今天和大家分享一個網友回應關於男女感情之道。看來大家對這些回應越看越上癮了。

這位網友的分享是這樣的：

——————————————–

師傅咁識男女之道, 唔知可唔可以指教下我的case…

我的男朋友事業唔多掂, 成日揾唔到錢, 所以初時佢一直逃避我地之間的感情, 到後來因為佢有事求我, 我先逼到佢講出對我的感覺, 但係佢都係話要等佢有d成績先正式同我一齊, 再加上佢份人一向怕對人開放自己, 搞到我好似單方面送上門咁, 永遠只有我哄佢, 有時買下野送佢, 有時send message 向佢講自己對佢的感覺, 但佢就無咩反應, 問佢係唔係唔鐘意, 佢又話唔係, 睇來佢好似對我的慇勤根本唔知要點反應… 有時我真係好唔開心, 但一同朋友講, 個個的回應都係叫我飛左佢, 我聽到更加唔開心, 我咁鐘意佢, 點解叫我飛左佢啫!

最近無意中係網上同人傾偈, 遇到一個女仔的情況竟然同我一模一樣! 佢又係好煩, 同我的煩惱完全一樣, 而且都係得唔到人認同, 個個都覺得我地係度自尋煩惱, 最好都係飛左個男仔.. 我覺得好巧合的地方係我地兩個都唔想放棄, 明知個男仔似一碌木, 又成日驚俾唔到幸福我地, 一直唔肯俾承諾我地, 但我地都仲係咁執迷, 點解會咁o架?

——————————————-

其實這個情況正是 "自己唔緊，別人緊"。

我常說，一個人的行為，談吐，就會表露了自己心裏的真正想法。你想想，如果你約一個朋友，一個禮拜打電話約一次，約了半年你的朋友還是說："我唔太得閒，第日先"，那你會有甚麼想法？

一個女仔，單方面打電話，send SMS，送禮物，卻永遠收到不到對方關心，這又有何暗示？

我只能說，事實就是這樣，如自己覺得可以，就不妨繼續下去，但有可能永遠都沒有結果；真相是，時日過去了，甚麼也得不到，到時青春沒有了，本錢沒有了，時間也不能回頭。

每事都無十足把握，但我們可以將眼前看到的，知道的事情融合，作一個分析，然後作出一個最好的決定。

即使決定錯了，也不必自責，意外常有發生；問題是：你現在所作的決定，是否最好的決定？

這個 case，我覺得可以用一個 time frame 來規限著，例如兩年，三年等，而且可以在不同的時間訂下不同的目標，這樣路會好走得多。

例如一年後的一月，要夠錢買結婚介指，一年後的六月，要夠錢買求婚介指…等等。

你可以不時 revise 這些計劃，只要是大家接受得到就可以了；如男方大駛，可由女方來儲起，這樣更會穩妥得多。

有人會問："如果和男方商量時對方顧左右而言它怎麼辦？"

那還不簡單，飛掉他算了，除非他有特別理由；我常說，一個月儲一萬元是錢，一個月儲五百元也是錢，多少不是問題，最重要是誠意。