和大家分享一位讀者 W 小姐的來信，也和大家說一些感情的事實。

W小姐的來信

龍師傅,首先多謝你既回覆! 希望你可以睇完我既事之後比小小意見我..因為我睇左你好多post,但係都認唔清我同佢到底咩先係事實同應該點做好。

件事係咁架…

由我同佢行到第7年我發現佢同第2個女仔有曖昧..我開始唔信佢不斷check佢..無時無刻打比佢到最後佢承認佢有第2個叫我接受到就同佢一齊，如果唔得o既咁就分開..因為我太愛佢我好傻咁選擇左接受佢有第2個，繼續同返佢一齊..但係我地已經唔同左之前啦..每一日都係嗌交同嗌交..

（龍師傅註：其實這段話我們要認清兩個事實。

事實一：死纏爛打一定得不到好結果。即使給你得到，也只是浪費你自己的青春而已。人變了心，你硬要和對方一起，對方表面上和你一起，但日子久了，他也會走；到時可能是十年之後的事情，那你硬要和對方一起多十年，你自已老了十年，到時才開始結識新的對象，是否太遲？

事實二：女生有一樣很不好的東西，就是在毫無思考及沒有腦的情況之下，指出事實，例如指出男的結識了另一位女孩子。

那女方期望男的怎樣回答？男的會說：「噢！我害怕了，給你知道了，我馬上和那個女孩斷絕來往」這樣嗎？

事實是，我聽過不少客人有這樣的經歷。十居其九在女方指出男的變了心之後，都會說：「既然你也知道了，我也不再隠暪，我們分手吧。」

那女的又會扮無知無知呆立當場，然後扮作不知道的問自己：「為甚麼？」

好了，後悔了，然後就開始哀求男方留下，但又思覺失調的想男方馬上和另外一個女孩子分手，這有可能嗎？

你餓了十天，突然間給你看見一碗叉燒飯，香噴噴，到你想吃了，突然間有人阻止你，你會怎樣？

其實，要綁住男人的心，不是用質問，查探對方電話電郵私隠的方式來做的；我說過多次，你要用蜜糖來吸引蝴蝶，而不是用網去捉；我告訴你，你用網是捉不住蝴蝶的。

我可以告訴你，我拍拖多次，除了第一次太年青被對方劈腿之外，之後每次都很順利；我用的方法，絕對不是硬來綁住對方，不讓對方出外，查對方電話；我只是做好我自己，不停進步，讓對方在市場上絕對無法用等價交換換到價值高於我的貨品，就是這樣簡單而已。

在這個情況之中，W小姐只是她所賣的貨品有問題，然後要讓對方一定要買自己的貨品而已。）

我忍唔住啦雖然我愛佢..最後我選擇左放手祝福佢..估唔到o既係佢居然選擇返我而放棄果個女仔。不過經過d咁o既事話冇條刺都係呃你，我o既唔信任又發作啦! 慢慢又開始check佢電話,facebook,email…直至我發現佢email入面有一個呃住我同其他女仔出街,一齊去影相既相…我心諗佢地應該係好單純咁去影相傘..我當然暗示比佢知我知啦…之後我地都冇咩事…仲一齊好似以前咁開心出街、睇戲、食飯。

（龍師傅註：老實說，我看不到男的要再愛女的理由。如果女的一直都默不作聲，將說話全部調轉來說，例如：「我完全不當作是一回事，無論你怎樣，我都支持你；我也有不對，是我做得不夠好。」反而會讓男的覺得不安；但如果女的還在做著這些討厭的事情，如果我是她的男朋友，我一早已經斬了她的手下來了。

開心去出街，睇戲，食飯，只是男的不想有麻煩而已；請你相信我，因為我做過很多這樣的事情。）

我仲記得有一日我地出街，佢不斷咁講你要放底，如果唔係冇人幫到你..不過以我o既個性我唔得!如是者我又繼續check、繼續狂打俾佢，總之無時無刻都要知佢係邊同做緊乜。

（龍師傅註：男的已經明言，如果女的識做，我相信男的為免麻煩，也可能會和女的繼續下去，但不愛她是一定的了；但女的太感性，以為發脾氣，表明自己不喜歡，男的就會害怕而「突然」很愛她。

為甚麼不想想發脾氣，只會讓人覺得討厭呢？這就是盲點，就是感性女人所作出的思維；因為不願意接受，所以在腦海之中從來沒有想過，也沒有看事實。）

之後又比我發現左個女仔約佢去長州啦..衝動o既我未攪清楚件事即同佢講分手，因為我唔想同第2個女仔share自己愛o既人。但係我唔甘心，同一晚我打比佢大家好平心靜氣咁傾，佢話個女仔有同佢表白過但係佢根本冇諗過要同佢一齊什至去長州，但係見到我同佢講分手唔知係佢一時之氣定心淡呢..

