早兩天和友人吃飯, 聽到一則真人真事笑話, 值得記下, 就和大家分享一下.

楊先生出新車, 五十多萬, 非常高興. 出了車, 當然係去一D自己平時無去既地方啦!

楊先生的友人, 一同出車. 楊先生問他的朋友說: "出了車了, 好開心呀! 想去邊度, 我地不如搵到特別既地方, 享用D特色野啦! 邊度飲野最好?"

友人沉思, 很是認真. 楊先生說: "一定要好有特色, 好有特色, 唔好飲D咁普通既野!"

楊先生的朋友想了很久, 靈機一動, 就話: "聽我講, 呢間一定要去, 我去過多次 , 佢既野飲真係好特別!"

楊先生道: "邊度?"

楊先生的朋友道: "赤柱!"

楊先生心中暗叫一聲 "好"! 因為赤柱又的確係好少去, 而駕車去又的確可以遊車河; 再者, 赤柱又真係一個飲野談心既好地方!

楊先生再問: "邊間?"

友人道: "去到你咪知咯!"

楊先生心想: "都好, 睇下你有乜驚喜俾我."

去到赤柱, 坐低. 楊先生心想: "確是一個好特別既地方!"

如果你以為係好浪漫既飲酒地方, 咁你就錯了, 呢度無日落, 無風景, 只是一間茶餐廳, 真係特別.

楊先生道: "你介紹得我黎呢度, 咁呢度一定係有一D好特色既野啦!"

友人道: "係, 好有特色, 而且好特別, 包保你從未見過!"

楊先生道: "咁呢度有乜最出名?"

友人道: "一陣你咪知咯, 個個黎度呢度都係叫呢杯特色野!"

接著楊先生友人叫服務員過來, 大聲道 : "兩杯忌廉溝鮮奶呀唔該!"

楊先生大叫道: "唔係卦? 你話既特色野就係忌廉溝鮮奶?"

友人還一本正經道: "係呀, 最出名係呢樣!"

楊先生道: "咁佢有乜特色?"

友人故作神秘: "一陣黎度你咪知咯!"

未幾, 忌廉溝鮮奶上檯, 只見檯面有兩枝維記鮮奶, 兩枝玉泉忌廉.

楊先生問友人: "咁有乜特色呢?"

友人一本正經道: "佢既特色就係唔沖俾你, 自己沖落去, 咁你要多少分量就可以隨意調較了!

原來楊先生友人在赤柱豪宅長大, 細個父母管教甚嚴, 唔俾出街, 最開心就係黎到呢度飲忌廉溝鮮奶, 所以覺得好好味.

——————————

以上笑話如果係虛構, 一定係爛 gag, 但呢件係真人真事, 我就真係覺得好好笑了!