012龍年生肖運程請按此

按此查看收費項目及預約詳情

​關於作者

龍震天課程

龍震天,玄學家,作家,出版書籍三十本,題材包括男女感情心理學,語言技巧,潛意識,改思改運,解碼術,感情個案分析等。


龍震天設有一對一咨詢服務,網上課程,運程詳批,風水,結婚擇日服務,詳細服務範圍可以按以下連結了解:


http://lungcourse.com/service

四天戀愛溝通術


​原價 HKD2,680,現時 ​免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>