（龍師傅註：其實分手我覺得是最好的一步，免得大家浪費時間；但不夠一日，又不甘心，然後又致電對方，還要扮作心平氣和的去傾。

為甚麼說「扮作」？因為感性思維讓W小姐覺得，他們還是會在一起的；而她也覺得自己原諒了男方，男方就會愛她，而她也很大量。

其實事情真的不是這樣的。真相是，男的從來不需要你去原諒，因為他不會和你在一起，他也不再愛你。

不再愛你？對呀，你看看以上的事情，如果你還覺得男的還很愛女的，這就是感性思維。

還要再加多一句男方的說話，「無諗過在一起….」

算吧，讓我們只看事實吧，這是我說了十萬次的事情。）

佢地果一晚就開始一齊啦…仲book埋酒店一齊去深圳玩 (我知佢地真係果晚先一齊因為係果晚之後個女仔個微博先有講佢好滿足，仲叫d朋友祝福佢；但之前個女仔都一直係講咩心如刀割、唔開心等等既說話)，其實佢之前一直都有叫我信佢，但係我冇..反而將佢愈迫愈遠..之後仲比我發現3年前所發生o既事只係一埸誤會(我同佢呀麻傾計既時候佢講架—麻麻係超可信人!)，我知道之後真係好心痛! 我後悔啦又唔甘心! 決定搵返佢大家好冷靜咁去傾…我問佢我地有冇補救o既方法…佢就答：「冇啦太遲啦…我已經同左個女仔一齊，一係你就等我，可能我會之後好開心咁接返你，但係調轉頭係你唔會要返我呢。」然後我聽到佢喊，我都忍唔住喊。

（龍師傅註：其實三年前的事情，和現時的感情狀況有甚麼關係呢？這也是感性思維。

即如我，有朋友告訴我他其實三年之前沒有去過澳門賭錢輸光，但他在上個星期在澳門賭錢輸光了，這有甚麼關係呢？三年前我誤會了他在澳門輸光了錢，三年之後的今天，他確實在澳門輸光了錢，那今天他在澳門輸光了錢，其實不是真的，儘管他在三年後的今天，的確在澳門輸光了錢…

光看你也覺得煩吧？我真不明白感性女人的思維為甚麼可以這樣糟糕，好好用頭腦自已分析一下吧。）

佢又講：「我好需要空間，呢段時間就當大家冷靜下啦，你唔好再為我喊，自己身體唔好就食多d有營養既野、早d訓、你知道自己錯就要知道點改，我可能會好快咁接返你呢…但係我唔希望接返你之後同你而家一d都冇變過」之後我話既然你同佢剛剛開始，點解唔可以比多一次機會大家? 佢又話：「唔得…你只可以等」最後我答應佢我會改…等佢接返我，跟住就收左線啦…

（龍師傅註：其實男的說要自己的空間，就已經清楚說明了「你很煩」，這是很清楚的；你不清楚，只是你不願明白而已。）

第2日..我又忍唔住打比佢求佢原諒我，最後既結果佢都係叫我等，唔好再煩佢，因為佢做野已經做到好煩，唔想再有多d事要煩。咁我都知佢做野真係真到好煩…成日又冇得訓教，個人真係會好燥。之後我就選擇左比d空間佢，唔好再煩佢住。

（龍師傅註：真的又要我再 recap 一次了。

1. 做甚麼？
2. 為甚麼現在做？
3. 做了之後會為你帶來甚麼好處？

難道W小姐真的以為打個電話，求一下就可以復合嗎？這樣的想法，太天真了；真的，不要再做這些事情吧。其邏輯很簡單，如果這樣會成功，那我第一個會打給李嘉欣，然後求她和我一起拍拖。）

再過多十幾日左右啦，我叫我朋友幫我試下打佢電話試下佢同個女仔book左既深圳酒店到底有冇去到…居然係香港電話聲(不過可能set左長途都係變香港電話聲掛)，而從佢細妹口中亦得知佢係去公司宿營而唔係深圳。我去完旅行返香港，我以為我地仲有機會…買左份手信比佢，返唻香港既時候以朋友既身份send左個message比佢(去旅行前我地已經做返朋友)叫佢得閒出唻拎手信，佢就覆我：好呀..我有時間再約你。然後我又胡思亂想，打左比佢又救佢復合。得返唻既結果都係叫我等同埋改下我既脾氣，仲話你連最機本既理智都冇，我仲點搵你呀…直至而家我都冇再搵佢，其間佢都冇搵過我….

（其實做這些事情幹甚麼？又讓我來 recap 一次：

1. What are you going to do?
2. Why are you doing it now?
3. What benefits can you get after you doing it?

我真的覺得很煩，所以改用英文寫。

你看到，覺得煩嗎？至少我覺得煩；我真希望你明白，我過去數年，每天都對著同樣的感性思維網友來信，她們不停的做著同樣的感性事情，然後我每天都用同一個答案來回覆她們。

給你查到他們去深圳，那又如何？是香港電話聲？那又如何？是大陸的電話聲，那又如何？香港電話鈴聲，那個男的會「突然間」愛你，和你復合嗎？

致電給她的細妹，有甚麼目的？如果還在感性的說「知道一下也好」，那我真的想請你，從頭開始再看我的網誌，你過去學到的東西是零。

去完旅行回香港，以為還有機會，為甚麼會這樣覺得呢？這也是感性思維。）

龍師傅，我知我犯晒你所講既女人大技，但係我真係知錯啦! 我地仲有冇機會呢? 用你只睇事實既方法，我只係知佢而家唔想同我一齊住，但係又唔知佢到底有冇同果個女仔一齊，所以我真係唔知我應唔應該放手…但係又唔知點解…佢話已經同佢屋企人講我地分左手既事…但係其實佢根本冇講到…係咪我地仲有機會呢? 我真係好迷茫呀! 唔該龍師傅你指教下我呀! (對唔住..太長篇大論)Thanks!!!!!!!!!!!!

（龍師傅：W小姐還是很感性，知錯就可以復合嗎？這也是女人自已想出來的東西而已。如你問我，我的答案很簡單，多一個字也沒有：

「分手，因為機會不是零，是負。」

其它的也不是重點了，甚麼和家人說了已分手，但其實沒有說，那又如何呢？因為這樣就有機會嗎？如果還在相信有機會，那慢慢等吧，等它個十六年（就像我十數年前的女朋友一樣），由二十六歲等到四十二歲，再開始找男朋友吧。）

龍師傅分析

從這件事上，可以看到女人很多時候都是很感性的。W小姐說看了我很多網誌，但我覺得她在感性的技巧完全不行，只因她不接受事實，而要硬來而已。

想想看，很多人都是知道怎樣做，只是不想去做而已。

要做到理性真的有這麼難？認清事實不難，只是自己的執行力有問題而已；如果有百分之二百的執行力，當認清男的放棄自己的時候，應該要主動提出分手，走的速度比男的更快才是。

我也相信，男的變心，不是一朝一夕的事。自已老了？對方厭了？脾氣差？根本在等價交換的世界之中，W小姐沒有東西和男的去交換，於是就走了。

所以，無論你接受與否，你都是生活在「等價交換」的世界裏，你要不停的有東西和對方交換，感情才會長久。

另外我想強調一點，在我的網誌裏，我只是執意一個大原則：

「我只想你們在感情路上變得更好更順利。」

那要順利，只能看事實，這個大前題大家一定要知道。

（你是否在感情路上，事業路上遇到問題？其實未必是你的命格不好，只是你不知道自己的整體人生藍圖和命運軌跡而已。在我看來，只要找對自己的方向，沒有一個人是不幸運的人。清楚了解自己強項弱項，對著目標而行，一定好過盲目亂撞。與其一生猜度自己的命運，倒不如清楚解自己的命運軌跡，及知道自己現時是否跟命運軌跡有所偏差。

龍師傅設有論命及堪察陽宅風水服務，紫微斗數一生論命為港幣一千八百元，陽宅風水以建築面積計每呎九元，最低收費三千八百元，歡迎致電 82040102 預約或電郵info@masters.com.hk查詢詳情）